ಎಸ್ತೆರ್‌ 7:3 - ಕೊಡವ ಬೈಬಲ್

³ ಅದ್‌ಂಗ್‌ ಎಸ್ತೇರ್‌ ರಾಣಿ: ರಾಜನೇ, ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಿಂಗಕ್‌ ಕುಶಿ ಉಂಡೇಂಗಿ, ದಯಬೆಚ್ಚಿತ್‌ ನಾಡ ಜೀವತ್‌ನ ಉಳ್‌ಚಿಡಿ. ಇದೇ ನಾಡ ಬೋಡಿಕೆ. ಇಂಞು ನಾಡ ಜನಡ ಜೀವತ್‌ನ ಸಹ ಉಳ್‌ಚಿಡಿ. ಇದೇ ನಾಕ್‍ ಬೋಂಡಿಯೇಂದ್‌ ಎಣ್ಣ್‌ಚಿ.

ಎಸ್ತೆರ್‌ 7:3 Iomraidhean Croise

ಎಸ್ತೆರ್‌ 4:8

ಇಂಞು, ಯೆಹೂದ್ಯ ಜನಳ ಕೊಲ್ಲಂಡೂಂದ್‌ ಶೂಷನ್‌ ಪಟ್ಟಣತ್‌ಲ್‌ ಪ್ರಕಟ ಆನ ರಾಜಂಡ ತೀರ್ಮಾನತ್‌ರ ಒರ್‌ ಪ್ರತಿರ ಕಾಗದತ್‌ನ ಅಂವೊಂಡ ಪಕ್ಕ ಕೊಡ್‌ತಿತ್: ಇದ್‌ನ ಎಸ್ತೇರಂಗ್‌ ಕಾಟಿತ್, ಅವಕ್‌ ಎಣ್ಣಿ ಕೊಡ್. ದಯ ಬೆಚ್ಚಿತ್‌ ಅವಳ ರಾಜಂಡ ಪಕ್ಕ ಪೋಪಕ್‌ ಎಣ್ಣಿತ್, ಅಂವೊಂಡ ಪಕ್ಕ ತಾಂಡ ಜನಕ್‌ ಕರುಣೆ ಕಾಟಂಡೂಂದ್‌ ಬೋಡ್‌ವಕ್‌ ಅವಕ್‌ ಎಣ್ಣ್‍ೕಂದ್‌ ಎಣ್ಣಿತ್‌ ಅಯಿಚತ್.

ಎಸ್ತೆರ್‌ 5:8

ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಾಡ ಬೋಡಿಕೆನ ತಪ್ಪಕು ನಾಡ ಮೊರೇನ ನೆರೆವೀರಿಚಿಡಂಡೂಂದ್‌ ನಿಂಗಕ್‌ ಕುಶಿ ಉಂಡೇಂಗಿ, ನಾನ್‌ ನಾಳೆ ನಿಂಗಕಾಯಿತ್‌ ತಯಾರ್‌ ಮಾಡುವ ಗದ್ದಾಳಕ್‌ ನಿಂಗ ಹಾಮಾನನ ಕೂಟಿಯಂಡ್‌ ಬರೊಂಡು. ಅಕ್ಕ ನಾನ್‌ ನಾಡ ಬೋಡಿಕೆನ, ಮೊರೇನ ಎಣ್ಣ್‌ವೀಂದ್‌ ಉತ್ತರ ಕೊಡ್‌ತತ್.

ಎಸ್ತೆರ್‌ 7:7

ರಾಜಂಗ್‌ ದುಂಬ ಚೆಡಿ ಬಂದಿತ್‌ ದ್ರಾಕ್ಷಿರಸ ಕುಡಿಪನ ಬುಟ್ಟಿತ್‌ ಅರಮನೆರ ತೋಟಕ್‌ ಪೋಚಿ. ರಾಜನಗುಂಡ್‌ ತಾಂಗ್‌ ನೇರಾಯಿತು ಕ್‍ೕಡ್‌ ಆಪಾಂದ್‌ ಹಾಮಾನ ಅರ್‌ಂಜಿತ್, ಪೊರಮೆ ಪೋಕತೆ, ರಾಣಿಯಾನ ಎಸ್ತೇರಳಡ ಪಕ್ಕ ಪೋಯಿತ್‌ ತಾಂಡ ಜೀವತ್‌ನ ಉಳ್‌ಚಿಡ್‌ವಕ್‌ ಬೋಡನಾಂದ್‌ ಅವಡ ಮಿಂಞತ್‌ ನಿಂದತ್.

ಎಸ್ತೆರ್‌ 8:5

ರಾಜನ ನೋಟಿತ್: ಓ ರಾಜನೇ, ನಿಂಗಕ್‌ ಕುಶಿ ಉಂಡೇಂಗಿ, ನಾಕ್‍ ನಿಂಗಡ ದಯೆ ಕ್‌ಟ್ಟ್‌ಚೇಂಗಿ, ನಾನ್‌ ಎಣ್ಣ್‌ವ ತಕ್ಕ್‌ನ ನಿಂಗ ಸರೀಂದ್‌ ಕಂಡತೇಂಗಿ, ನನ್ನ ನಿಂಗ ಮೆಚ್ಚಿತೇಂಗಿ, ರಾಜಂಡ ಎಲ್ಲಾ ಪ್ರಾಂತ್ಯತ್‌ ಉಳ್ಳ ಯೆಹೂದ್ಯಂಗಳ ನಾಶ ಮಾಡಂಡೂಂದ್‌ ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಕೆಟ್ಟ ಮನಸ್ಸ್‌ಲ್‌ ಒಳ್‌ದ್‌ಚಿಟ್ಟ ಆಜ್ಞೆನ ರದ್ದ್ ಮಾಡಂಡೂಂದ್‌ ಎಡ್‌ಕಂಡೂಂದ್‌ ಒಳ್‌ದಿತ್‌ ಅಯಿಕಂಡು.