ಎಸ್ತೆರ್‌ 6:1 - ಕೊಡವ ಬೈಬಲ್

¹ ಅಂದ್‌ ಬಯಿಟ್ ರಾಜಂಗ್‌ ವರಿಯೊಕ್‌ ಕಯಿಂಜಿತ್‌ಲ್ಲೆ. ಅದ್‌ಂಗ್‌ ಅಂವೊ ಅಂವೊಂಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಂದ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ನ ಎಡ್‌ತ ಬಪ್ಪಕ್‌ ಆಜ್ಞೆ ಮಾಡ್‌ಚಿ. ಅದ್‌ನ ಅಂವೊಂಡ ಮಿಂಞತ್‌ ಓದ್ವಕ್‌ ಮಾಡ್‌ಚಿ.

ಎಸ್ತೆರ್‌ 6:1 Iomraidhean Croise

ಆದ್ಯತ್‌ರ ಪುಸ್ತಕ 22:14

ಅಬ್ರಹಾಮ ಆ ಜಾಗಕ್‌ ಯೆಹೋವಯೀರೆ ಎಣ್ಣಿಯಂಡ್‌ ಪೆದ ಬೆಚ್ಚತ್. ಯೆಹೋವಂಡ ಕುಂದ್‌ಲ್‌ ನಂಗಕ್‌ ಬೋಂಡಿಯಾನದ್‌ನ ತಪ್ಪ ಎಣ್ಣಿಯಂಡ್‌ ಇಕ್ಕಲು ಜನ ಎಣ್ಣುವ.

ಎಸ್ತೆರ್‌ 10:2

ಅಂವೊಂಡ ಬಲವು ಪರಾಕ್ರಮವು ಉಳ್ಳ ಕಾರ್ಯವು, ರಾಜಂಡ ಕೈಯಿಂಜ ಮೊರ್ದೆಕೈಕ್‌ ಕ್‌ಟ್ಟ್‌ನ ಬಲ್ಯ ಸ್ತಾನ, ಗೌರವತ್‌ರ ವಿಷಯನೆಲ್ಲ ಮೇದ್ಯ ಪಿಂಞ ಪಾರಸಿಯ ರಾಜಂಗಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಪ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚಿತುಂಡ್.

ಎಸ್ತೆರ್‌ 2:21

ಆ ದಿವಸತ್‌ಲ್‌ ಮೋರ್ದೆಕೈ ಅರಮನೆರ ಬಾಯಿಕಂಡಿರ ಪಕ್ಕ ಅಳ್‌ತಂಡಿಪ್ಪಕ ಪಡಿಕಾಪಯಂಗಳಾನ ಬಿಗೆತಾನ ಪಿಂಞ ತೆರೆಷ ಎಣ್ಣುವ ದಂಡ್‌ ರಾಜಂಡ ಸೇವಕಂಗಳಾನ ಶಿಕಂಡಿಯ, ರಾಜನಾನ ಅಹಷ್ವೇರೋಷಂಡ ಮೇಲೆ ಚೆಡಿ ಮಾಡಿಯಂಡ್‌ ಅಂವೊನ ಕೊಲ್ಲಂಡೂಂದ್‌ ಚದಿ ಮಾಡಿಯಂಡಿಂಜತ್.

ಎಸ್ತೆರ್‌ 2:22

ಈ ವಿಷಯ ಮೋರ್ದೆಕೈಕ್‌ ಗೊತ್ತಾಯಿತ್, ರಾಣಿಯಾನ ಎಸ್ತೇರಂಗ್‌ ಅರಿಚಿಟ್ಟತ್; ಈ ವಿಷಯತ್‌ನ ಮೋರ್ದೆಕೈಯನೇ ಎಣ್ಣ್‌ಚೀಂದ್‌ ಎಸ್ತೇರ್‌ ರಾಜಂಗ್‌ ಎಣ್ಣ್‌ಚಿ.

ಎಸ್ತೆರ್‌ 2:23

ಈ ವಿಷಯ ವಿಚಾರಣೆಕ್‌ ಬಪ್ಪಕ ಅದ್‌ ನೇರ್‌ಂದ್‌ ಗೊತ್ತಾನಪಿಂಞ ಆ ದಂಡಾಳ್‌ನ ಮರತ್‌ಲ್‌ ತೂಕ್‌ಚಿ. ಇದ್‌ನ, ರಾಜಂಡ ಮಿಂಞತ್‌ ಅಂವೊ ಆಳ್‌ವಿಕೆ ಮಾಡನ ಕಾಲತ್‌ಲ್‌ ನಡ್‌ಂದ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚತ್.

ಎಸ್ತೆರ್‌ 5:8

ನಾಕ್‍ ನಿಂಗಡ ದಯೆ ಕ್‍ಟ್ಟಿತ್, ನಾಡ ಬೋಡಿಕೆನ ತಪ್ಪಕು ನಾಡ ಮೊರೇನ ನೆರೆವೀರಿಚಿಡಂಡೂಂದ್‌ ನಿಂಗಕ್‌ ಕುಶಿ ಉಂಡೇಂಗಿ, ನಾನ್‌ ನಾಳೆ ನಿಂಗಕಾಯಿತ್‌ ತಯಾರ್‌ ಮಾಡುವ ಗದ್ದಾಳಕ್‌ ನಿಂಗ ಹಾಮಾನನ ಕೂಟಿಯಂಡ್‌ ಬರೊಂಡು. ಅಕ್ಕ ನಾನ್‌ ನಾಡ ಬೋಡಿಕೆನ, ಮೊರೇನ ಎಣ್ಣ್‌ವೀಂದ್‌ ಉತ್ತರ ಕೊಡ್‌ತತ್.

ಮಲಾಕಿ 3:16

ಅಕ್ಕ ಯೆಹೋವಂಗ್‌ ಬತ್ತ್‌ತವಯಿಂಗ ಅಯಿಂಗಯಿಂಗಳೇ ತಕ್ಕ್‌ ಪರಿಯುವ. ಒಡಯನಾನ ಯೆಹೊವ ಎಚ್ಚರತ್‌ಲ್‌ ಕ್‍ೕಪ; ಯೆಹೋವಂಗ್‌ ಬೊತ್ತ್‌ವಯಿಂಗಕಾಯಿತು, ಒಡಯನಾನ ಯೆಹೋವಡ ಪೆದತ್‌ನ ಗನಪಡ್‌ತ್‌ವಯಿಂಗಕಾಯಿತು ಅಂವೊಂಡ ಮಿಂಞತ್‌ ಒರ್‌ ಞಾಪಕ ಪುಸ್ತಕ ಒಳದಿ ಬೆಚ್ಚಿತುಂಡ್.

ರೋಮ್ 11:33

ಓ, ದೇವಡ ಜ್ಞಾನತ್‍ರ ಐಶ್ವರ್ಯ ಪಿಂಞ ಅಂವೊಂಡ ಬುದ್ದಿ ಎಚ್ಚಕ್ ಆಳವಾಯಿತುಂಡ್! ಅಂವೊಂಡ ನ್ಯಾಯತೀರ್ಪ್‌ನ ಕಂಡ್‌ಪುಡಿಪಕ್ ಕಯ್ಯುಲೆ, ಅಂವೊಂಡ ಬಟ್ಟೇನ ಪರಿಶೋದನೆ ಮಾಡ್‌ವಕ್ ಕಯ್ಯತನೆಕೆ ಉಂಡ್.