ಎಸ್ತೆರ್‌ 4:6 - ಕೊಡವ ಬೈಬಲ್

⁶ ಅನ್ನನೆ ಹತಾಕ ಅರಮನೆರ ಕೋಟೆ ಬಾಯಿಕಂಡಿರ ಮಿಂಞತ್‌ಲ್‌ ಇಂಜ ಪಟ್ಟಣತ್‌ರ ಬಯಲ್‌ಲ್‌ ಇಂಜ ಮೊರ್ದೆಕೈಯಂಡ ಪಕ್ಕ ಪೋಚಿ.

ಎಸ್ತೆರ್‌ 4:6 Iomraidhean Croise

ಎಸ್ತೆರ್‌ 4:3

ರಾಜಂಡ ಆಜ್ಞೆಯು ತೀರ್ಮಾನವು ಏದೆಲ್ಲಾ ಪ್ರಾಂತ್ಯಕ್‌ ಪೋಯಿ ಎತ್ತಚೋ ಅಲ್ಲಿಯೆಲ್ಲಾ ಯೆಹೂದ್ಯ ಜನಡ ಮದ್ಯತ್‌ ಬಲ್ಯ ದುಃಖ, ಪಟ್ಟಣಿ ನಿಪ್ಪದ್, ಮೊರ್‌ಡುವದ್‌ ಪಿಂಞ ಗೋಳಾಟ ಸುರು ಆಚಿ. ಸುಮಾರ್‌ ಜನ ಗೋಣಿಚೀಲತ್‌ರ ಬಟ್ಟೆನ ಪಿಂಞ ಬೂದಿನ ನೆಲತ್‌ ಇಟ್ಟಿತ್‌ ಅದ್‌ಂಡ ಮೇಲೆ ಬುದ್ದಂಡತ್.

ಎಸ್ತೆರ್‌ 4:5

ಅಕ್ಕ ಎಸ್ತೇರ್‌ ಅವಕ್‌ ಸೇವೆ ಮಾಡ್‌ವಾಕಾಯಿತ್‌ ರಾಜ ನೇಮಿಚಿಟ್ಟ ಶಿಕಂಡಿಯಡಡೆಲ್‌ ಒಬ್ಬನಾನ ಹತಾಕನ ಕಾಕ್‌ಚಿಟ್ಟಿತ್: ನೀನ್‌ ಮೊರ್ದೆಕೈಯಂಡ ಪಕ್ಕ ಪೋಯಿತ್, ಅಂವೊ ಮಾಡಿಯಂಡುಳ್ಳ ಈ ಕಾರ್ಯಕ್‌ ಎಂತ ಕಾರಣಾಂದ್‌ ವಿಚಾರಿಚಿಟ್ಟಂಡ್‌ ಬಾಂದ್‌ ಎಣ್ಣಿತ್‌ ಅಯಿಚತ್.

ಎಸ್ತೆರ್‌ 4:7

ಅಕ್ಕ ಮೊರ್ದೆಕೈ ತಾಂಗ್‌ ನಡ್‌ಂದ ಎಲ್ಲಾ ವಿಷಯತ್‌ನ ಪಿಂಞ ಹಾಮಾನ ಯೆಹೂದ್ಯ ಜನತ್‌ನ ನಾಶಮಾಡ್‌ವಕ್‌ ರಾಜಬಂಡಾರಕ್‌ ಕೊಡ್‌ಪ್ಪಾಂದ್‌ ಎಣ್ಣ್‌ನ ಬೊಳ್ಳಿನ ವಿಷಯತ್‌ನೆಲ್ಲಾ ಅಂವೊಂಗ್‌ ಅರಿಚಿಟ್ಟತ್.

ಎಸ್ತೆರ್‌ 7:2

ದ್ರಾಕ್ಷಿರಸ ಬಳಂಬ್‌ವ ನೇರತ್‌ ರಾಜ ಎಸ್ತೇರಳ ನೋಟಿತ್: ಎಸ್ತೇರ್‌ ರಾಣಿಯೇ, ನೀಕ್‌ ಎಂತ ಬೋಂಡು? ಅದ್‌ನ ನೆರವೇರಿಚಿಡುವಿ. ನೀಡ ಬೋಡಿಕೆ ಎಂತ? ನೀನ್‌ ಈ ರಾಜ್ಯತ್‌ರ ಪಾದಿ ಬಾಗತ್‌ನ ಕ್‍ೕಟತೇಂಗಯು, ಅದ್‌ ನೀಕ್‌ ಕ್‌ಟ್ಟ್‌ವಾಂದ್‌ ಎಣ್ಣ್‌ಚಿ.

ಎಸ್ತೆರ್‌ 9:12

ಅಕ್ಕ ರಾಜ ಎಸ್ತೇರ್‌ ರಾಣಿನ ನೋಟಿತ್: ಯೆಹೂದ್ಯಂಗ ಶೂಷನ್‌ ಅರಮನೆಲ್‌ ಅಂಞ್ಞೂರ್‌ ಜನಳ ಪಿಂಞ ಹಾಮಾನಂಡ ಪತ್ತ್‌ ಕ್‌ಣ್ಣ ಮಕ್ಕಳ ಕೊಂದಿತ್‌ ನಾಶ ಮಾಡಿರ್‌ತ್. ರಾಜಂಡ ಬೋರೆ ಪ್ರಾಂತ್ಯತ್‌ಲ್‌ ಎಂತ ಮಾಡೀತಿಕ್ಕೋ? ಇಕ್ಕ ನೀಡ ಬೋಡಿಕೆ ಎಂತ? ಅದ್‌ ನೀಕ್‌ ಕ್‌ಟ್ಟುವ. ನೀಡ ಮೊರೆ ಎಂತ? ಅನ್ನನೆ ನೀಕ್‌ ಆಪ ಎಣ್ಣಿಯಂಡ್‌ ಎಣ್ಣ್‌ಚಿ.