ಎಸ್ತೆರ್‌ 4:1 - ಕೊಡವ ಬೈಬಲ್

¹ ನಡ್‌ಂದ ಎಲ್ಲಾನ ಕ್‍ೕಟಿತ್‌ ಮೊರ್ದೆಕೈ ತಾಂಡ ಬಟ್ಟೆನ ಕೀತಿತ್, ಗೋಣಿಚೀಲತ್‌ರ ಬಟ್ಟೆನ ಸುತ್ತಿಯಂಡ್, ಬೂದಿನ ಮಂಡೆರ ಮೇಲೆ ಇಟ್ಟಂಡ್, ಪಟ್ಟಣತ್‌ರ ಮದ್ಯತ್‌ ಪೋಯಿತ್‌ ದುಃಖತ್‌ಲ್‌ ದುಂಬ ಗೋಳಾಡ್‌ಚಿ.

ಎಸ್ತೆರ್‌ 4:1 Iomraidhean Croise

ಆದ್ಯತ್‌ರ ಪುಸ್ತಕ 27:34

ಏಸಾವ ತಾಂಡ ಅಪ್ಪಂಡ ತಕ್ಕ್‌ನ ಕ್‍ೕಟಿತ್, ದುಂಬ ದುಃಖ ಪಟ್ಟಿತ್, ದುಂಬ ಜೋರಾಯಿತ್‌ ಮೊರ್‌ಟಿತ್‌ ತಾಂಡ ಅಪ್ಪನ ನೋಟಿತ್: ಅಯ್ಯೋ ಪಪ್ಪಾ, ನನ್ನ ಸಹ ಆಶೀರ್ವಾದ ಮಾಡ್‍ೕಂದ್‌ ಬೋಡಿಯಂಡತ್.

ಆದ್ಯತ್‌ರ ಪುಸ್ತಕ 37:34

ಅಲ್ಲಿಂಜ ಯಾಕೋಬ ತಾಂಡ ಬಟ್ಟೆನೆಲ್ಲ ಕೀತಿಯಂಡ್, ಅಂವೊಂಡ ನಡುಕ್‌ ಗೋಣಿಚೀಲತ್‌ನ ಸುತ್ತಿಯಂಡ್, ದುಂಬ ದಿವಸ ತಾಂಡ ಮೋಂವೊಂಗಾಯಿತ್‌ ದುಃಖಪಟ್ಟಂಡಿಂಜತ್.

ಎಸ್ತೆರ್‌ 4:2

ರಾಜಂಡ ಅರಮನೆರ ಕೋಟೆರ ಬಾಯಿಕಂಡಿರಕತ್ತನೆ ಬಾತ್. ಗೋಣಿಚೀಲತ್‌ರ ಬಟ್ಟೆನ ಇಟ್ಟಂಡ್‌ ದಾರ್‌ಕು ಅರಮನೆರ ಒಳ್‌ಕ್‌ ಪೋಪಕ್‌ ಅನುಮತಿ ಇಂಜಿತ್‌ಲ್ಲೆ.

ಎಸ್ತೆರ್‌ 4:3

ರಾಜಂಡ ಆಜ್ಞೆಯು ತೀರ್ಮಾನವು ಏದೆಲ್ಲಾ ಪ್ರಾಂತ್ಯಕ್‌ ಪೋಯಿ ಎತ್ತಚೋ ಅಲ್ಲಿಯೆಲ್ಲಾ ಯೆಹೂದ್ಯ ಜನಡ ಮದ್ಯತ್‌ ಬಲ್ಯ ದುಃಖ, ಪಟ್ಟಣಿ ನಿಪ್ಪದ್, ಮೊರ್‌ಡುವದ್‌ ಪಿಂಞ ಗೋಳಾಟ ಸುರು ಆಚಿ. ಸುಮಾರ್‌ ಜನ ಗೋಣಿಚೀಲತ್‌ರ ಬಟ್ಟೆನ ಪಿಂಞ ಬೂದಿನ ನೆಲತ್‌ ಇಟ್ಟಿತ್‌ ಅದ್‌ಂಡ ಮೇಲೆ ಬುದ್ದಂಡತ್.

ಮತ್ತಾಯ 11:21

ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಅಪೊಸ್ತಲ 14:14

ಅಪೊಸ್ತಲಂಗಳಾನ ಬಾರ್ನಬ ಪಿಂಞ ಪೌಲ ಇದ್‍ನ ಕ್‍ೕಟಿತ್, ತಂಗಡ ಬಟ್ಟೇನ ಕೀತಿಯಂಡ್, ಜನಡ ಗುಂಪ್‍ರ ಮದ್ಯತ್ ಕೂತ್ ಕೊಡ್‌ತಂಡ್ ನುಗ್ಗಿತ್:

ಪ್ರಕಟನೆ 11:3

ನಾನ್ ನಾಡ ದಂಡ್ ಸಾಕ್ಷಿಕಾರಂಗಕ್ ಅದಿಕಾರ ಕೊಡ್‍ಪಿ. ಅಯಿಂಗ ಗೋಣಿಚೀಲತ್‍ನ ಪೊತ್ತಂಡ್ 1,260 ದಿನಕತ್ತನೆ ಪ್ರವಾದನೆ ಎಣ್ಣುವ.