ಎಸ್ತೆರ್‌ 3:7 - ಕೊಡವ ಬೈಬಲ್

⁷ ರಾಜನಾನ ಅಹಷ್ವೇರೋಷಂಡ ಆಳ್‌ವಿಕೆರ ಪನ್ನೆರಂಡನೇ ಕಾಲತ್, ನಿಸಾನ್‌ ಎಣ್ಣುವ ತಿಂಗವಾನ ಮೊದಲೆನ ತಿಂಗತ್‌ಲ್‌ ಹಾಮಾನಂಡ ಮಿಂಞತ್‌ಲ್‌ ಪೂರ್‌ ಎಣ್ಣುವ ಚೀಟಿನ, ಏದ್‌ ದಿವಸ ಪಿಂಞ ಏದ್‌ ತಿಂಗಾಂದ್‌ ತೀರ್ಮಾನ ಮಾಡುವಕ್‌ ಪ್ರತಿ ದಿವಸಕು, ಪ್ರತಿ ತಿಂಗಕು ಇಟ್ಟತ್. ಆ ಚೀಟಿ ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗಕ್‌ ಬುದ್ದತ್.

ಎಸ್ತೆರ್‌ 3:7 Iomraidhean Croise

ಎಸ್ತೆರ್‌ 1:3

ತಾಂಡ ಆಳ್‌ವಿಕೆರ ಮೂಂದನೆ ಕಾಲತ್‌ಲ್‌ ಅಂವೊಂಡ ಅರಮನೆರ ಪ್ರಬುವಯಂಗಕ್‌ ಪಿಂಞ ಸೇವಕಂಗಕ್‌ ಬಲ್ಯ ನಮ್ಮೇರ ಗದ್ದಾಳ ಏರ್ಪಾಡ್‌ ಮಾಡ್‌ಚಿ . ಅಕ್ಕ ಪಾರಸಿಯ ಪಿಂಞ ಮೇದ್ಯ ದೇಶತ್‌ರ ಸೇನಾಧಿಪತಿಯಳು, ಮುಕ್ಯಪಟ್ಟಯಿಂಗಳು, ದೇಶತ್‌ರ ಅದಿಕಾರಿಯಳು ಬಂದಿತ್‌ಂಜತ್.

ಎಸ್ತೆರ್‌ 2:16

ಅನ್ನನೆ ರಾಜನಾನ ಅಹಷ್ವೇರೋಷಂಡ ಆಳ್‌ವಿಕೆರ ಏಳನೇ ಕಾಲತ್‌ರ ತೇಬೇತ್‌ ಎಣ್ಣುವ ಪತ್ತನೆ ತಿಂಗತ್‌ಲ್‌ ಎಸ್ತೇರ್‌ನ ರಾಜಂಡ ಅರಮನೆಕ್‌ ಕಾಕಿಯಂಡ್‌ ಪೋಚಿ.

ಎಸ್ತೆರ್‌ 9:1

ಆದಾರ್‌ ತಿಂಗವಾನ ಪನ್ನರಂಡನೆ ತಿಂಗತ್‌ ಪದಿಮೂಂದನೆ ದಿವಸತ್‌ಲ್, ರಾಜಂಡ ತೀರ್ಮಾನತ್‌ರನೆಕೆಯು ಅಂವೊಂಡ ಆಜ್ಞೆರನೆಕೆಯು ಮಾಡ್‌ವಕಿಂಜತ್. ಆ ದಿವಸತ್‌ ಯೆಹೂದ್ಯಂಗಡ ವಿರೋದಿಯ ಕೈ ಕೂಡಿತ್‌ ಯೆಹೂದ್ಯ ಜನತ್‌ನ ಪಾಳ್‌ ಮಾಡನಾಂದ್‌ ಗೇನ ಮಾಡ್‌ಚಿ. ಆಚೇಂಗಿ ಅದ್‌ಂಗ್‌ ಬದ್‌ಲ್‌ ಯೆಹೂದ್ಯ ಜನ ಅಯಿಂಗಡ ಪಗೆನ ತ್‍ೕತಂಡತ್.

ಎಸ್ತೆರ್‌ 9:21

ಪ್ರತಿಕಾಲವೂ ಆದಾರ್‌ ತಿಂಗತ್‌ರ ಪದಿನಾಲನೇ ಪಿಂಞ ಪದಿನಂಜನೇ ದಿವಸತ್‌ನ, ಯೆಹೂದ್ಯಂಗ ಅಯಿಂಗಡ ವಿರೋದಿಯಡ ಕ್‍ೕಡ್‌ಂಜ ತಪ್ಪಿಚಿಟ್ಟಿತ್‌ ಅರಾಮ್‌ ಮಾಡ್‌ನ ದಿವಸವಾಯಿತು, ಅಯಿಂಗಡ ನೊಂಬಲ ಸಂತೋಶವಾಯಿತು, ಅಯಿಂಗಡ ದುಃಖ ಸುಕವಾನ ದಿವಸವಾಯಿತು ಬದ್‌ಲಾನ ತಿಂಗಳಾಯಿತ್‌ ಕೊಂಡಾಡಿತ್,

ಎಸ್ತೆರ್‌ 9:5

ಆನಗುಂಡ ಯೆಹೂದ್ಯಂಗ ಅಯಿಂಗಡ ಎಲ್ಲಾ ವಿರೋದಿಯಳ ಕತ್ತಿಯಿಂಜ ಬಡ್‌ಚಿ ಕೊಂದಿತ್, ನಾಶ ಮಾಡಿತ್, ಅಯಿಂಗಕ್‌ ಇಷ್ಟ ಬಂದನೆಕೆ ವಿರೋದಿಯಕ್‌ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 16:33

ಚೀಟಿನ ಮಡ್‌ಲ್‌ ಇಡ್‌ವಕಯ್ಯು, ಆಚೇಂಗಿ ಎಲ್ಲಾ ಕಾರ್ಯತ್‌ರ ತೀರ್ಮಾನವು ಯೆಹೋವಯಿಂಡಿಂಜಲೇ ಬಪ್ಪ.

ಮತ್ತಾಯ 27:35

ಅಂವೊನ ಶಿಲುಬೇಕ್ ಇಟ್ಟಿತಾನ ಪಿಂಞ ಸಿಪಾಯಿಯ ಅಂವೊಂಡ ಬಟ್ಟೇನ ಚೀಟಿ ಇಟ್ಟಿತ್ ಪಾಲ್ ಮಾಡಿತ್ ಎಡ್‍ತಂಡತ್.