ಎಸ್ತೆರ್‌ 3:5 - ಕೊಡವ ಬೈಬಲ್

⁵ ಮೊರ್ದೆಕೈ ತಾಂಗ್‌ ಮಂಡೆ ಬಾಂಗಿತ್‌ ಮರ್ಯಾದೆ ಕೊಡ್‌ಕತೆ ಇಪ್ಪದ್‌ನ ಕಂಡಿತ್‌ ಹಾಮಾನಂಗ್‌ ದುಂಬ ಚೆಡಿಬಾತ್.

ಎಸ್ತೆರ್‌ 3:5 Iomraidhean Croise

ಎಸ್ತೆರ್‌ 1:12

ಆಚೇಂಗಿ ರಾಜಂಗ್‌ ಸೇವ ಮಾಡುವ ಶಿಕಂಡಿಯ ಪೋಯಿತ್‌ ರಾಜಂಡ ಆಜ್ಞೆನ ಎಣ್ಣ್‌ವಕ ವಷ್ಟಿ ರಾಣಿ, ಬಪ್ಪ್‌ಲೇಂದ್‌ ಉತ್ತರ ಕೊಡ್‌ತತ್. ಅಕ್ಕ ರಾಜಂಗ್‌ ದುಂಬ ಚೆಡಿ ಬಾತ್.

ಎಸ್ತೆರ್‌ 3:2

ಆನಗುಂಡ್‌ ರಾಜಂಡ ಅರಮನೆಲ್‌ ಇಂಜ ಎಲ್ಲಾ ಸೇವಕಂಗಳು ಹಾಮಾನಂಗ್‌ ಮಂಡೆ ಬಗ್ಗಿತ್‌ ಮರ್ಯಾದೆ ಕೊಡ್‌ಪಕಿಂಜತ್. ಇನ್ನನೆ ಮಾಡಂಡೂಂದ್‌ ರಾಜ ಆಜ್ಞೆ ಕೊಡ್‌ತಿತ್‌ಂಜತ್. ಆಚೇಂಗಿ ಮೊರ್ದೆಕೈ ಅಂವೊಂಗ್‌ ಮಂಡೆ ಬಗ್ಗಿತು ಇಲ್ಲೆ ಅಂವೊಂಗ್‌ ತಗ್ಗಿತು ಇಲ್ಲೆ.

ಎಸ್ತೆರ್‌ 3:4

ಪ್ರತಿ ದಿವಸವೂ ಅಯಿಂಗ ಅಂವೊನ ಎಚ್ಚರ ಮಾಡುವಯಿಂಜತ್. ಆಚೇಂಗಿ ಅಯಿಂಗ ದಿನೋಲು ಎಣ್ಣಿಯಂಡಿಂಜತೇಂಗಿಯೂ ಅಂವೊ ಕ್‍ೕಪಯಿಂಜಿಲ್ಲೆ. ಅಂವೊ ಒರ್‌ ಯೆಹೋದ್ಯಾಂದ್‌ ಅಯಿಂಗಕ್‌ ಎಣ್ಣಿತಿಂಜಾಂಗ್, ಅಯಿಂಗ ಅದ್‌ನ ಹಾಮಾನಂಗ್‌ ಎಣ್ಣಿತ್‌ ಮೊರ್ದೆಕೈ ಬದ್‌ಲಾಕುವಂದ್‌ ನೋಟಿಯಂಡಿಂಜತ್.

ಎಸ್ತೆರ್‌ 5:9

ಆ ದಿವಸ ಹಾಮಾನ ದುಂಬ ಕುಶೀಲ್‌ ತಾಂಡ ಮನೆಕ್‌ ಪೋಯಂಡಿಂಜತ್. ಆಚೇಂಗಿ ರಾಜಂಡ ಅರಮನೆರ ಪಡಿಲ್‌ ಅಳ್‌ತಿತ್‌ ಉಳ್ಳ ಮೊರ್ದೆಕೈ ತಾಂಡ ಮಿಂಞತ್‌ ಏವೊತೆ ತಾಂಗ್‌ ಪೋಡಿಚಿಡತೆ ಇಪ್ಪದ್‌ನ ಕಂಡಿತ್, ಹಾಮಾನಂಗ್‌ ಅಂವೊಂಡ ಮೇಲೆ ದುಂಬ ಚೆಡಿ ಆಚಿ.

ಜ್ಞಾನತ್‌ರ ಪಡಿಮ 12:16

ಒರ್‌ ಮೂಡ ತಾಂಡ ಚೆಡಿನ ಬೆರಿಯ ಕಾಟುವ, ಆಚೇಂಗಿ ವಿವೇಕ ಉಳ್ಳಂವೊ ಅವಮಾನತ್‌ನ ಅಡಕ್‌ವ.

ಜ್ಞಾನತ್‌ರ ಪಡಿಮ 19:19

ಮುಂಜೆಡಿ ಉಳ್ಳಂವೊ ದಂಡನೆನ ಅನುಬವಿಚಿಡಂಡು. ಒಮ್ಮ ನೀನ್‌ ಅಂವೊನ ತಪ್ಪುಚಿಡುವಕ್‌ ಮಾಡ್‌ಚೇಂಗಿ, ಪ್ರತಿಕುರಿಯು ನೀನ್‌ ಅನ್ನನೆ ಮಾಡ್‌ವನೆಕೆ ಆಪ.

ಜ್ಞಾನತ್‌ರ ಪಡಿಮ 21:24

ಬಡಾಯಿಯು ಆಂಗಾರವು ಉಳ್ಳಂವೊಂಗ್‌ ಪರಿಹಾಸಕಾರಂದ್‌ ಪೆದ. ಅಂವೊ ಗರ್ಬತ್‌ಂಜ ಬಲ್ಯ ಚೆಡಿಲ್‌ ನಡ್‌ಪ.