ಎಸ್ತೆರ್‌ 3:2 - ಕೊಡವ ಬೈಬಲ್

² ಆನಗುಂಡ್‌ ರಾಜಂಡ ಅರಮನೆಲ್‌ ಇಂಜ ಎಲ್ಲಾ ಸೇವಕಂಗಳು ಹಾಮಾನಂಗ್‌ ಮಂಡೆ ಬಗ್ಗಿತ್‌ ಮರ್ಯಾದೆ ಕೊಡ್‌ಪಕಿಂಜತ್. ಇನ್ನನೆ ಮಾಡಂಡೂಂದ್‌ ರಾಜ ಆಜ್ಞೆ ಕೊಡ್‌ತಿತ್‌ಂಜತ್. ಆಚೇಂಗಿ ಮೊರ್ದೆಕೈ ಅಂವೊಂಗ್‌ ಮಂಡೆ ಬಗ್ಗಿತು ಇಲ್ಲೆ ಅಂವೊಂಗ್‌ ತಗ್ಗಿತು ಇಲ್ಲೆ.

ಎಸ್ತೆರ್‌ 3:2 Iomraidhean Croise

ಆದ್ಯತ್‌ರ ಪುಸ್ತಕ 41:43

ಅಂವೊನ ತಾಂಡ ದಂಡನೆ ತೇರ್‌ರ ಮೇಲೆ ಪತ್ತ್‌ಚಿಟ್ಟಿತ್, ಪಿಂಞ ತಾಂಡ ಅದಿಕಾರಿಯಂಗಕ್‌ ಹುಕುಮ್‌ ಅಂವೊನ ಮರ್ಯಾತೆ ಮಾಡಂಡುಂದ್‌ ಜೋರಾಯಿತ್‌ ಎಣ್ಣುವಕ್‌ ಕೊಡ್‌ತ್ತತ್. ಅನ್ನನೆ ಇಗುಪ್ತ ರಾಜ್ಯಕ್‌ ಅಲ್ಲಾ ಪ್ರದಾನಿಯಾಯಿತ್‌ ಮಾಡ್‌ಚಿ.

ಎಸ್ತೆರ್‌ 2:19

ದಂಡನೆ ಕುರಿ ಕನ್ನಿ ಮೂಡಿಯಳ ಒಟ್ಟ್‌ ಕೂಟಿತ್‌ಪ್ಪಕ, ಮೋರ್ದೆಕೈ ಅರಮನೆರ ಬಾಯಿಕಂಡಿರ ಪಕ್ಕ ಅಳ್‌ತಂಡಿಂಜತ್.

ಎಸ್ತೆರ್‌ 2:21

ಆ ದಿವಸತ್‌ಲ್‌ ಮೋರ್ದೆಕೈ ಅರಮನೆರ ಬಾಯಿಕಂಡಿರ ಪಕ್ಕ ಅಳ್‌ತಂಡಿಪ್ಪಕ ಪಡಿಕಾಪಯಂಗಳಾನ ಬಿಗೆತಾನ ಪಿಂಞ ತೆರೆಷ ಎಣ್ಣುವ ದಂಡ್‌ ರಾಜಂಡ ಸೇವಕಂಗಳಾನ ಶಿಕಂಡಿಯ, ರಾಜನಾನ ಅಹಷ್ವೇರೋಷಂಡ ಮೇಲೆ ಚೆಡಿ ಮಾಡಿಯಂಡ್‌ ಅಂವೊನ ಕೊಲ್ಲಂಡೂಂದ್‌ ಚದಿ ಮಾಡಿಯಂಡಿಂಜತ್.

ಎಸ್ತೆರ್‌ 2:5

ಆ ಸಮಯತ್‌ಲ್‌ ಶೂಷನ್‌ ಪಟ್ಟಣತ್‌ರ ಅರಮನೆರ ಕೋಟೆಲ್‌ ಯಾಯೀರಂಡ ಮೋಂವೊನಾನ ಮೊರ್ದೆಕೈ ಎಣ್ಣುವ ಒರ್‌ ಯೆಹೂದ್ಯ ಮನುಷ್ಯ ವಾಸ ಮಾಡಿಯಂಡಿಂಜತ್. ಇಂವೊ ಬೆನ್ಯಾಮೀನ್‌ ಕುಲಕ್‌ ಕೂಡ್‌ನಂವನು, ಕೀಷ ಪಿಂಞ ಶಿಮ್ಗೀಯಂಡ ಸಂತಾನಕಾರನಾಯಿತು ಇಂಜತ್.

ಎಸ್ತೆರ್‌ 3:1

ಇದೆಲ್ಲಾ ಆನಪಿಂಞ ರಾಜನಾನ ಅಹಷ್ವೇರೋಷ, ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನಾನ ಹಾಮಾನ ಎಣ್ಣುವಂವೊನ ಗೌರವ ಪಡ್‌ತಿತ್, ತಾಂಡ ಪಕ್ಕ ಉಳ್ಳ ಎಲ್ಲಾ ಪ್ರಬುಕ್ಕಳೂಕಿಂಜ ಅಂವೊಂಗ್‌ ಬಲ್ಯ ಅದಿಕಾರತ್‌ರ ಸ್ತಾನತ್‌ನ ಕೊಡ್‌ತತ್.

ಎಸ್ತೆರ್‌ 3:3

ಅಕ್ಕ ಅರಮನೆರ ಪಡಿನ ಕಾತಂಡಿಂಜ ರಾಜಂಡ ಸೇವಕಂಗ ಮೊರ್ದೆಕೈನ ನೋಟಿತ್: ಎನ್ನಂಗ್‌ ನೀನ್‌ ರಾಜಂಡ ಆಜ್ಞೆನ ಮೀರಿಯಂಡುಳ್ಳಿಯಾಂದ್‌ ಕ್‍ೕಟತ್.

ಎಸ್ತೆರ್‌ 3:5

ಮೊರ್ದೆಕೈ ತಾಂಗ್‌ ಮಂಡೆ ಬಾಂಗಿತ್‌ ಮರ್ಯಾದೆ ಕೊಡ್‌ಕತೆ ಇಪ್ಪದ್‌ನ ಕಂಡಿತ್‌ ಹಾಮಾನಂಗ್‌ ದುಂಬ ಚೆಡಿಬಾತ್.

ಎಸ್ತೆರ್‌ 5:9

ಆ ದಿವಸ ಹಾಮಾನ ದುಂಬ ಕುಶೀಲ್‌ ತಾಂಡ ಮನೆಕ್‌ ಪೋಯಂಡಿಂಜತ್. ಆಚೇಂಗಿ ರಾಜಂಡ ಅರಮನೆರ ಪಡಿಲ್‌ ಅಳ್‌ತಿತ್‌ ಉಳ್ಳ ಮೊರ್ದೆಕೈ ತಾಂಡ ಮಿಂಞತ್‌ ಏವೊತೆ ತಾಂಗ್‌ ಪೋಡಿಚಿಡತೆ ಇಪ್ಪದ್‌ನ ಕಂಡಿತ್, ಹಾಮಾನಂಗ್‌ ಅಂವೊಂಡ ಮೇಲೆ ದುಂಬ ಚೆಡಿ ಆಚಿ.

ಫಿಲಿಪ್ಪಿ 2:10

ಆಂಗ್ ಪರಲೋಕ, ಬೂಲೋಕ ಪಿಂಞ ಪಾತಾಳತ್‍ಲ್ ಉಳ್ಳ ಎಲ್ಲಾರು ಯೇಸುರ ಪೆದಕ್ ಅಡ್ಡ ಬುದ್ದಿತ್,