ಎಸ್ತೆರ್‌ 10:3 - ಕೊಡವ ಬೈಬಲ್

³ ಯೆಹೂದ್ಯನಾನ ಮೊರ್ದೆಕೈ, ರಾಜನಾನ ಅಹಷ್ವೇರೋಷಂಗಿಂಜ ದಂಡನೆ ಸ್ತಾನತು, ಯೆಹೂದ್ಯ ಜನಡ ಮದ್ಯತ್‌ ದುಂಬ ಮರ್ಯಾದಸ್ತನಾಯಿತು, ತಾಂಡ ಬಲ್ಯ ಬೆಂದ್‌ಕಡ ಗುಂಪ್ ಅಂವೊನ ಪ್ರೀತಿಚಡುವಂವೊನಾಯಿತು ಇಪ್ಪದ್‌ ಅಲ್ಲತೆ, ತಾಂಡ ಜನಕ್‌ ನಲ್ಲದ್‌ನ ಬಯಂದಿತ್, ತಾಂಡ ಕುಲತ್‌ರ ಜನಕ್‌ ಸಮಾದಾನ ಕ್‌ಟ್ಟ್‌ವನೆಕೆ ತಕ್ಕ್‌ ಪರಿಯುವಂವೊನಾಯಿತು ಇಂಜತ್.

ಎಸ್ತೆರ್‌ 10:3 Iomraidhean Croise

ಆದ್ಯತ್‌ರ ಪುಸ್ತಕ 41:40

ನೀನ್‌ ನಾಡ ಅರಮೆನೆಕ್‌ ಅದಿಕಾರಿಯಾತ್‌ಪ್ಪಿಯ. ನೀಡ ತಕ್ಕ್‌ಕ್‌ ನಾಡ ಜನಯೆಲ್ಲಾ ತಗ್ಗಿತ್‌ ನಡ್‌ಪ. ಆಚೇಂಗಿ ಸಿಂಹಾಸನತ್‌ರ ವಿಷಯತ್‌ಲ್‌ ಮಾತ್‌ರ ನಾನ್‌ ನೀಕಿಂಜಿ ಬಲ್ಯಂವೊನಾಯಿತ್‌ಪ್ಪಿ.

ಆದ್ಯತ್‌ರ ಪುಸ್ತಕ 45:10

ನೀನ್, ನೀಡ ಮಕ್ಕ, ಕ್‌ರ್‌ಮಕ್ಕ, ಎತ್ತ್‌ಕಡ್‌ಚಿಯ, ಕೊರಿಯ ಪಿಂಞ ನೀಡ ಪಕ್ಕ ಉಳ್ಳ ಎಲ್ಲಾಂಡ ಕೂಡೆ ಗೋಷೆನ್‌ ನಾಡ್‌ಲ್‌ ವಾಸಮಾಡಿತ್‌ ನಾಡ ಪಕ್ಕ ಇರಲು.

ಆದ್ಯತ್‌ರ ಪುಸ್ತಕ 45:11

ನೀಕು ನೀಡ ಮನೆಕಾರಕು ಪಿಂಞ ನೀಕ್‌ ಉಳ್ಳ ಎಲ್ಲಾಂಗು ಬಡತನ ಬಕ್ಕತನೆಕೆ ನಾನ್‌ ನಿಂಗಳ ನೋಟಿಯೊವಿ. ಇಂಞು ಅಂಜ್ ಕಾಲ ಈ ಬರಗಾಲ ಇಪ್ಪಾಂದ್, ನೀಡ ಮೋಂವೊನಾನ ಯೋಸೇಫ ನೀಡ ಪಕ್ಕ ಎಣ್ಣುವಕ್‌ ಎಣ್ಣ್‌ಚೀಂದ್‌ ಎಣ್ಣಿ.

ಎಸ್ತೆರ್‌ 2:5

ಆ ಸಮಯತ್‌ಲ್‌ ಶೂಷನ್‌ ಪಟ್ಟಣತ್‌ರ ಅರಮನೆರ ಕೋಟೆಲ್‌ ಯಾಯೀರಂಡ ಮೋಂವೊನಾನ ಮೊರ್ದೆಕೈ ಎಣ್ಣುವ ಒರ್‌ ಯೆಹೂದ್ಯ ಮನುಷ್ಯ ವಾಸ ಮಾಡಿಯಂಡಿಂಜತ್. ಇಂವೊ ಬೆನ್ಯಾಮೀನ್‌ ಕುಲಕ್‌ ಕೂಡ್‌ನಂವನು, ಕೀಷ ಪಿಂಞ ಶಿಮ್ಗೀಯಂಡ ಸಂತಾನಕಾರನಾಯಿತು ಇಂಜತ್.

ಎಸ್ತೆರ್‌ 3:2

ಆನಗುಂಡ್‌ ರಾಜಂಡ ಅರಮನೆಲ್‌ ಇಂಜ ಎಲ್ಲಾ ಸೇವಕಂಗಳು ಹಾಮಾನಂಗ್‌ ಮಂಡೆ ಬಗ್ಗಿತ್‌ ಮರ್ಯಾದೆ ಕೊಡ್‌ಪಕಿಂಜತ್. ಇನ್ನನೆ ಮಾಡಂಡೂಂದ್‌ ರಾಜ ಆಜ್ಞೆ ಕೊಡ್‌ತಿತ್‌ಂಜತ್. ಆಚೇಂಗಿ ಮೊರ್ದೆಕೈ ಅಂವೊಂಗ್‌ ಮಂಡೆ ಬಗ್ಗಿತು ಇಲ್ಲೆ ಅಂವೊಂಗ್‌ ತಗ್ಗಿತು ಇಲ್ಲೆ.

ರೋಮ್ 10:1

ನಾಡ ಅಣ್ಣತಮ್ಮಣಂಗಳೇ, ನಾಡ ಜನಕ್ ರಕ್ಷಣೆ ಕ್‍ಟ್ಟಂಡೂಂದ್ ಉಳ್ಳದೇ ನಾಡ ಹೃದಯತ್‍ರ ಆಸೆಯು, ನಾನ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆಯುವಾಯಿತ್ ಉಂಡ್.

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.