ಎಸ್ತೆರ್‌ 10:2 - ಕೊಡವ ಬೈಬಲ್

² ಅಂವೊಂಡ ಬಲವು ಪರಾಕ್ರಮವು ಉಳ್ಳ ಕಾರ್ಯವು, ರಾಜಂಡ ಕೈಯಿಂಜ ಮೊರ್ದೆಕೈಕ್‌ ಕ್‌ಟ್ಟ್‌ನ ಬಲ್ಯ ಸ್ತಾನ, ಗೌರವತ್‌ರ ವಿಷಯನೆಲ್ಲ ಮೇದ್ಯ ಪಿಂಞ ಪಾರಸಿಯ ರಾಜಂಗಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಪ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚಿತುಂಡ್.

ಎಸ್ತೆರ್‌ 10:2 Iomraidhean Croise

ಎಸ್ತೆರ್‌ 2:23

ಈ ವಿಷಯ ವಿಚಾರಣೆಕ್‌ ಬಪ್ಪಕ ಅದ್‌ ನೇರ್‌ಂದ್‌ ಗೊತ್ತಾನಪಿಂಞ ಆ ದಂಡಾಳ್‌ನ ಮರತ್‌ಲ್‌ ತೂಕ್‌ಚಿ. ಇದ್‌ನ, ರಾಜಂಡ ಮಿಂಞತ್‌ ಅಂವೊ ಆಳ್‌ವಿಕೆ ಮಾಡನ ಕಾಲತ್‌ಲ್‌ ನಡ್‌ಂದ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚತ್.

ಎಸ್ತೆರ್‌ 6:1

ಅಂದ್‌ ಬಯಿಟ್ ರಾಜಂಗ್‌ ವರಿಯೊಕ್‌ ಕಯಿಂಜಿತ್‌ಲ್ಲೆ. ಅದ್‌ಂಗ್‌ ಅಂವೊ ಅಂವೊಂಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಂದ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ನ ಎಡ್‌ತ ಬಪ್ಪಕ್‌ ಆಜ್ಞೆ ಮಾಡ್‌ಚಿ. ಅದ್‌ನ ಅಂವೊಂಡ ಮಿಂಞತ್‌ ಓದ್ವಕ್‌ ಮಾಡ್‌ಚಿ.

ಎಸ್ತೆರ್‌ 8:15

ಅಲ್ಲಿಂಜ ಮೊರ್ದೆಕೈ ನೀಲಿ ಪಿಂಞ ಚೋಂದ ರಾಜ ಉಡ್‌ಪ್‌ನ ಇಟ್ಟಂಡ್, ಬಲ್ಯ ಪೊನ್ನ್‌ರ ಕಿರೀಟತ್‌ನ ಇಟ್ಟಂಡ್, ರೇಶ್ಮೆಯು, ನೈಸಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿನ ಪೊತ್ತಂಡ್‌ ರಾಜಂಡ ಸನ್ನಿದಿಯಿಂಜ ಪೊರ್‌ಟ್ ಪೋಚಿ. ಶೂಷನ್‌ ಪಟ್ಟಣ ಕುಶೀಲ್‌ ಕಳಿಚತ್.

ಎಸ್ತೆರ್‌ 8:2

ರಾಜ ಹಾಮಾನಂಡ ಕೈಯಿಂಜ ಎಡ್‌ತ ತಾಂಡ ಮೊಯಿರತ್‌ನ ಮೊರ್ದೆಕೈಕ್‌ ಕೊಡ್‌ತತ್. ಎಸ್ತೇರ್‌ ಮೊರ್ದೆಕೈನ ಹಾಮಾನಂಡ ಅರಮನೇರ ಎಲ್ಲಾ ಆಸ್ತಿಕ್‌ ಅದಿಕಾರಿಯಾಯಿತ್‌ ನೇಮಿಚಿಟ್ಟತ್.

ಎಸ್ತೆರ್‌ 9:4

ಎನ್ನಂಗೆಣ್ಣ್‌ಚೇಂಗಿ ಮೊರ್ದೆಕೈ ರಾಜಂಡ ಅರಮನೆಲ್‌ ಮುಕ್ಯಸ್ತನಾಯಿತ್‌ಂಜತ್. ಅಂವೊಂಡ ಕೀರ್ತಿ ಎಲ್ಲಾ ಪ್ರಾಂತ್ಯಕು ಪಬ್ಬ್‌ಚಿ. ಮೊರ್ದೆಕೈ ಇಂಞು ಬಲ್ಯಂವೊಡಿಂಜ.