ಎಫೆಸ 5:3 - ಕೊಡವ ಬೈಬಲ್

³ ದೇವಡ ಮಕ್ಕಕ್ ಯೋಗ್ಯವಲ್ಲತ ಏದ್ ಲೈಂಗಿಕ ಪಾಪವು, ಅಶುದ್ದ ಕಾರ್ಯವು, ಏದ್ ಬೋಂಡತ ಆಸೆಯು, ಇದ್ಂಡ ಪೆದ ಸಹ ನಿಂಗಡ ಮದ್ಯತ್‍ಲ್ ಇಪ್ಪಕ್ಕಾಗ.

ಎಫೆಸ 5:3 Iomraidhean Croise

ಜ್ಞಾನತ್‌ರ ಪಡಿಮ 28:16

ವಿವೇಕಯಿಲ್ಲತ ಅದಿಪತಿ ಬಲ್ಯ ಹಿಂಸೆಗಾರ. ಅನ್ಯಾಯತ್‌ಲ್‌ ಸಂಪಾದನೆ ಮಾಡುವಕ್‌ ಆಸೆಪಡತ ಅದಿಪತಿ ದುಂಬ ಕಾಲ ಬದ್‌ಕ್‌ವ.

ಮತ್ತಾಯ 15:19

ಎನ್ನನೆ ಎಣ್ಣ್‌ಚೇಂಗಿ, ಹೃದಯತ್ಂಜಲೇ ಕೆಟ್ಟ ಗೇನ, ಕೊಲೆ, ವ್ಯಬಿಚಾರ, ಲೈಂಗಿಕ ಪಾಪ, ಕಕ್ಕಂಡೂ, ಪೊಟ್ಟ್ ಪರಿಯಂಡು, ಪೊಟ್ಟ್ ಸಾಕ್ಷಿ ಪರಿಯಂಡು, ಬೋರೆಯಿಂಗಳ ನಾಶ ಮಾಡ್‌ವಕ್ ಕೆಟ್ಟ ತಕ್ಕ್ ಪರಿಯಂಡೂಂದ್ ಉಳ್ಳ ಗೇನ ಎಲ್ಲಾ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:15

ಎಲ್ಲಾ ತರ ಅತಿ ಆಸೆರ ವಿಷಯತ್‍ಲ್ ಎಚ್ಚರತ್ ಇರಿ. ನೇರಾನ ಜೀವ ನಿಂಗಡ ದುಂಬ್‍ನ ಆಸ್ತಿಯಿಂಜ ಬಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:14

ಅಲ್ಲಿ ಚೆನ್ನ ಫರಿಸಾಯಂಗ ಇಂಜತ್. ಫರಿಸಾಯಂಗಕ್ ಪಣತ್‍ರ ಆಸೆ ದುಂಬ ಇಂಜತ್. ಯೇಸು ಈ ತರ ತಕ್ಕ್ ಪರಿಯುವಾನ ಕ್‍ೕಟಿತ್, ಅಂವೊಂಡ ವಿಷಯ ಎಣ್ಣಿತ್ ಕೆಣಕಿಯಂಡಿಂಜತ್.

ಅಪೊಸ್ತಲ 15:20

ಅದ್ಂಡ ಬದ್‍ಲ್ ಅಯಿಂಗ ವಿಗ್ರಹಕ್ ಅರ್ಪಿಚಿಟ್ಟ ಅಶುದ್ದ ಆನ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ಅಯಿಂಗಕ್ ಕಾಗದತ್‍ನ ಒಳ್‍ದಿತ್ ಅಪ್ಪಣೆ ಕೊಡಕನ.

ಅಪೊಸ್ತಲ 20:33

ನಿಂಗಡ ಬೊಳ್ಳಿ, ಪೊನ್ನ್, ಅಥವ ಉಡ್‍ಪ್ ತೊಡ್‍ಪ್‍ೕಂದ್ ಏದ್ ವಿಷಯತ್‍ಲು ನಾನ್ ಆಸೆ ಪಟ್ಟಿತ್‌ಲ್ಲೆ.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

ರೋಮ್ 16:2

ಏದ್ ವಿಷಯತ್‍ಲ್ ಅವಕ್ ಸಹಾಯ ಬೋಂಡ್‌ವೋ ಅದ್‍ನ ಅವಕ್ ನಿಂಗ ಮಾಡಂಡೂಂದ್ ನಿಂಗಡ ಪಕ್ಕ ಅವಳ ನಾನ್ ಒಪ್ಪ್‌ಚಿಡುವಿ; ಅವ ದುಂಬ ಜನಕ್ ಪಿಂಞ ನಾಕ್ ಸಹ ಸಹಾಯ ಮಾಡಿತುಂಡ್.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

1 ಕೊರಿಂಥ 10:8

ಅಯಿಂಗಡಲ್ಲಿ ಚೆನ್ನ ಜನ ಲೈಂಗಿಕ ಪಾಪ ಮಾಡ್‍ಚಿ. ಅನ್ನನೆ ಕೆಟ್ಟ ಕೆಲಸ ಮಾಡಿತ್ ಒರ್ ದಿವಸತ್‍ಲ್ ಇರ್‌ವತ್‍ಮೂಂದ್ ಆಯಿರ ಜನ ಚತ್ತಿತ್ ಬುದ್ದತ್. ಅನ್ನನೆ ನಿಂಗಳು ಲೈಂಗಿಕ ಪಾಪತ್‍ನ ಮಾಡತನೆಕೆ ಇರಿ.

1 ಕೊರಿಂಥ 5:1

ನಿಂಗಡ ಮದ್ಯತ್‍ಲ್ ವ್ಯಬಿಚಾರ ಕಾರ್ಯ ಆಯಂಡುಂಡ್‍ೕಂದ್ ನೇರಾಯಿತು ಜನ ಪುಕಾರ್ ಮಾಡಿಯಂಡುಂಡ್. ಒಬ್ಬ ಅಂವೊಂಡ, ಚಿಕ್ಕವ್ವಡ ಕೂಡೆ ಬುದ್ದಂಡ್ ಉಂಡ್‍ೕಂದ್ ನಾಕ್ ಸುದ್ದಿ ಬಾತ್. ಈ ತರ ಕಾರ್ಯ ದೇವನ ಗೊತ್ತಿಲ್ಲತ ಜನ ಕೂಡೆ ಮಾಡ್‌ಲೆಲ್ಲಾ?

1 ಕೊರಿಂಥ 6:13

ನಿಂಗ ಕೆಲಕಾಯಿತ್ ಕೂಳ್, ಕೂಳ್‍ಕಾಯಿತ್ ಕೆಲಾಂದ್ ಎಣ್ಣುವಿರ, ಅದ್ ನೇರ್. ಆಚೇಂಗಿಯು, ದೇವ ಅದ್ ದಂಡನೂ ಪಾಳ್ ಮಾಡ್‌ವ. ಆನಗುಂಡ್ ನಿಂಗ, ಈ ತಡಿನ ಲೈಂಗಿಕ ಕುಶಿಕಾಯಿತ್‍ೕಂದ್‌ ಎಣ್ಣ್‌ವಕ್ ಕಯ್ಯುಲೆ. ಅದ್ ಒಡೆಯಂಗಾಯಿತ್ ಮಾಡ್‍ನದ್, ಒಡೆಯ ನಂಗಡ ತಡಿಕ್ ಜವಾಬ್ದಾರನಾಯಿತ್ ಉಂಡ್.

1 ಕೊರಿಂಥ 6:18

ಲೈಂಗಿಕ ಪಾಪತ್ಂಜ ಓಡಿ ಪೋಯಿ! ಒರ್ ಮನುಷ್ಯ ಮಾಡ್‌ವ ಬೋರೆ ಏದ್ ಪಾಪವು ಅಂವೊಂಡ ತಡಿಕ್ ಪೊರಮೆ ಆಯಿತಿಪ್ಪ, ಆಚೇಂಗಿ ಲೈಂಗಿಕ ಪಾಪ ಮಾಡ್‌ವಂವೊ ತಾಂಡ ಸ್ವಂತ ತಡಿಕ್ ವಿರೋದವಾಯಿತ್ ಪಾಪ ಮಾಡ್‌ವ.

2 ಕೊರಿಂಥ 12:21

ಪುನಃ ನಾನ್ ನಿಂಗಡ ಪಕ್ಕ ಬಪ್ಪಕ, ನಾಡ ದೇವ ನಿಂಗಡ ಮಿಂಞ ನನ್ನ ತಗ್ಗ್‌ಚಿಡುವಕಾಯಿತ್, ಮಿಂಞ ಪಾಪ ಮಾಡ್‍ನ ದುಂಬ ಜನ ಅಯಿಂಗ ಮಾಡ್‍ನ ಅಶುದ್ದತ್‍ನ, ಲೈಂಗಿಕ ಪಾಪತ್‍ನ ಪಿಂಞ ತಡೀರ ಮೋಹತ್‍ನ ಬುಟ್ಟಿತ್ ಪಶ್ಚಾತಾಪ ಪಡತೆ ಇಪ್ಪದ್‍ನ ಕಂಡಿತ್ ನಾನ್ ದುಃಖಪಡುವಕ್ ಇಪ್ಪೋಂದ್ ನಾಕ್ ಪೋಡಿ ಆಯಂಡುಂಡ್.

ಎಫೆಸ 5:12

ಅಯಿಂಗ ಗುಟ್ಟ್‌ಲ್ ಮಾಡ್‌ವ ಕ್ರಿಯೇನ ಎಣ್ಣುವಕ್ ಸಹ ಞಾಣವಾಯಿತುಂಡಲ್ಲ?

ಎಫೆಸ 5:5

ವ್ಯಬಿಚಾರ ಮಾಡ್‌ವಯಿಂಗ, ಅಶುದ್ದ ಕಾರ್ಯ ಮಾಡ್‌ವಯಿಂಗ, ಅತಿ ಆಸೆಯಾನ ವಿಗ್ರಹ ಆರಾದನೆ ಮಾಡ್‌ವಯಿಂಗಳಾನ ಈಂಗ ದಾರ್‌ಕು ದೇವಡ ರಾಜ್ಯವಾಯಿತುಳ್ಳ ಕ್ರಿಸ್ತಂಡ ರಾಜ್ಯತ್‍ಲ್ ಬಾದ್ಯತೆ ಇಲ್ಲೇಂದ್ ನಿಂಗಕ್ ಗೊತ್ತುಂಡಲ್ಲ?

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

1 ಥೆಸಲೊನೀಕ 4:3

ನಿಂಗ ಪವಿತ್ರವಾನಯಿಂಗಳಾಯಿತ್ ಬದ್‍ಕಂಡೂಂದ್ ಉಳ್ಳದೇ ದೇವಡ ಚಿತ್ತ. ಆನಗುಂಡ್ ನಿಂಗ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡು.

1 ಥೆಸಲೊನೀಕ 4:7

ಈ ತರ ಪವಿತ್ರ ಇಲ್ಲತ ಕೆಲಸ ಮಾಡ್‌ವಕ್ ದೇವ ನಂಗಳ ಕಾಕಿತ್‌ಲ್ಲೆ, ದೇವ ನಂಗಳ ಪವಿತ್ರವಾಯಿತ್ ಪಾಪ ಇಲ್ಲತೆ ಬದ್‍ಕಂಡೂಂದ್ ಕಾಕಿತುಂಡ್.

1 ತಿಮೊಥೆಯ 2:10

ಆಚೇಂಗಿ, ದೇವಡ ಮೇಲೆ ಬಕ್ತಿ ಉಂಡ್‍ೕಂದ್ ಎಣ್ಣುವ ಪೊಣ್ಣಾಳ್, ಅಯಿಂಗ ಮಾಡ್‌ವ ನಲ್ಲ ಕೆಲಸತ್‍ಲ್ ಅಲಂಕಾರ ಮಾಡಂಡು.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 6:10

ದುಡ್ಡ್‌ರ ಮೇಲೆ ಉಳ್ಳ ಪ್ರೀತಿ ಎಲ್ಲಾ ತರ ಕ್‍ೕಡ್‍ಕ್ ಮೂಲ ಕಾರಣವಾಯಿತುಂಡ್. ಚೆನ್ನ ಜನ ದುಡ್ಡ್‌ರ ಮೇಲೆ ಉಳ್ಳ ಅತಿ ಆಸೆರಗುಂಡ್ ದೇವಡ ಮೇಲೆ ಉಳ್ಳ ನಂಬಿಕೇನ ಬುಟ್ಟಿತ್, ದುಂಬ ನೊಂಬಲತ್‍ಲ್ ಅಯಿಂಗಳ, ಅಯಿಂಗಳೇ ಕುತ್ತಿಯಂಡುಂಡ್.

2 ತಿಮೊಥೆಯ 3:2

ಜನ ಅಯಿಂಗಯಿಂಗಳ ಕುಶಿಪಡ್‌ತ್‌ವ ಸ್ವಾರ್ತಂಗಳಾಯಿತ್, ದುಡ್ಡ್‌ರ ಮೇಲೆ ಅತಿ ಆಸೆ ಉಳ್ಳಯಿಂಗಳಾಯಿತ್, ಅಯಿಂಗಳ ಅಯಿಂಗಳೇ ಹೊಗಳ್‌ವಯಿಂಗಳಾಯಿತ್, ಆಂಗಾರ ಉಳ್ಳಯಿಂಗಳಾಯಿತ್, ಮರ್ಯಾದೆ ಕೊಡ್‍ಕತಯಿಂಗಳಾಯಿತ್, ಅಯಿಂಗಡ ಅಪ್ಪವ್ವಂಡ ತಕ್ಕ್‌ನ ಕ್‍ೕಕತಯಿಂಗಳಾಯಿತ್, ಸಹಾಯ ಮಾಡ್‍ನಯಿಂಗಳ ಗೇನ ಮಾಡತಯಿಂಗಳಾಯಿತ್, ಅಪವಿತ್ರಯಿಂಗಳಾಯಿತ್,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಇಬ್ರಿಯ 12:16

ದಾರ್ ಒಬ್ಬನು ವೇಶಿತನ ಮಾಡ್‌ವಂವೊನಾಯಿತ್ ಇಪ್ಪಕ್ಕಾಗ. ಏಸಾ ಎಣ್ಣ್‌ವಂವೊ ಬರಿ ಕೂಳ್‍ಕಾಯಿತ್ ತಾಂಡ ಅಪ್ಪಯಿಂಜ ಕ್‍ಟ್ಟುವ ಆದ್ಯ ಮೋಂವೊಂಡ ಆಶೀರ್ವಾದತ್‍ನ ಮಾರ್‍ನನೆಕೆ ಬಕ್ತಿ ಇಲ್ಲತಂವೊನಾಯಿತು ಇಪ್ಪಕ್ಕಾಗ.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 2:21

ಅವ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ನಾನ್ ಅವಕ್ ಅವಕಾಶ ಕೊಡ್‌ತಿಯೆ; ಆಚೇಂಗಿ, ತಾಂಡ ವ್ಯಬಿಚಾರತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ಅವಕ್ ಕುಶಿಯಿಲ್ಲೆ.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.

ಪ್ರಕಟನೆ 9:21

ಅದಲ್ಲತೆ, ಅಯಿಂಗ ಮಾಡಿಯಂಡ್ ಇಂಜ ಕೊಲೆ, ಮಾಟಮಂತ್ರ, ವೇಶಿತನ, ಕಳ್ಳತನ ಇನ್ನತಾನ ಬುಟ್ಟಿತ್ ಸಹ ಪಶ್ಚಾತಾಪ ಪಟ್ಟಿತ್‌ಲ್ಲೆ.