ಎಫೆಸ 5:2 - ಕೊಡವ ಬೈಬಲ್

² ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಎಫೆಸ 5:2 Iomraidhean Croise

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಯೋಹಾನ 13:34

ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 4:25

ನಂಗ ನೀತಿವಂತಯಿಂಗಳಾಯಿತ್ ಆಂಡೂಂದ್, ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟಿತ್, ಅಂವೊನ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್.

ರೋಮ್ 8:3

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ.

ರೋಮ್ 8:37

ನಂಗ, ನಂಗಳ ಪ್ರೀತಿಮಾಡ್‌ವಂವೊಂಡ ಮೂಲಕ ನಂಗಕ್ ಬಪ್ಪ ಇದ್‍ನೆಲ್ಲ, ಪೂರ್ತಿಯಾಯಿತ್ ಗೆದ್ದಂಡುಂಡ್.

1 ಕೊರಿಂಥ 16:14

ನಿಂಗ ಮಾಡ್‌ವ ಎಲ್ಲಾ ಕೆಲಸತ್‍ನ ಪ್ರೀತಿಲ್ ಮಾಡಿ.

1 ಕೊರಿಂಥ 5:7

ಪಳೆಯ ಈಸ್ಟ್‌ರನೆಕೆ ನಿಂಗಡಡೆಲ್ ಉಳ್ಳ ಆ ಮನುಷ್ಯನ ಪೊರಮೆ ತಳ್ಳಿ. ಅಕ್ಕ ನಿಂಗ ಪವಿತ್ರ ಆಪಿರ. ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪಸ್ಕ ಕೊರಿಯಾನ ಕ್ರಿಸ್ತ, ನಂಗಕಾಯಿತ್ ಯಾಗವಾಯಿತ್ ಬಲಿ ಆಚಿ.

2 ಕೊರಿಂಥ 2:14

ಆಚೇಂಗಿ, ಕ್ರಿಸ್ತಂಡಲ್ಲಿ ಎಕ್ಕಾಲು ನಂಗಕ್ ಜಯ ಕ್‍ಟ್ಟ್‌ವನೆಕೆ ಮಾಡಿತ್, ಎಲ್ಲಾ ಜಾಗತ್‍ಲು ನಂಗಡ ಮೂಲಕ ಅಂವೊನ ಅರಿವಕುಳ್ಳ ಬುದ್ದಿ ಎಣ್ಣುವ ಸುಗಂದ ವಾಸನೆನ ಪಬ್ಬ್‌ಚಿಡ್‌ವ ದೇವಕ್ ವಂದನೆ.

2 ಕೊರಿಂಥ 2:15

ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲು, ಪಾಳಾಯಿ ಪೋಪಯಿಂಗಡ ಮದ್ಯತ್‍ಲು, ನಂಗ ದೇವಕ್ ಕ್ರಿಸ್ತಂಡ ಸುಗಂದ ವಾಸನೆಯಾಯಿತುಂಡ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಎಫೆಸ 3:19

ಮನುಷ್ಯಂಗಡ ಬುದ್ದಿಕ್ ಅರ್ಥ ಆಕತ ಆ ಪ್ರೀತಿನ ಗೊತ್ತಾಪಕುಳ್ಳ ಶಕ್ತಿ ಪಡ್ಂದಯಿಂಗಳಾಯಿತ್ ಇರಂಡೂಂದ್ ಪಿಂಞ ದೇವ ಅಂವೊಂಡ ಪರಿಪೂರ್ನತ್‍ರನೆಕೆ ನಿಂಗಳ ದುಂಬ್‍ಚಿಡಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಎಫೆಸ 4:15

ಅದ್ಂಡ ಬದ್‍ಲ್, ಪ್ರೀತಿಲ್ ಸತ್ಯತ್‍ನ ಪುಡ್‍ಚಂಡ್, ಮಂಡೆಯಾಯಿತುಳ್ಳ ಕ್ರಿಸ್ತಂಡಲ್ಲಿ ಎಲ್ಲಾ ವಿಷಯತ್‍ಲು, ನಂಗ ಬೊಳ್ಂದಂಡ್ ಇಪ್ಪಯಿಂಗಳಾಯಿತ್ ಇರಂಡು.

ಎಫೆಸ 4:2

ಎಲ್ಲಾ ತಾಳ್ಮೆಲ್, ಶಾಂತಿಲ್, ಪೊರುಮೇಲ್, ಪ್ರೀತಿನಗುಂಡ್ ಒಬ್ಬನ ಒಬ್ಬ ಸಹಿಸಿಯಂಡ್ ಇರಿ.

ಎಫೆಸ 5:15

ಆನಗುಂಡ್, ನಿಂಗ ಜ್ಞಾನ ಇಲ್ಲತಯಿಂಗಡನೆಕೆ ನಡ್‍ಕತೆ, ಜ್ಞಾನ ಉಳ್ಳಯಿಂಗಡನೆಕೆ ಎಚ್ಚರತ್‍ಲ್ ನಡ್‍ಪಕ್ ನೋಟಂಡು.

ಎಫೆಸ 5:25

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಕ್ರಿಸ್ತ ಸಹ ಅನ್ನನೆ ಸಬೇನ ಪ್ರೀತಿ ಮಾಡಿತ್, ಅಂವೊನೇ ಅವಕಾಯಿತ್ ತಾಂಡ ಜೀವತ್‍ನ ಕೊಡ್‍ತತ್.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಕೊಲೊಸ್ಸೆ 3:14

ಎಲ್ಲಾಕಿಂಜ ಬಲ್ಯದಾಯಿತ್, ಎಲ್ಲಾನ ಒಂದಾಯಿತ್ ಪೂರ್ತಿ ಐಕ್ಯತ್‍ಲ್ ಪುಡ್‌ಚಿತ್ ಬೆಪ್ಪ ಗುಣವಾಯಿತುಳ್ಳ ಪ್ರೀತಿನ ನಿಂಗಡ ಮೇಲೆ ಒರ್ ಬಟ್ಟೇರನೆಕೆ ಇಟ್ಟೊಳಿ.

1 ಥೆಸಲೊನೀಕ 4:9

ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡ್‌ವ ವಿಷಯತ್‍ನ ನಾನ್ ನಿಂಗಕ್ ಒಳ್‍ದ್‍ವಕ್ ಅವಸ್ಯ ಇಲ್ಲೆ; ಎಲ್ಲಾರು ಒಬ್ಬೊಬ್ಬನ ಎನ್ನನೆ ಪ್ರೀತಿ ಮಾಡಂಡೂಂದ್ ದೇವ ನಿಂಗಕೇ ಪಡಿಪ್‌ಚಿಟ್ಟಿತಲ್ಲ.

1 ತಿಮೊಥೆಯ 2:6

ಎಲ್ಲಾ ಜನಳು ಬುಡ್‍ಗಡೆ ಆಂಡೂಂದ್ ಅದ್ಂಗುಳ್ಳ ಬೆಲೆಯಾಯಿತ್ ಅಂವೊನ ಅಂವೊನಾಯಿತೇ ಬಲಿಯಾಪನೆಕೆ ಮರಣಕ್ ಒಪ್ಪ್‌ಚಿಟ್ಟಂವೊನು ಅಂವೊನೇ. ತಕ್ಕ ಸಮಯತ್‍ಲ್ ದೇವ ಈ ನಲ್ಲ ಸುದ್ದಿನ ಈ ಲೋಕಕ್ ಕೊಡ್‌ತಿತುಂಡ್.

1 ತಿಮೊಥೆಯ 4:12

ನೀನ್ ಬಾಲೆಕಾರೆನಾನಗುಂಡ್ ದಾರೂ ನಿನ್ನ ಕ್‍ೕಳಾಯಿತ್ ನೋಟತನೆಕೆ, ನೀಡ ತಕ್ಕ್‌ಲ್, ನಡತೇಲ್, ಪ್ರೀತಿಲ್, ನಂಬಿಕೇಲ್ ಪಿಂಞ ಶುದ್ದತ್‍ಲ್ ಯೇಸುನ ನಂಬ್‍ನಯಿಂಗಕ್ ಉದಾರಣೆಯಾಯಿತ್‌ರ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 8:3

ಎಲ್ಲಾ ಮಹಾ ಯಾಜಕನು ಕಾಣಿಕೆ ಪಿಂಞ ಬಲಿನ ಅರ್ಪಿಚಿಡುವಕಾಯಿತ್ ನೇಮಿಚಿಟ್ಟಿತುಂಡ್; ಆನಗುಂಡ್, ಅರ್ಪಣೆ ಮಾಡ್‌ವಕಾಯಿತ್ ಮಾಹಾ ಯಾಜಕನಾನ ಯೇಸುಕ್ ಸಹ ಎಂತೋ ಒಂದ್ ಬೋಂಡಿಯಿಂಜತ್.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಇಬ್ರಿಯ 9:23

ಆನಗುಂಡ್, ಪರಲೋಕತ್‍ಲ್ ಉಳ್ಳ ವಸ್ತುರ ರೂಪತ್‌ಲ್, ಈ ಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲೀರಗುಂಡ್ ಶುದ್ದ ಮಾಡ್‌ವಕಿಂಜತ್; ಅಕ್ಕ ಪರಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲಿಕಿಂಜ ಬಲ್ಯ ಬಲಿರ ಮೂಲಕ ಶುದ್ದ ಮಾಡ್‍ವದ್ ಎಚ್ಚಕ್ ಬೋಂಡಿಯದಾಯಿತ್ ಇಂಜತ್.

ಇಬ್ರಿಯ 9:26

ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.

1 ಪೇತ್ರ 4:8

ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.

1 ಯೋಹಾನ 3:16

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,