ಎಫೆಸ 5:12 - ಕೊಡವ ಬೈಬಲ್

¹² ಅಯಿಂಗ ಗುಟ್ಟ್‌ಲ್ ಮಾಡ್‌ವ ಕ್ರಿಯೇನ ಎಣ್ಣುವಕ್ ಸಹ ಞಾಣವಾಯಿತುಂಡಲ್ಲ?

ಎಫೆಸ 5:12 Iomraidhean Croise

ಜ್ಞಾನತ್‌ರ ಪಡಿಮ 9:17

ದಡ್ಡನ ನೋಟಿತ್: ಕದ್ದ ನೀರ್‌ ಮೊದ್ರವಾಯಿತ್‌ಪ್ಪ, ಗುಟ್ಟಾನ ಜಾಗತ್‌ಲ್‌ ಉಂಬ ಆಹಾರ ನಲ್ಲ ಸುಕವಾಯಿತ್‌ ಇಪ್ಪಾಂದ್‌ ಎಣ್ಣುವ.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

ಎಫೆಸ 5:11

ಫಲ ತಪ್ಪಕ್ ಕಯ್ಯತ ಇರ್‌ಟ್‌ರ ಕ್ರಿಯೇಲ್ ಪಾಲ್‍ದಾರಂಗಳಾಯಿತ್ ಆಕತೆ, ಅದ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಪೊರಮೆ ಕಾಂಬ್‌ಚಿಡಂಡು.

ಎಫೆಸ 5:13

ಆಚೇಂಗಿ, ಬೊಳಿರಗುಂಡ್ ಗೊತ್ತಾಪ ಏದ್ ಕ್ರಿಯೇಯು, ಚಾಯಿತೆ ಎಲ್ಲಾರು ಕಾಂಬನೆಕೆ ಆಪ. ಬೊಳಿ ಎಲ್ಲಾನ ಕಾಂಬನೆಕೆ ಮಾಡ್‌ವ.

ಎಫೆಸ 5:3

ದೇವಡ ಮಕ್ಕಕ್ ಯೋಗ್ಯವಲ್ಲತ ಏದ್ ಲೈಂಗಿಕ ಪಾಪವು, ಅಶುದ್ದ ಕಾರ್ಯವು, ಏದ್ ಬೋಂಡತ ಆಸೆಯು, ಇದ್ಂಡ ಪೆದ ಸಹ ನಿಂಗಡ ಮದ್ಯತ್‍ಲ್ ಇಪ್ಪಕ್ಕಾಗ.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.