ಎಫೆಸ 4:10 - ಕೊಡವ ಬೈಬಲ್

¹⁰ ಅನ್ನನೆ ಇಳಿಂಜಂವೊನೇ, ಎಲ್ಲಾನ ದುಂಬ್‍ಚಿಡ್‌ವನೆಕೆ, ಎಲ್ಲಾ ಬಾನಕು ಕೊಡಿಲ್ ಉಳ್ಳ ಪರಲೋಕಕ್ ಪತ್ತ್‌ನಂವೊನಾಯಿತು ಉಂಡ್.

ಎಫೆಸ 4:10 Iomraidhean Croise

ಮತ್ತಾಯ 24:34

ಈ ಘಟನೆಯೆಲ್ಲ ಆಪಕ್ ಮಿಂಞ ಈ ಸಂತಾನ ಪಾಳಾಯಿ ಪೋಪುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 1:16

ಅಂವೊಂಡ ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‌ಚಿ.

ಯೋಹಾನ 19:24

ಅಕ್ಕ ಸಿಪಾಯಿಯಂಗ: ಇದ್‍ನ ನಂಗ ಕೀತ್‌ವಕ್ಕಾಗ, ಈ ಬಟ್ಟೇಕ್ ನಂಗ ಚೀಟಿ ಇಡ್‌ವಂಜಿ ಆ ಚೀಟಿ ದಾರ್‌ಕ್ ಕ್‍ಟ್ಟ್‌ವ ಅಂವೊ ಇದ್‍ನ ಎಡ್‌ಕಡ್‍ೕಂದ್ ಎಣ್ಣ್‌ಚಿ. ನಾಡ ಬಟ್ಟೇನ ಪಾಲ್ ಮಾಡಿಯಂಡತ್, ನಾಡ ಬಟ್ಟೇಕಾಯಿತ್ ಚೀಟಿ ಇಟ್ಟತ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ನೆರವೇರ್‌ವನೆಕೆ ಸಿಪಾಯಿಯಂಗ ಇನ್ನನೆ ಮಾಡ್‍ಚಿ.

ಯೋಹಾನ 19:28

ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 19:36

ಅಂವೊಂಡ ಮೂಳೆಲ್ ಒರ್ ಮೂಳೆಯು ಮುರಿಂಜಿ ಪೋಪುಲೇಂದ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ನೆರೆವೇರ್‌ವಕಾಯಿತ್ ಇನ್ನನೆಲ್ಲಾ ಆಚಿ.

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 1:9

ಇನ್ನನೆ ಎಣ್ಣ್‌ನ ಪಿಂಞ ಅಯಿಂಗ ನೋಟಿಯಂಡಿಪ್ಪಕಲೆ, ಒರ್ ಮೋಡತ್‍ರ ಒಳ್‌ಲಿಂಜ ಅಂವೊನ ಕೊಡಿಕ್ ಎಡ್‍ತಂಡ್ ಪೋಚಿ. ಅಂವೊ ಅಯಿಂಗಡ ಕಣ್ಣ್‌ಕ್ ಕಾಂಬಕಿಂಜಿಲೆ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

2 ಕೊರಿಂಥ 12:2

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಂಜ ಒರ್ ಮನುಷ್ಯನ ನಾಕ್ ಗೊತ್ತುಂಡ್; ಪದನಾಲ್ ಕಾಲಕ್ ಮಿಂಞ ದೇವ ಅಂವೊನ ಮೂಂದನೆ ಪರಲೋಕಕತ್ತನೆ ಎಡ್‍ತಂಡತ್. ಅಂವೊ ಅಂವೊಂಡ ತಡೀಲ್ ಇಂಜತಾ ಅಥವ ತಡಿಕ್ ಪೊರಮೆ ಇಂಜತಾಂದ್ ನಾಕ್ ಗೊತ್ತ್‌ಲ್ಲೆ; ದೇವಕ್ ಗೊತ್ತುಂಡ್.

ಎಫೆಸ 3:19

ಮನುಷ್ಯಂಗಡ ಬುದ್ದಿಕ್ ಅರ್ಥ ಆಕತ ಆ ಪ್ರೀತಿನ ಗೊತ್ತಾಪಕುಳ್ಳ ಶಕ್ತಿ ಪಡ್ಂದಯಿಂಗಳಾಯಿತ್ ಇರಂಡೂಂದ್ ಪಿಂಞ ದೇವ ಅಂವೊಂಡ ಪರಿಪೂರ್ನತ್‍ರನೆಕೆ ನಿಂಗಳ ದುಂಬ್‍ಚಿಡಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಕೊಲೊಸ್ಸೆ 1:19

ದೇವಡ ಪರಿಪೂರ್ಣವಾನ ಎಲ್ಲಾ ಗುಣವು ಅಂವೊಂಡ ಒಳ್‍ಲ್ ಇಪ್ಪಕ್ ದೇವಕ್ ಕುಶಿಯಾಚಿ.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.