ಎಫೆಸ 3:8 - ಕೊಡವ ಬೈಬಲ್

⁸ ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಎಫೆಸ 3:8 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:22

ಆ ಆಳ್ ಎಜಮಾನ ಎಣ್ಣ್‌ನನೆಕೆ ಮಾಡಿತ್: ಎಜಮಾನನೇ, ನೀನ್ ಎಣ್ಣ್‌ನನೆಕೆ ನಾನ್ ಮಾಡಿಯೆ, ಆಚೇಂಗಿ ಇಂಞು ಜಾಗ ಉಂಡಲ್ಲಾಂದ್ ಎಣ್ಣ್‌ಚಿ.

ಯೋಹಾನ 1:16

ಅಂವೊಂಡ ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‌ಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 11:33

ಓ, ದೇವಡ ಜ್ಞಾನತ್‍ರ ಐಶ್ವರ್ಯ ಪಿಂಞ ಅಂವೊಂಡ ಬುದ್ದಿ ಎಚ್ಚಕ್ ಆಳವಾಯಿತುಂಡ್! ಅಂವೊಂಡ ನ್ಯಾಯತೀರ್ಪ್‌ನ ಕಂಡ್‌ಪುಡಿಪಕ್ ಕಯ್ಯುಲೆ, ಅಂವೊಂಡ ಬಟ್ಟೇನ ಪರಿಶೋದನೆ ಮಾಡ್‌ವಕ್ ಕಯ್ಯತನೆಕೆ ಉಂಡ್.

ರೋಮ್ 12:10

ಅಣ್ಣತಮ್ಮಣಂಗ ಒಬ್ಬೊಬ್ಬಂಡ ಕೂಡೆ ಚಾಯಿ ಪ್ರೀತಿಲ್ ಇರಿ; ಗನ ಪಡ್‌ತ್‍ವದ್‍ಲ್ ಎಲ್ಲಾರ್ಕಿಂಜ ಮಿಂಞ ನಿಂಗಳೇ ಮಾಡ್‌ವಯಿಂಗಳಾಯಿತಿರಿ.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 15:9

ನಾನ್ ಎಲ್ಲಾ ಅಪೊಸ್ತಲಂಗಕಿಂಜ ಕಮ್ಮಿಯಾನಂವೊ. ದೇವಡ ಸಬೇಕ್ ನಾನ್ ದುಂಬ ಕಷ್ಟ ಕೊಡ್‌ತಗುಂಡ್, ಅಪೊಸ್ತಲಾಂದ್ ನನ್ನ ಕಾಕ್‍ವಕ್ ನಾನ್ ಯೋಗ್ಯನಲ್ಲ.

1 ಕೊರಿಂಥ 2:9

ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ: ದೇವ, ಅಂವೊಂಡ ಮೇಲೆ ಪ್ರೀತಿ ಉಳ್ಳಯಿಂಗಕ್ ತಯಾರ್ ಮಾಡಿತುಳ್ಳದ್‍ನ, ಒರ್ ಕಣ್ಣ್ ಕಂಡಿತು ಇಲ್ಲೆ, ಕೆಮಿ ಕ್‍ೕಟಿತು ಇಲ್ಲೆ, ಅದ್ಂಡ ಗೇನ ಮನುಷ್ಯಂಡ ಹೃದಯತ್‍ಲ್ ಪುಟ್ಟಿತು ಇಲ್ಲೆ.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಗಲಾತ್ಯ 2:8

ಪೇತ್ರಂಡ ಸೇವೇಲ್ ಎನ್ನನೆ ಯೆಹೂದ್ಯಂಗಡ ಅಪೊಸ್ತಲನಾಯಿತ್ ದೇವಡ ಶಕ್ತಿ ಅಂವೊಂಡ ಮೂಲಕ ಕ್ರಿಯೆ ಮಾಡಿಯಂಡುಂಡೋ, ಅನ್ನನೆ ನಾಡ ಸೇವೇಲ್ ಯೆಹೂದ್ಯ ಅಲ್ಲತಯಿಂಗಡ ಅಪೊಸ್ತಲನಾಯಿತ್ ಅಯಿಂಗಡ ಮದ್ಯತ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 3:16

ನಿಂಗ ಅಂವೊಂಡ ಪವಿತ್ರಾತ್ಮತ್‍ರ ಶಕ್ತಿರ ಮೂಲಕ ನಿಂಗಡ ಒಳ್‍ಲ್ ಉಳ್ಳ ಮನುಷ್ಯಂಡಲ್ಲಿ ಅಂವೊಂಡ ಮಹಿಮೇರ ಐಶ್ವರ್ಯತ್‍ರಗುಂಡ್ ನಿಂಗ ಬಲಪಡಂಡೂಂದು,

ಎಫೆಸ 3:19

ಮನುಷ್ಯಂಗಡ ಬುದ್ದಿಕ್ ಅರ್ಥ ಆಕತ ಆ ಪ್ರೀತಿನ ಗೊತ್ತಾಪಕುಳ್ಳ ಶಕ್ತಿ ಪಡ್ಂದಯಿಂಗಳಾಯಿತ್ ಇರಂಡೂಂದ್ ಪಿಂಞ ದೇವ ಅಂವೊಂಡ ಪರಿಪೂರ್ನತ್‍ರನೆಕೆ ನಿಂಗಳ ದುಂಬ್‍ಚಿಡಂಡೂಂದ್ ಪ್ರಾರ್ಥನೆ ಮಾಡ್‌ವಿ.

ಎಫೆಸ 3:2

ಯೆಹೂದ್ಯಂಗಲ್ಲತ ನಿಂಗಕ್ ದೇವಡ ಸುದ್ದಿನ ಅರಿಚಿಡುವಕುಳ್ಳ ಜವಾಬ್ದಾರಿನ ನಾಡ ಮೇಲೆ ದೇವ ಕೃಪೆಯಾಯಿತ್ ದಾನಮಾಡ್‌ಚೀಂದ್ ನಿಂಗ ನೇರಾಯಿತು ಕ್‍ೕಟಿತುಳ್ಳಿರ.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

ಫಿಲಿಪ್ಪಿ 4:19

ನಾಡ ದೇವ ನಿಂಗಕ್ ಬೋಂಡಿಯಾನದ್‌ನೆಲ್ಲಾ, ದೇವಡ ದುಂಬ್‍ನ ಮಹಿಮೇರ ಐಶ್ವರ್ಯತ್‍ರಗುಂಡ್ ಯೇಸು ಕ್ರಿಸ್ತಂಡ ಮೂಲಕ ನಿಂಗಕ್ ತಪ್ಪ.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

2 ತಿಮೊಥೆಯ 1:11

ಈ ನಲ್ಲ ಸುದ್ದಿಕಾಯಿತ್ ದೇವ ನನ್ನ ಒರ್ ಪ್ರಸಂಗಿಯಾಯಿತ್, ಒರ್ ಅಪೊಸ್ತಲನಾಯಿತ್ ಪಿಂಞ ಬೋದಕನಾಯಿತ್ ನೇಮಿಚಿಟ್ಟಿತುಂಡ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.