ಎಫೆಸ 3:6 - ಕೊಡವ ಬೈಬಲ್

⁶ ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಎಫೆಸ 3:6 Iomraidhean Croise

1 ಕೊರಿಂಥ 12:12

ಒರ್ ತಡಿಕ್ ಬೋರೆ ಬೋರೆ ಬಾಗ ಉಂಡ್, ಆಚೇಂಗಿಯು ಅದ್ ಒರೇ ತಡಿಯಾಯಿತುಂಡ್. ಅನ್ನನೆ ಎಲ್ಲಾ ದೇವಡ ಮಕ್ಕಳು ಒರೇ ತಡಿರನೆಕೆ ಉಂಡ್. ಅನ್ನನೆ ನಂಗ ಒಬ್ಬೊಬ್ಬಂಗಕ್ ಬೋರೆ ಬೋರೆ ವರ ಉಂಡೇಂಗಿಯು, ನಂಗ ಎಲ್ಲಾರು ಕ್ರಿಸ್ತಂಡ ಒರೇ ತಡಿಯಾಯಿತುಂಡ್.

1 ಕೊರಿಂಥ 12:27

ಇಕ್ಕ, ನಿಂಗಳೇ ಕ್ರಿಸ್ತಂಡ ತಡಿಯು ಪಿಂಞ ಆ ತಡೀರ ಓರೋರ್ ಬಾಗವು ಆಯಿತುಳ್ಳಿರ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 3:3

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗ ಅಲ್ಲತಯಿಂಗಕ್ ದೇವ ಬೆಚ್ಚಿತುಳ್ಳ ಗುಟ್ಟ್‌ನ ನಾನ್ ಗೊತ್ತಾಪನೆಕೆ ಕಾಂಬ್‍ಚಿಟ್ಟತ್. ಇದ್ಂಡ ವಿಷಯತ್‍ನ ನಾನ್ ಮಿಂಞಲೇ ಚೆನ್ನ ಒಳ್‍ದಿತುಂಡ್.

ಎಫೆಸ 5:30

ನಂಗ ಅಂವೊಂಡ ತಡೀರ ಬಾಗವಾಯಿತ್ ಉಂಡ್.

ಎಫೆಸ 5:7

ಆನಗುಂಡ್, ಅನ್ನನೆ ಮಾಡ್‌ವಯಿಂಗಡ ಕೂಡೆ ನಿಂಗ ಐಕ್ಯತ್‍ಲ್ ಇರತಿ.

ಕೊಲೊಸ್ಸೆ 2:19

ಆತ್ಮೀಯ ತಡಿಕ್ ಮಂಡೆಯಾಯಿತುಳ್ಳ ಕ್ರಿಸ್ತಂಡ ಅಡಿಲ್ ಇಪ್ಪಕ್ ಅಯಿಂಗಕ್ ಕುಶಿ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತ, ನಂಗಡ ಪೂರ್ತಿ ಆತ್ಮೀಯ ತಡಿ ಬೊಳಿವಕ್ ಶಕ್ತಿ ಕೊಡ್‌ತಿತ್, ತಡೀರ ಮುಟ್ಟ್ ಪಿಂಞ ಯರ್ಚಿಕಂಡ, ಒಂದಿಂಜ ಒಂದ್ ಬುಟ್ಟ್ ಪೋಕತೆ ಕೂಡಿತ್ ಇಪ್ಪನೆಕೆ ಮಾಡಿತ್, ಅಂವೊ ಕುಶಿ ಪಡುವನೆಕೆ ಬೊಳಿವಕ್ ಮಾಡಿಯಂಡುಂಡ್.

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.