ಎಫೆಸ 3:5 - ಕೊಡವ ಬೈಬಲ್

⁵ ಆ ಗುಟ್ಟ್‌ನ ಇಕ್ಕ ಅಂವೊಂಡ ಪವಿತ್ರವಾನ ಅಪೊಸ್ತಲಂಗಕು ಪ್ರವಾದಿಯಂಗಕು ಪವಿತ್ರಾತ್ಮನಗುಂಡ್ ಅರಿಚಿಟ್ಟನೆಕೆ, ಇದ್ಂಗ್ ಮಿಂಞ ಇಂಜಯಿಂಗಕ್ ಈ ವಿಷಯತ್‍ನ ಎಣ್ಣಿತ್ಂಜಿತ್‌ಲ್ಲೆ.

ಎಫೆಸ 3:5 Iomraidhean Croise

ಮತ್ತಾಯ 13:17

ದುಂಬ ಪ್ರವಾದಿಯಳು, ನೀತಿವಂತಯಿಂಗಳು ನಿಂಗ ನೋಟ್‍ವಾನ ನೋಟ್‍ವಕೂ, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ದುಂಬ ಆಸೆ ಪಟ್ಟತ್, ಆಚೇಂಗಿ ಅಯಿಂಗ ಇದ್‍ನೆಲ್ಲಾ ಕಾಂಗತೆ, ಕ್‍ೕಕತೆ ಪೋಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣುವಿ.

ಮತ್ತಾಯ 20:7

ಅದ್ಂಗ್ ಅಯಿಂಗ: ನಂಗಳ ದಾರೂ ಕೆಲಸಕ್ ಕಾಕಿತ್‌ಲ್ಲೇಂದ್ ಎಣ್ಣ್‌ಚಿ. ಅಕ್ಕ ಅಂವೊ ಅಯಿಂಗಳ ನೋಟಿತ್: ಅನ್ನನಾಚೇಂಗಿ ನಿಂಗಳು ನಾಡ ತೋಟತ್‍ಲ್ ಪಣಿಕ್ ಪೋಯೀಂದ್ ಅಯಿಚತ್.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:24

ದುಂಬ ಪ್ರವಾದಿಯಳು ಪಿಂಞ ರಾಜಂಗಳು, ನಿಂಗ ಇಕ್ಕ ನೋಟ್‍ವಾನ ನೋಟ್‍ವಕು, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ಆಸೆ ಪಟ್ಟತ್, ಆಚೇಂಗಿ ಅಯಿಂಗೆಲ್ಲ ಕಾಂಗತೆ, ಕ್‍ೕಕತೆ ಪೋಚೀಂದ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:49

ಇದ್ಂಗಾಯಿತ್ ದೇವಡ ಜ್ಞಾನ ಎಣ್ಣ್‌ಚಿ: ನಾನ್ ದೇವಡ ಪ್ರವಾದಿಯಂಗಳ, ಅಪೊಸ್ತಲಂಗಳ ಅಯಿಂಗಡ ಪಕ್ಕ ಅಯಿಪಿ; ಅಯಿಂಗಡಲ್ಲಿ ಚೆನ್ನ ಜನಳ ಕೊಲ್ಲುವ, ಚೆನ್ನ ಜನಳ ತೊಂದರೆ ಮಾಡ್‌ವ;

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 16:13

ಸತ್ಯತ್‍ರ ಆತ್ಮವಾಯಿತುಳ್ಳ ಪವಿತ್ರಾತ್ಮ ಬಪ್ಪಕ, ನಿಂಗಳ ಸತ್ಯತ್‍ರ ಎಲ್ಲಾ ಬಟ್ಟೇಲ್ ನಡ್‍ತುವ; ಅಂವೊ, ಅಂವೊಂಡ, ಇಷ್ಟಪಕ್ರಾರ ತಕ್ಕ್ ಪರಿಯುಲೆ, ಅಂವೊ ಎಂತಾನ ಕ್‍ೕಪ ಅದ್‍ನ ನಿಂಗಕ್ ಎಣ್ಣಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಕಾರ್ಯತ್‍ನ ಎಣ್ಣಿ ತಪ್ಪ.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

1 ಕೊರಿಂಥ 2:10

ಆಚೇಂಗಿ ನಂಗಕ್ ದೇವ ಅದ್‍ನ ತಾಂಡ ಆತ್ಮತ್‍ರಗುಂಡ್ ಕಾಂಬ್‍ಚಿಟ್ಟತ್. ಆ ಆತ್ಮ ದೇವಡ ಆಳವಾನ ವಿಷಯತ್‍ನೆಲ್ಲಾ ತ್‍ೕಡ್‌ವ.

ಎಫೆಸ 2:20

ಅಪೊಸ್ತಲಂಗ ಪಿಂಞ ಪ್ರವಾದಿಯಂಗ ಎಣ್ಣುವಯಿಂಗಡ ಅಡಿಪಾಯತ್‍ರ ಮೇಲೆ ಕೆಟ್ಟಿತುಳ್ಳಯಿಂಗಳಾಯಿತುಳ್ಳಿರ; ಅದ್ಂಗ್ ಯೇಸು ಕ್ರಿಸ್ತತನೇ ಮೂಲೆ ಕಲ್ಲಾಯಿತ್ ಉಂಡ್.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

ಯೂದ ಒಳ್‍ದ್‍ನ ಕಾಗದ 1:17

ಆಚೇಂಗಿ ನಾಡ ಕುಶೀರ ಜನಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪೊಸ್ತಲಂಗ, ಎಂತ ಬಪ್ಪಾಂದ್ ಮಿಂಞಲೇ ಎಣ್ಣ್‌ನ ತಕ್ಕ್‌ನ ಗೇನ ಬೆಚ್ಚೊಳಿ.