ಎಫೆಸ 3:12 - ಕೊಡವ ಬೈಬಲ್

¹² ಅಂವೊಂಡಲ್ಲಿ ಪಿಂಞ ಅಂವೊಂಡ ಮೇಲೆ ಉಳ್ಳ ನಂಬಿಕೇರ ಮೂಲಕ, ನಂಗಕ್ ದೈರ್ಯವು, ಏದ್ ಪೋಡಿಯು ಇಲ್ಲತ ದೇವಡ ಪ್ರಸನ್ನಕ್ ಬಪ್ಪಕುಳ್ಳ ಬಾಗ್ಯವು ಕ್‍ಟ್ಟ್‌ಚಿ.

ಎಫೆಸ 3:12 Iomraidhean Croise

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

2 ಕೊರಿಂಥ 3:4

ನಂಗ ಕ್ರಿಸ್ತಂಡ ಮೂಲಕ ದೇವಡ ಮಿಂಞತ್ ಅನ್ನತ ನಂಬಿಕೇನ ಬೆಚ್ಚಿತುಂಡ್.

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

ಇಬ್ರಿಯ 10:35

ಆನಗುಂಡ್, ನಿಂಗಡ ದೈರ್ಯತ್‍ನ ಕಳೆಯುವಕ್ಕಾಗ, ಅದ್ ನಿಂಗಕ್ ಬಲ್ಯ ಪ್ರತಿಫಲ ತಪ್ಪ.

ಇಬ್ರಿಯ 3:6

ಆಚೇಂಗಿ ಕ್ರಿಸ್ತ, ದೇವಡ ಮನೇಕಿಂಜ ಬಲ್ಯಂವೊನಾಯಿತ್ ಒರ್ ಮೋಂವೊಂಡನೆಕೆ ಸತ್ಯವಂತಂವೊನಾಯಿತುಂಡ್; ನಂಗಡ ನಿರೀಕ್ಷೇರಗುಂಡ್ ಕ್‍ಟ್ಟುವ ದೈರ್ಯ ಪಿಂಞ ಹೆಮ್ಮೆನ ಕಡೇಕತ್ತನೆ ಗಟ್ಟಿಯಾಯಿತ್ ಪುಡ್‍ಚಂಡ್ ಇಂಜತೇಂಗಿ ನಂಗಳೇ ಅಂವೊಂಡ ಮನೇಯಾಯಿತ್‌ಪ್ಪ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

1 ಯೋಹಾನ 3:21

ಅಂದಕ ನಾಡ ಪ್ರೀತಿರ ಮಕ್ಕಳೇ, ನಂಗಡ ಹೃದಯ ನಂಗಳ ಕಂಡನೆ ಮಾಡಿತ್‌ಲ್ಲೇಂದ್ ಎಣ್ಣ್‌ಚೇಂಗಿ ನಂಗಕ್ ದೇವಡ ಪ್ರಸನ್ನತ್‌ಲ್ ದೈರ್ಯ ಉಂಡ್.