ಎಫೆಸ 3:10 - ಕೊಡವ ಬೈಬಲ್

¹⁰ ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 3:10 Iomraidhean Croise

ರೋಮ್ 11:33

ಓ, ದೇವಡ ಜ್ಞಾನತ್‍ರ ಐಶ್ವರ್ಯ ಪಿಂಞ ಅಂವೊಂಡ ಬುದ್ದಿ ಎಚ್ಚಕ್ ಆಳವಾಯಿತುಂಡ್! ಅಂವೊಂಡ ನ್ಯಾಯತೀರ್ಪ್‌ನ ಕಂಡ್‌ಪುಡಿಪಕ್ ಕಯ್ಯುಲೆ, ಅಂವೊಂಡ ಬಟ್ಟೇನ ಪರಿಶೋದನೆ ಮಾಡ್‌ವಕ್ ಕಯ್ಯತನೆಕೆ ಉಂಡ್.

ರೋಮ್ 8:38

ಎನ್ನನೆ ಎಣ್ಣ್‌ಚೇಂಗಿ ಚಾವ್ ನಂಗಕ್ ಬಾತೇಂಗಿಯು, ಜೀವ ಕ್‍ಟ್ಟ್‌ವದಾಚೇಂಗಿಯು, ದೇವದೂತಂಗಳಾಚೇಂಗಿಯು, ದೆವ್ವ ಲೋಕತ್‍ರಯಿಂಗಳಾಚೇಂಗಿಯು, ಇಕ್ಕ ಆಯಂಡುಳ್ಳದಾಚೇಂಗಿಯು, ಬಪ್ಪಕುಳ್ಳ ವಿಷಯವಾಚೇಂಗಿಯು, ಏದ್ ಶಕ್ತಿಯಾಯಿತ್ಂಜತೇಂಗಿಯು,

1 ಕೊರಿಂಥ 1:24

ಆಚೇಂಗಿ, ದೇವ ದಾರ್‌ನ ಅಂವೊಂಡ ಮಕ್ಕಳಾಯಿತ್ ಕಾಕಿತುಂಡೋ, ಅಯಿಂಗ ಯೆಹೂದ್ಯರಾಚೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನ ಆಚೇಂಗಿಯು, ಅಯಿಂಗಕ್ ಕ್ರಿಸ್ತ ದೇವಡ ಶಕ್ತಿಯಾಯಿತು, ದೇವಡ ಜ್ಞಾನವಾಯಿತು ಉಂಡ್.

1 ಕೊರಿಂಥ 2:7

ಆಚೇಂಗಿ ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಂಗಡ ಮಹಿಮೆಕಾಯಿತ್ ಉಂಟ್‍ಮಾಡಿತ್, ಅದ್‍ನ ಒಳ್‌ಪ್‍ಚಿಟ್ಟಿತ್‌ಂಜ ಗುಟ್ಟಾನ ದೇವಡ ಜ್ಞಾನತ್‍ನ ನಂಗ ಪರಿವ.

ಎಫೆಸ 1:21

ಅಂವೊನ ಪರಲೋಕತ್‍ಲ್ ತಾಂಡ ಬಲ್‌ತೆ ಬರಿಲ್ ಅಳ್‌ಪಕ್ ಮಾಡ್‍ಚಿ.

ಎಫೆಸ 1:23

ಎಲ್ಲಾನ ಎಲ್ಲಾನಗುಂಡ್ ದುಂಬ್‌ಚಿಡುವ ಪರಿಪೂರ್ಣವಾನ ಅಂವೊಂಡ ತಡೀಯಾಯಿತುಳ್ಳ ಸಬೇಕ್, ಎಲ್ಲಾಕಿಂಜ ಮೇಲೆ ಅಂವೊನ ಮಂಡೆಯಾಯಿತ್ ಮಾಡ್‍ಚಿ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಎಫೆಸ 1:8

ಅನ್ನನೆ ಆ ಕೃಪೇನ ಎಲ್ಲಾ ಜ್ಞಾನತ್ಂಜಲು, ಎಲ್ಲಾ ಬುದ್ದಿಯಿಂಜಲು ನಂಗಕ್ ದುಂಬ ಜಾಸ್ತಿ ತಂದಿತುಂಡ್.

ಎಫೆಸ 6:12

ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.

ಕೊಲೊಸ್ಸೆ 1:16

ಎನ್ನಂಗೆಣ್ಣ್‌ಚೇಂಗಿ, ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳದು, ಬೂಲೋಕತ್‍ಲ್ ಉಳ್ಳದು, ಕಾಂಬಕುಳ್ಳದು, ಕಾಂಬಕಯ್ಯತದು, ರಾಜಂಗಳು, ರಾಜ್ಯಂಗಳು, ಏದ್ ಅದಿಕಾರವು, ಅದಿಕಾರಿಯಂಗಳು, ಇದೆಲ್ಲಾ ಅಂವೊಂಡ ಮೂಲಕ, ಅಂವೊಂಗಾಯಿತ್ ಸೃಷ್ಟಿ ಮಾಡ್‍ಚಿ.

ಕೊಲೊಸ್ಸೆ 2:10

ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

ಕೊಲೊಸ್ಸೆ 2:15

ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.