ಎಫೆಸ 3:1 - ಕೊಡವ ಬೈಬಲ್

¹ ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 3:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:12

ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ.

ಅಪೊಸ್ತಲ 21:33

ಅಕ್ಕ ಸೇನೆರ ಅದಿಪತಿ ಪೌಲಂಡ ಪಕ್ಕ ಬಂದಿತ್ ಅಂವೊನ ಪುಡ್‌ಚಿತ್, ಅಂವೊನ ದಂಡ್ ಸರ್ಪಣಿಲ್ ಕೆಟ್ಟ್‌ವಕ್ ಆಜ್ಞೆ ಕೊಡ್‍ತತ್. ಪಿಂಞ ಸೇನೆರ ಅದಿಪತಿ, ಇಂವೊ ದಾರ್? ಇಂವೊ ಎಂತ ಮಾಡ್‍ಚೀಂದ್ ಕ್‍ೕಟತ್.

ಅಪೊಸ್ತಲ 23:18

ಅನ್ನನೆ ಅಂವೊನ ಕಾಕಿಯಂಡ್ ಪೋಯಿತ್, ಸರ್ಪಣಿಲ್ ಉಳ್ಳ ಪೌಲ ನನ್ನ ಕಾಕಿತ್ ಈ ಬಾಲೆಕಾರನ ನಿಂಗಡ ಪಕ್ಕ ಕಾಕಿಯಂಡ್ ಬಪ್ಪಕ್ ಬೋಡಿಯಂಡತ್‍ೕಂದ್ ಎಣ್ಣ್‌ಚಿ

ಅಪೊಸ್ತಲ 26:29

ಅದ್ಂಗ್ ಪೌಲ: ಚೆನ್ನ ಪ್ರಯತ್ನನತ್ಂಜ ಆಡ್, ಅಥವ ದುಂಬ ಪ್ರಯತ್ನನತ್ಂಜ ಆಡ್, ನಿಂಗ ಮಾತ್ರ ಅಲ್ಲತೆ, ಇಂದ್ ನಾಡ ಈ ಸತ್ಯತ್‍ನ ಕ್‍ೕಪಯಿಂಗೆಲ್ಲಾರು, ನಾಡ ಮೇಲೆ ಉಳ್ಳ ಈ ಕೈದಿರ ಸರ್ಪಣಿನ ಬುಟ್ಟಿತ್, ಪೂರ್ತಿಯಾಯಿತ್ ನನ್ನನೆಕೆ ಆಂಡೂಂದ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

2 ಕೊರಿಂಥ 1:6

ಆನಗುಂಡ್, ನಂಗ ಹಿಂಸೆ ಪಟ್ಟತೇಂಗಿಯು, ಅದ್ ನಿಂಗಡ ಸುಕಕು ರಕ್ಷಣೆಕು ಆಯಿತ್‌ಪ್ಪ; ನಂಗಕ್ ಸಮಾದಾನ ಕ್‍ಟ್ಟ್‌ಚೇಂಗಿಯು ಅದ್ ಸಹ ನಿಂಗಡ ಸಮಾದಾನಕು ರಕ್ಷಣೆಕು ಆಯಿತ್‌ಪ್ಪ; ನಂಗ ಕಷ್ಟಪಡ್‌ವನೆಕೆ ನಿಂಗಳು ಕಷ್ಟಪಟ್ಟಿತ್ ಸಹಿಸಿಯಂಡ್ ಉಳ್ಳಗುಂಡ್, ಆ ರಕ್ಷಣೆ ಫಲ ತಂದಂಡುಂಡ್.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

ಗಲಾತ್ಯ 5:11

ನಾಡ ಅಣ್ಣತಮ್ಮಣಂಗಳೇ, ಸುನ್ನತಿ ಮಾಡಂಡೂಂದ್ ನಾನ್ ಇಂಞು ಬೋದನೆ ಮಾಡಿಯಂಡಿಂಜತೇಂಗಿ ಎನ್ನಂಗಾಯಿತ್ ನಾಕ್ ಇಕ್ಕಲು ತೊಂದರೆ ಬಂದಂಡುಂಡ್? ಅನ್ನನೆ ಆಚೇಂಗಿ, ಕ್ರಿಸ್ತಂಡ ಶಿಲುಬೇರ ವಿಷಯತ್ಂಜ ಬಪ್ಪ ನಿಂದನೆ ಇಲ್ಲತೆ ಪೋಯಿತ್‌ಪ್ಪ್‌ಲೆಯಾ?

ಗಲಾತ್ಯ 5:2

ಕ್‍ೕಳಿ, ನಿಂಗ ಸುನ್ನತಿ ಮಾಡ್‍ಚೇಂಗಿ, ಯೇಸು ಕ್ರಿಸ್ತನಗುಂಡ್ ನಿಂಗಕ್ ಒರ್ ಪ್ರಯೋಜನವು ಇಲ್ಲೇಂದ್ ಪೌಲನಾನ ನಾನ್ ನಿಂಗಕ್ ಎಣ್ಣ್‌ವಿ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

ಎಫೆಸ 3:13

ಆನಗುಂಡ್, ನಿಂಗಡಗುಂಡ್ ನಾನ್ ಅನುಬವಿಚಿಡುವ ಹಿಂಸೆಕಾಯಿತ್ ನಿಂಗ ತಳ್ಂದ್ ಪೋಕತೆ ಇರಂಡೂಂದ್ ನಾನ್ ನಿಂಗಳ ಬೋಡುವಿ. ಇದೆಲ್ಲ ನಿಂಗಡ ನಲ್ಲದ್‍ಕಾಯಿತೇ ಆಯಂಡುಂಡ್.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

ಕೊಲೊಸ್ಸೆ 4:18

ಪೌಲನಾನ ನಾನ್, ನಾಡ ಕೈಯಿಂಜಲೇ ಒಳ್‍ದಿತ್ ನಿಂಗಕ್ ಈ ವಂದನೆ ಎಣ್ಣ್‌ವಿ. ನಾನ್ ಸೆರಮನೇಲ್ ಕೈದಿಯಾಯಿತ್ ಕೆಟ್ಟ್‌ಲ್ ಇಪ್ಪದ್‍ನ ಗೇನ ಬೆಚ್ಚೊಳಿ. ಕೃಪೆ ನಿಂಗಡ ಕೂಡೆ ಇರಡ್.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

2 ತಿಮೊಥೆಯ 1:16

ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

ಫಿಲೆಮೋನ 1:1

ಕ್ರಿಸ್ತ ಯೇಸುರ ವಿಷಯತ್ ಕೈದಿಯಾಯಿತುಳ್ಳ ಪೌಲುನು, ನಂಗಡ ತಮ್ಮಣನಾನ ತಿಮೊಥೆಯನು, ನಂಗಕ್ ದುಂಬ ಪ್ರೀತಿಯುಳ್ಳ, ನಂಗಡ ಕೂಡೆ ಸೇವೆ ಮಾಡಿಯಂಡುಳ್ಳ ಫಿಲೆಮೋನಂಗ್,

ಫಿಲೆಮೋನ 1:23

ಯೇಸು ಕ್ರಿಸ್ತಂಗಾಯಿತ್ ನಾಡ ಕೂಡೆ ಕೈದಿಯಾಯಿತುಳ್ಳ ಎಪಫ್ರ ಪಿಂಞ ನಾಡ ಕೂಡೆ ದೇವಡ ಸೇವಕಂಗಳಾಯಿತುಳ್ಳ ಮಾರ್ಕ, ಅರಿಸ್ತಾರ್ಕ, ದೇಮ ಪಿಂಞ ಲೂಕ ಎಣ್ಣ್‌ವಯಿಂಗ ಎಲ್ಲಾರು ವಂದನೆ ಎಣ್ಣಿಯಂಡುಂಡ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.