ಎಫೆಸ 2:8 - ಕೊಡವ ಬೈಬಲ್

⁸ ಕೃಪೇರಗುಂಡ್ ನಂಬಿಕೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಇದ್ ನಿಂಗಡಗುಂಡ್ ಕ್‍ಟ್ಟ್‌ನದ್ ಅಲ್ಲ, ಇದ್ ದೇವಡ ಇನಾಮ್.

ಎಫೆಸ 2:8 Iomraidhean Croise

ಮತ್ತಾಯ 16:17

ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ.

ಮತ್ತಾಯ 20:9

ಅಂಜ್ ಗಂಟೆಕ್ ಕೆಲಸಕ್ ಬಂದಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯ ಕ್‍ಟ್ಟ್‌ಚಿ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:50

ಆ ಪೊಣ್ಣಾಳ್‌ಕ್: ನೀಡ ನಂಬಿಕೆ ನಿನ್ನ ರಕ್ಷಣೆ ಮಾಡ್‍ಚಿ, ಶಾಂತಿಲ್ ಪೋಂದ್ ಯೇಸು ಎಣ್ಣ್‌ಚಿ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 6:35

ನಾನೇ ನಿಂಗಕ್ ಜೀವ ತಪ್ಪ ಒಟ್ಟೀಂದ್ ಯೇಸು ಎಣ್ಣ್‌ಚಿ. ದಾರ್ ನಾಡ ಪಕ್ಕ ಬಪ್ಪ, ಅಯಿಂಗಕ್ ಎಕ್ಕಾಲು ಕೆಲ ಪಯಿಪುಲೆ. ದಾರ್ ನನ್ನ ನಂಬುವ ಅಯಿಂಗಕ್ ಎಕ್ಕಾಲು ಬಾಯಾರಿಕೆ ಆಪುಲೆ.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 6:44

ನನ್ನ ಅಯಿಚ ಅಪ್ಪನಾನ ದೇವ, ಒಬ್ಬನ ಬಲಿಕತೆ ಪೋಚೇಂಗಿ ಅಂವೊ ನಾಡ ಪಕ್ಕ ಬಪ್ಪ್‌ಲೆ; ನಾನ್ ಅಯಿಂಗಳ ಆಕೀರ್ ದಿವಸತ್‍ಲ್ ಜೀವವಾಯಿತ್ ಎಪ್ಪುವಿ.

ಯೋಹಾನ 6:65

ಇಂಞು ಯೇಸು: ನಾಡ ಅಪ್ಪನಾನ ದೇವ, ಒಬ್ಬನ ನಾಡ ಪಕ್ಕ ಕೊಂಡ್ ಬರತೆ ಪೋನಕ, ಅಂವೊ ನಾಡ ಪಕ್ಕ ಬಪ್ಪ್‌ಲೇಂದ್ ಇದ್ಂಗಾಯಿತೇ ನಾನ್ ನಿಂಗಕ್ ಎಣ್ಣಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 13:39

ಮೋಶೇರ ನ್ಯಾಯಪ್ರಮಾಣತ್‍ರಗುಂಡ್ ನಿಂಗ ನೀತಿವಂತಯಿಂಗಳಾಯಿತ್ ಆಪಕ್ ಕಯ್ಯತೆ ಇಂಜಿರ. ಆಚೇಂಗಿ, ಯೇಸುರ ಮೂಲಕ, ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಇಡ್‌ವ, ಅಯಿಂಗೆಲ್ಲ ನೀತಿವಂತಯಿಂಗಳಾಯಿತ್ ಆಪಕ್ ಅಂವೊ ಮಾಡ್‍ಚಿ.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:11

ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯಿಂಜ ನಂಗಕ್ ಎನ್ನನೆ ರಕ್ಷಣೆ ಕ್‍ಟ್ಟ್‌ಚೋ ಅನ್ನನೆ ಅಯಿಂಗಕು ರಕ್ಷಣೆ ಕ್‍ಟ್ಟ್‌ಚೀಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಅಪೊಸ್ತಲ 16:14

ನಂಗ ಎಣ್ಣುವಾನ ಕ್‍ೕಟಯಿಂಗಡಡೆಲ್ ಲುದ್ಯ ಎಣ್ಣುವ ದೇವನ ಆರಾದನೆ ಮಾಡ್‌ವ ಒರ್ ಪೊಣ್ಣಾಳ್ ಇಂಜತ್. ಅವ ಧೂಮ್ರ ರಂಗ್‍ರ ಬಟ್ಟೆ ಮಾರ್‌ವಳು, ಥುವತೈ ಎಣ್ಣ್‌ವ ಊರ್‍ಂಜ ಬಂದವಳು ಆಯಿತ್ಂಜತ್. ಪೌಲಂಡ ತಕ್ಕ್‌ನ ಕ್‍ೕಪಕ್ ಒಡೆಯ ಅವಡ ಹೃದಯತ್‍ನ ತೊರ್ಂದತ್.

ಅಪೊಸ್ತಲ 16:31

ಅದ್ಂಗ್ ಅಯಿಂಗ: ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಿ, ಅಕ್ಕ ನೀಕು ನೀಡ ಮನೆಕಾರಂಗಕು ರಕ್ಷಣೆ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ರೋಮ್ 10:14

ಅಕ್ಕ, ಅಂವೊನ ನಂಬತಯಿಂಗ ಎನ್ನನೆ ಅಂವೊನ ಕಾಕುವ? ಅಂವೊಂಡ ವಿಷಯತ್‍ನ ಇಲ್ಲಿಕತ್ತನೆ ಕ್‍ೕಕತಯಿಂಗ ಎನ್ನನೆ ನಂಬುವ? ದೇವಡ ನಲ್ಲ ಸುದ್ದಿನ ಎಣ್ಣ್‌ವಯಿಂಗ ಇಲ್ಲತಪೋಚೇಂಗಿ, ಎನ್ನನೆ ಅಯಿಂಗಡ ಕೆಮಿಕ್ ಅಂವೊಂಡ ವಿಷಯ ಪೋಪ?

ರೋಮ್ 10:17

ಆನಗುಂಡ್ ನಂಬಿಕೆ, ದೇವಡ ವಾಕ್ಯತ್‍ನ ಕ್‍ೕಪಗುಂಡ್ ಬಪ್ಪ, ಅಯಿಂಗ ಕ್‍ೕಪದ್, ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಗುಂಡ್ ಬಪ್ಪ.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ರೋಮ್ 4:5

ಒಬ್ಬ ಕ್ರಿಯೆ ಮಾಡತೆ, ಪಾಪಿಯಳ ನೀತಿವಂತಂವೊನಾಯಿತ್ ಮಾಡ್‌ವಂವೊಂಡ ಮೇಲೆ ನಂಬಿಕೆ ಇಟ್ಟತೇಂಗಿ, ಅಂವೊಂಡ ನಂಬಿಕೆಯೇ ಅಂವೊಂಗ್ ನೀತಿಯಾಯಿತ್ ಲೆಕ್ಕ ಆಪಲ್ಲ.

ರೋಮ್ 9:16

ಆನಗುಂಡ್, ಒರ್ ಮನುಷ್ಯ ಆಸೆ ಪಡುವಗುಂಡೋ ಅಥವ ಪ್ರಯತ್ನ ಮಾಡ್‍ವಗುಂಡೊ ಅದ್ ಆಪುಲೆ, ಆಚೇಂಗಿ, ಕನಿಕರ ಕಾಟುವ ದೇವಡಗುಂಡ್ ಮಾತ್ರ ಆಪ.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಎಫೆಸ 1:19

ಅಂವೊ ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪಿತ್, ಅಂವೊಂಡಲ್ಲಿ ಮಾಡ್‍ನ ಅಂವೊಂಡ ಬಲ್ಯ ಶಕ್ತಿರ ಬಲತ್‍ರನೆಕೆ, ಅಂವೊಂಡ ಮೇಲೆ ನಂಬಿಕೆ ಇಟ್ಟಿತುಳ್ಳ ನಂಗಡಲ್ಲಿ ಮಾಡಿಯಂಡುಳ್ಳ ಅಂವೊಂಡ ಬಲ್ಯ ಗನತ್‍ರ ಮಹತ್ವ ಎಂತದ್‍ೕಂದ್ ಗೊತ್ತಾಪಕು ಅಂವೊ ನಿಂಗಕ್ ಬಲ್ಯ ಬೊಳಿರ ಆತ್ಮೀಯ ಕಣ್ಣ್‌ನ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಎಫೆಸ 2:5

ಅಪರಾದತ್‍ಲ್ ಚತ್ತ್ ಪೋಯಿತ್ಂಜ ನಂಗಳ ಕ್ರಿಸ್ತಂಡ ಕೂಡೆ ಜೀವವಾಯಿತ್ ಎಪ್ಪ್‌ಚಿಟ್ಟತ್; ಕೃಪೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ.

ಫಿಲಿಪ್ಪಿ 1:29

ನಿಂಗಕ್, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಬಾಗ್ಯ ಮಾತ್ರ ಅಲ್ಲ, ಅಂವೊಂಗಾಯಿತ್ ನೊಂಬಲ ಎಡ್‍ತವಕೂ ಬಾಗ್ಯ ಕ್‍ಟ್ಟ್‌ಚಿ.

ಕೊಲೊಸ್ಸೆ 2:12

ನಿಂಗ ದೀಕ್ಷಾಸ್ನಾನ ಎಡ್‍ಪಕ, ಕ್ರಿಸ್ತಂಡ ಕೂಡೆ ಪೋಪನೆಕೆ ಪೋಯಿತ್ ಪಾಪತ್‍ರ ಚಾವ್ ತಡೀನ ಕುಂಡ್‌ಕ್ ಇಟ್ಟನೆಕೆ ಆಚಿ. ಅನ್ನನೆ ದೀಕ್ಷಾಸ್ನಾನತ್ಂಜ ನಿಂಗಳ ಅಂವೊಂಡ ಕೂಡೆ ಪುದಿಯ ಬದ್‍ಕ್‍ಕಾಯಿತ್ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ತಡೀನ ಚಾವ್‍ಯಿಂಜ ಪುನಃ ಜೀವತ್‍ಲ್ ಎಪ್ಪ್‌ಚಿಟ್ಟ ದೇವಡ ಬಲ್ಯ ಶಕ್ತಿನ ನಿಂಗ ನಂಬಿತುಳ್ಳಿರ.

2 ಥೆಸಲೊನೀಕ 1:9

ಅಯಿಂಗ ಎಕ್ಕಾಲು ಕಷ್ಟಪಡ್‌ವನೆಕೆ ನಿತ್ಯವಾಯಿತ್ ಪಾಳಾಪ ಶಿಕ್ಷೆ ಕೊಡ್‌ತಿತ್, ಕಾಲಕಾಲಕು ಒಡೆಯಂಡ ಸನ್ನಿದಾನತ್ಂಜ ದೂರಮಾಡಿತ್, ಅಂವೊಂಡ ಮಹಿಮೇರ ಶಕ್ತಿನ ಕಾಂಬಕಯ್ಯತನೆಕೆ ಮಾಡ್‌ವ.

ಇಬ್ರಿಯ 6:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಬೊಳಿಕ್ ಬಂದಿತ್, ಪರಲೋಕತ್‍ರ ಇನಾಮ್‍ನ ಅನುಬವಿಚಿಟ್ಟಿತ್, ಪವಿತ್ರಾತ್ಮನ ಪಡ್ಂದಿತ್,

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,