ಎಫೆಸ 2:3 - ಕೊಡವ ಬೈಬಲ್

³ ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

ಎಫೆಸ 2:3 Iomraidhean Croise

ಆದ್ಯತ್‌ರ ಪುಸ್ತಕ 5:3

ಆದಾಮಂಗ್‌ ನೂಟ್ಯ ನುಪ್ಪದ್‌ ವಯಸ್ಸ್‌ ಇಪ್ಪಕ ತಾಂಡ ರೂಪತ್‌ಲ್‌ ಮೋಂವೊ ಪುಟ್ಟಚ್‍ ಅಂವೊಂಗ್‌ ಸೇತಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 6:5

ಮನುಷ್ಯಂಗಡ ದುಷ್ಟತನ ಬೂಮಿರ ಮೇಲೆ ದುಂಬಿತ್‌ ಅಯಿಂಗ ಗೇನಮಾಡ್‌ವದೆಲ್ಲಾ ಎಕ್ಕಾಲು ಕೆಟ್ಟದಾಯಿತ್‌ ಉಂಡ್‍ೕಂದ್‌ ಯೆಹೋವ ನೋಟ್‌ಚಿ.

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

ಯೋಹಾನ 1:13

ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

ಅಪೊಸ್ತಲ 14:16

ಕಯಿಂಜ ಕಾಲತ್‍ಲ್, ಅಂವೊ ಎಲ್ಲಾ ಜನತ್‍ನ ಅಯಿಂಗಯಿಂಗಡ ಮನಸ್ಸ್‌ಕ್ ಕುಶಿಯಾನ ಬಟ್ಟೇಲ್ ನಡ್‍ಪಕ್ ಬುಟ್ಟತೇಂಗಿಯು,

ರೋಮ್ 1:24

ಅದ್ಂಗಾಯಿತ್ ದೇವ ಅಯಿಂಗಳ ಅಯಿಂಗಡ ಮನಸ್ಸ್‌ಕ್ ಆಸೆ ಬಂದನೆಕೆ ಅಸಹ್ಯ ಕಾರ್ಯತ್‍ನ ಮಾಡ್‌ವಕ್ ಒಪ್ಪ್‌ಚಿಟ್ಟ್‌ರ್‌ತ್. ಅನ್ನನೆ ಅಯಿಂಗ ಅಯಿಂಗಡ ತಡೀನ ಅವಮಾನಪಡುತ್‌ವನೆಕೆ ಪವಿತ್ರಯಿಲ್ಲತ ಕಾರ್ಯತ್‍ನ ಒಬ್ಬಂಗೊಬ್ಬ ಮಾಡ್‍ಚಿ.

ರೋಮ್ 11:30

ನಿಂಗ ಪಂಡತ ಕಾಲತ್‍ಲ್ ದೇವಕ್ ಬಗ್ಗ್‌ಚಿಡತಯಿಂಗಳಾಯಿತ್ ಇಂಜಿರ, ಆಚೇಂಗಿ ಅಯಿಂಗ ಇಕ್ಕ ದೇವಕ್ ಬಗ್ಗ್‌ಚಿಡತಗುಂಡ್ ನಿಂಗಕ್ ಕನಿಕರ ಕ್‍ಟ್ಟ್‌ಚಿ.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 2:14

ನ್ಯಾಯಪ್ರಮಾಣ ಕ್‍ಟ್ಟತ ಯೆಹೂದ್ಯಂಗಲ್ಲತ ಜನ ಅಯಿಂಗಡ ಸ್ವಾಬಾವಿಕವಾಯಿತ್ ಮಾಡ್‌ವಗುಂಡ್, ನ್ಯಾಯಪ್ರಮಾಣ ಇಲ್ಲತ ಅಯಿಂಗ, ಅಯಿಂಗಕ್ ಅಯಿಂಗಳೇ ನೇರಾಯಿತ್ ನ್ಯಾಯಪ್ರಮಾಣವಾಯುತುಂಡ್.

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ರೋಮ್ 5:9

ಇಕ್ಕ ಅಂವೊಂಡ ಚೋರೆರಗುಂಡ್ ನೀತಿವಂತಂಗಳಾನ ನಂಗ, ಅಂವೊಂಡ ಚೆಡಿಯಿಂಜ ನಂಗ ತಪ್ಪ್‌ಚಿಡ್‌ವದ್ ಇಂಞು ಎಚ್ಚಕ್ ಕಂಡಿತ.

ರೋಮ್ 6:12

ಆನಗುಂಡ್, ನಿಂಗಡ ತಡೀರ ಇಚ್ಛೆರನೆಕೆ, ಪಾಪಕ್ ಬಗ್ಗಿತ್ ನಡ್‍ಕತೆ, ಪಿಂಞ ನಾಶ ಆಯಿಪೋಪ ನಿಂಗಡ ತಡೀಲ್ ಪಾಪ ಆಳುವಕ್ ಬುಡತಿ.

ರೋಮ್ 7:18

ಎನ್ನಂಗೆಣ್ಣ್‌ಚೇಂಗಿ, ನಾಡಲ್ಲಿ, ಎಣ್ಣ್‌ಚೇಂಗಿ, ನಾಡ ತಡೀಲ್ ನಲ್ಲದ್ ವಾಸಮಾಡಿಯಂಡಿಲ್ಲೇಂದ್ ನಾಕ್ ಗೊತ್ತುಂಡ್; ಅದ್ ಪಾಪತ್‍ರ ಗುಣವೇ. ನಲ್ಲದ್ ಮಾಡಂಡೂಂದ್ ನಾಕ್ ಕುಶಿ ಉಂಡ್, ಆಚೇಂಗಿ ನಲ್ಲದ್‍ನ ಮಾಡ್‌ವಕ್ ನಾಕ್ ಕಯಿಂಜಂಡಿಲ್ಲೆ.

ರೋಮ್ 9:22

ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ.

1 ಕೊರಿಂಥ 4:7

ಒಬ್ಬಯಿಂಜ ಇಂಞೊಬ್ಬ ಬಲ್ಯಂವೋಂದ್ ಎಣ್ಣ್‌ವಕ್ ನಿಂಗಳ ಮಾಡ್‍ವದ್ ದಾರ್? ದೇವ ಕೊಡ್‍ಕತದ್ ನೀಡ ಪಕ್ಕ ಎಂತ ಉಂಡ್? ಅನ್ನನೆ ನೀಡ ಪಕ್ಕ ಉಳ್ಳದೆಲ್ಲಾ ದೇವಡಯಿಂಜ ಕ್‍ಟ್ಟ್‌ನದ್‍ೕಂದ್ ಎಣ್ಣ್‌ಚೇಂಗಿ, ದೇವಡಯಿಂಜ ಅದ್‍ನೆಲ್ಲಾ ಕ್‍ಟ್ಟತಂವೊಂಡನೆಕೆ ಎನ್ನಂಗ್ ಹೊಗಳ್‍ವಿಯ?

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಎಫೆಸ 2:2

ಅದ್‍ಲ್, ಪಂಡ್ ನಿಂಗ, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್ ತಗ್ಗಿತ್ ನಡ್‍ಕತ ಜನತ್‍ರ ಮದ್ಯತ್‍ಲ್, ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವ ಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕಿಯಂಡಿಂಜಿರ.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಕೊಲೊಸ್ಸೆ 1:21

ಒರ್ ಕಾಲತ್‍ಲ್ ನಿಂಗ ದೇವಡಯಿಂಜ ಬೋರೆಯಾಯಿತ್ ಪೋಯಿತ್ ಇಂಜಿರ, ನಿಂಗಡ ಗೇನತ್‍ಲ್ ಕೆಟ್ಟದ್‍ನ ಮಾಡಿಯಂಡಿಂಜಗುಂಡ್ ಅಂವೊಂಗ್ ವಿರೋದಿಯಳಾಯಿತ್ ಇಂಜಿರ,

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.

1 ಥೆಸಲೊನೀಕ 5:6

ಆನಗುಂಡ್, ವರಿಯಂಡಿಪ್ಪಯಿಂಗ ಎನ್ನನೆ ಉಂಡೋ ಅನ್ನನೆ ಯೇಸುನ ನಂಬತಯಿಂಗ ಉಳ್ಳಗುಂಡ್, ನಿಂಗ ಅನ್ನನೆ ಇಪ್ಪಕ್ಕಾಗ. ಅದ್ಂಡ ಬದ್‍ಲ್, ಎಂತ ಆಯಂಡುಂಡ್‍ೕಂದ್ ನೋಟಿಯಂಡ್ ಎಚ್ಚರತ್‍ಲ್ ಇರಂಡು.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

1 ಪೇತ್ರ 1:14

ನಿಂಗ ಯೇಸುನ ನಂಬ್‍ನಯಿಂಗಳಾಯಿತ್ ಉಳ್ಳಾಂಗ್, ಅಂವೊ ಎಣ್ಣುವಾನ ಮಾಡಿಯಂಡ್ ಇರಿ. ನಿಂಗಡ ಪಳೆಯ ಬದ್‍ಕ್‍ಲ್ ಗೊತ್ತ್‌ಲ್ಲತೆ ಮಾಡಿಯಂಡಿಂಜ ಇಚ್ಛೆರನೆಕೆ ಮಡ್‌ವಕ್ಕಾಗ.

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

1 ಯೋಹಾನ 2:16

ಎನ್ನಂಗೆಣ್ಣ್‌ಚೇಂಗಿ ತಡೀನ ಕುಶಿಪಡ್‌ತ್‌ವ ಆಸೆ, ನೋಟ್‌ವಾನೆಲ್ಲ ಬೋಂಡೂಂದ್ ಉಳ್ಳ ಆಸೆ, ಆಸ್ತಿರ ಹೆಮ್ಮೆ ಇದ್ ಏದು ದೇವನಾನ ಅಪ್ಪಂಡಿಂಜ ಬಪ್ಪುಲೆ. ಇದೆಲ್ಲ ಲೋಕತ್ಂಜ ಬಪ್ಪದೇ.

1 ಯೋಹಾನ 2:8

ಆಚೇಂಗಿ, ನಾನ್ ನಿಂಗಕ್ ಒಳ್‍ದ್‍ವ ಪುದಿಯ ಆಜ್ಞೆ ಎನ್ನಂಗೆಣ್ಣ್‌ಚೇಂಗಿ, ಇದ್ ಯೇಸುರಲ್ಲಿ ಪಿಂಞ ನಿಂಗಡಲ್ಲಿ ಸತ್ಯವಾಯಿತುಂಡ್. ಎನ್ನನೆ ಎಣ್ಣ್‌ಚೇಂಗಿ ಇರ್‌ಟ್ ಪೋಯಂಡುಂಡ್, ನೇರಾನ ಬೊಳಿ ಇಕ್ಕಲೆ ಮಿನ್ನಿಯಂಡಂಡು.