ಎಫೆಸ 2:16 - ಕೊಡವ ಬೈಬಲ್

¹⁶ ಅಯಿಂಗಕ್ ವಿರೋದವಾಯಿತ್ ಇಂಜ ಪಗೇನ ಅಂವೊ ಶಿಲುಬೇಲ್ ಚತ್ತಿತ್ ನಾಶ ಮಾಡ್‍ಚಿ; ಅನ್ನನೆ ಈ ದಂಡ್ ಜನತ್‍ನ ಒರೇ ತಡಿಯಾಯಿತ್ ದೇವಡ ಪಕ್ಕ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನತ್‍ನ ಕೊಂಡ್ ಬಾತ್.

ಎಫೆಸ 2:16 Iomraidhean Croise

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

ರೋಮ್ 8:3

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ.

ರೋಮ್ 8:7

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ.

1 ಕೊರಿಂಥ 10:17

ನಂಗ ಎಲ್ಲಾರು ಒರೇ ಒಟ್ಟಿನ ಪಾಲ್ ಮಾಡಿತ್ ತಿಂಬಗುಂಡ್, ದುಂಬ ಜನಳಾಯಿತ್ ಉಳ್ಳ ನಂಗ, ಒರೇ ತಡೀರ ಬಾಗವಾಯಿತ್ ಉಂಡ್.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಎಫೆಸ 2:15

ನ್ಯಾಯಪ್ರಮಾಣತ್‍ನ ಪಿಂಞ ಅದ್ಂಡ ನೇಮತ್‍ನ ತಾಂಡ ತಡೀರಗುಂಡ್ ನಾಶ ಮಾಡ್‍ಚಿ. ಅನ್ನನೆ ಈ ದಂಡ್ ಜನತ್‍ನ ತಾಂಡ ಮೂಲಕ ಒರೇ ಪುದಿಯ ಮನುಷ್ಯನಾಯಿತ್ ಸೃಷ್ಟಿ ಮಾಡಿತ್, ಸಮಾದಾನ ಮಾಡ್‍ಚಿ.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.

ಎಫೆಸ 4:4

ಒರೇ ನಿರೀಕ್ಷೆಕಾಯಿತ್ ದೇವ ನಿಂಗಳ ಕಾಕಿತ್ ಕೂಟ್‍ನನೆಕೆ, ಒರೇ ತಡಿಯು, ಒರೇ ಪವಿತ್ರಾತ್ಮವು ಉಂಡ್.

ಕೊಲೊಸ್ಸೆ 2:14

ನಂಗ ನ್ಯಾಯಪ್ರಮಾಣತ್‍ರನೆಕೆ ಮಾಡತಗುಂಡ್ ನಂಗಕ್ ವಿರೋದವಾಯಿತ್ ಇಂಜ ಪಿಂಞ ಅದ್‍ನಗುಂಡ್ ನಂಗಕ್ ಒಳ್‍ದಿ ಬೆಚ್ಚಿತ್ಂಜ ಅಪರಾದತ್‍ನ ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ ಎಡ್‍ತಿತ್ ಕ್ರಿಸ್ತನ ಶಿಲುಬೇಲ್ ಇಟ್ಟಿತ್ ಆಣಿ ಅಡಿಪಕ ಆ ಆಣಿಲ್ ಅಡಿಚಿರ್‌ತ್.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.