ಎಫೆಸ 2:12 - ಕೊಡವ ಬೈಬಲ್

¹² ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಎಫೆಸ 2:12 Iomraidhean Croise

ಆದ್ಯತ್‌ರ ಪುಸ್ತಕ 15:18

ಅನ್ನನೆ ಆ ದಿವಸತ್‌ಲ್‌ ಯೆಹೋವ ಅಮ್ರಾಮಂಡ ಕೂಡೆ ಒಪ್ಪಂದ ಮಾಡಿತ್: ಐಗ್ತುಪ ದೇಶತ್‌ರ ಪೊಳೆಯಿಂಜ ಪುಡ್‌ಚಿತ್‌ ಯೂಫ್ರೇಟೀಸ್ ಬಲ್ಯ ಪೊಳೆಕತ್ತನೆಕ್‌ ಉಳ್ಳ ಎಲ್ಲಾನ ಪಿಂಞ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:72

ಪವಿತ್ರ ಪ್ರವಾದಿಯಂಗಡ ಮೂಲಕ ವಾಗ್ದಾನ ಮಾಡ್‍ಚಿ. ಅಂವೊ ನಂಗಡ ಪೆರಿಯಯಿಂಗಕ್ ವಾಗ್ದಾನ ಮಾಡ್‍ನ ಒಪ್ಪಂದತ್‍ರನೆಕೆ, ತಾಂಡ ಕರುಣೆನ ಕಾಟ್‍ವಕ್ ಗೇನ ಮಾಡಿತ್;

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 15:5

ನಾನೇ ದ್ರಾಕ್ಷಿ ಬಳ್ಳಿ, ನಿಂಗ ಕೊಂಬ್. ಒಬ್ಬ ನಾಡಲ್ಲಿ, ನಾನ್ ಅಂವೊಂಡಲ್ಲಿ ಸ್ತಿರವಾಯಿತ್ ಇಂಜತೇಂಗಿ ದುಂಬ ಫಲ ತಪ್ಪ; ನಿಂಗಕ್ ನನ್ನ ಬುಟ್ಟಿತ್ ಒಂದು ಮಾಡ್‌ವಕ್ ಕಯ್ಯುಲೆ.

ಯೋಹಾನ 4:22

ಸಮಾರ್ಯ ಜನಳಾನ ನಿಂಗ ಗೊತ್ತಿಲ್ಲತದ್‍ನ ಆರಾದನೆ ಮಾಡ್‌ವಿರ; ಯೆಹೂದ್ಯಂಗಳಾನ ನಂಗ ಗೊತ್ತುಳ್ಳದ್‍ನ ಆರಾದನೆ ಮಾಡಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ದೇವಡ ರಕ್ಷಣೆ ಯೆಹೂದ್ಯಂಗಡ ಮೂಲಕ ಬಪ್ಪ.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 28:20

ಈ ಕಾರಣಕಾಯಿತೇ ನಾನ್ ನಿಂಗಳ ಕಂಡಿತ್ ತಕ್ಕ್ ಪರಿಯಂಡೂಂದ್ ಕಾಕ್‍ಚಿಟ್ಟಿಯೇ. ಇಸ್ರಾಯೇಲ್ ಜನಡ ನಂಬಿಕೇರ ನಿರೀಕ್ಷೆಕಾಯಿತ್ ಮಾತ್ರ ನಾನ್ ಇನ್ನನೆ ಸರ್ಪಣಿಲ್ ಕೈದಿಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಅಪೊಸ್ತಲ 3:25

ನಿಂಗ ಈ ಪ್ರವಾದಿಯಡ ಮಕ್ಕಳಾಯಿತುಳ್ಳಿರ; ಪಿಂಞ, ನೀಡ ಸಂತಾನತ್‍ರಗುಂಡ್, ಈ ಲೋಕತ್‍ಲ್ ಉಳ್ಳ ಎಲ್ಲಾ ಜಾತಿಯಂಗಕು ಆಶೀರ್ವಾದ ಬಪ್ಪಾಂದ್ ದೇವ ಅಬ್ರಹಾಮಂಗ್ ಎಣ್ಣಿತ್, ನಂಗಡ ಅಜ್ಜಂಗಡ ಕೂಡೆ ದೇವ ಮಾಡ್‍ನ ಒಪ್ಪಂದಕ್ ಸಹ ನಿಂಗ ಮಕ್ಕಳಾಯಿತುಳ್ಳಿರ.

ರೋಮ್ 9:8

ಎನ್ನನೆ ಎಣ್ಣ್‌ಚೇಂಗಿ, ತಡೀರ ಪ್ರಕಾರ ಮಕ್ಕ ಆನಯಿಂಗ ಎಲ್ಲಾರು ದೇವಡ ಮಕ್ಕ ಅಲ್ಲ, ವಾಗ್ದಾನತ್‍ರ ಪ್ರಕಾರ ಮಕ್ಕ ಆನಯಿಂಗಳೇ ಅಂವೊಂಡ ಸಂತಾನಕಾರಂಗಳಾಯಿತ್‌ಪ್ಪ.

ಗಲಾತ್ಯ 4:8

ಮಿಂಞ ನಿಂಗಕ್ ದೇವನ ಗೊತ್ತಿಲ್ಲತ್‌ಪ್ಪಕ, ನೇರಾನ ದೇವಂಗ ಅಲ್ಲತ ದೇವಂಗಕ್ ಅಡಿಯಾಳಾಯಿತ್ಂಜಿರ.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

ಕೊಲೊಸ್ಸೆ 1:21

ಒರ್ ಕಾಲತ್‍ಲ್ ನಿಂಗ ದೇವಡಯಿಂಜ ಬೋರೆಯಾಯಿತ್ ಪೋಯಿತ್ ಇಂಜಿರ, ನಿಂಗಡ ಗೇನತ್‍ಲ್ ಕೆಟ್ಟದ್‍ನ ಮಾಡಿಯಂಡಿಂಜಗುಂಡ್ ಅಂವೊಂಗ್ ವಿರೋದಿಯಳಾಯಿತ್ ಇಂಜಿರ,

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

ಕೊಲೊಸ್ಸೆ 1:5

ನೇರಾನ ಸುದ್ದಿಯಾನ ದೇವಡ ನಲ್ಲ ಸುದ್ದಿ ನಿಂಗಡ ಪಕ್ಕ ಆದ್ಯವಾಯಿತ್ ಬಂದಿತ್ ನಿಂಗಕ್ ಗೊತ್ತಾನ ಕಾಲತ್ಂಜ, ನಿಂಗ ಇನ್ನನೆ ಮಾಡಿಯಂಡ್, ನಿಂಗಕಾಯಿತ್ ಪರಲೋಕತ್‍ಲ್ ಬದ್ರವಾಯಿತ್ ಬೆಚ್ಚಿತುಳ್ಳ ನಿರೀಕ್ಷೆಕಾಯಿತ್ ಪಾರಕಾತಂಡ್ ಉಳ್ಳಿರ.

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.

1 ಥೆಸಲೊನೀಕ 4:5

ದೇವನ ನಂಬತಯಿಂಗ ಪಿಂಞ ಗೊತ್ತಿಲ್ಲತಯಿಂಗ ಬದ್‍ಕ್‍ವನೆಕೆ, ಮೋಹತ್‍ಲ್ ಬದ್‍ಕವಕ್ಕಾಗ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

1 ತಿಮೊಥೆಯ 1:1

ನಂಗಡ ರಕ್ಷಕನಾನ ದೇವ ಪಿಂಞ ನಂಗಡ ನಿರೀಕ್ಷೆಯಾಯಿತುಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಆಜ್ಞೆರ ಪ್ರಕಾರ, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

ಇಬ್ರಿಯ 11:34

ತಿತ್ತ್‌ಕ್ ಇಟ್ಟತೇಂಗಿಯು ಬೆಂಜಿತ್‌ಲ್ಲೆ, ಬಾಳ್‌ಕತ್ತಿಕ್ ಬಚಾವಾಚಿ, ಶಕ್ತಿ ಇಲ್ಲತೆ ಇಪ್ಪಕ ಶಕ್ತಿ ಪಡ್ಂದತ್, ಯುದ್ದ ಮಾಡ್‌ವದ್‍ಲ್ ಬಲ್ಯಂಗಳಾಚಿ, ಅನ್ಯ ಸೇನೇನ ದೌತ್‌ಚಿ.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

ಇಬ್ರಿಯ 8:6

ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 3:15

ಆಚೇಂಗಿ, ಕ್ರಿಸ್ತಂಗ್ ನಿಂಗಡ ಹೃದಯತ್‍ಲ್ ಮರ್ಯಾದೆ ಕೊಡ್‍ಕಂಡು, ಅಂವೊನ ಒಡೆಯನಾಯಿತ್ ಗನಪಡ್‌ತಂಡು. ನಿಂಗಡ ನಿರಿಕ್ಷೇರ ವಿಷಯತ್ ದಾರಾಚೇಂಗಿ ಪ್ರಶ್ನೆ ಇಟ್ಟತೇಂಗಿ, ಅಯಿಂಗ ಎಲ್ಲಾರ್‌ಕು ಉತ್ತರ ಕೊಡ್‍ಪನೆಕೆ, ತಾಯಾರಾಯಿತ್ ಇರಿ. ಆಚೇಂಗಿ ಅದ್‍ನ ಮರ್ಯಾದೆಲ್ ಶಾಂತತ್‍ಲ್ ಮಾಡಂಡು.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.