ಎಫೆಸ 1:9 - ಕೊಡವ ಬೈಬಲ್

⁹ ದೇವ ಕ್ರಿಸ್ತಂಡ ಮೂಲಕ ಮಾಡಂಡೂಂದ್ ತೀರ್ಮಾನ ಮಾಡಿತ್ಂಜ, ಅಂವೊಂಡ ಕುಶೀರ ಚಿತ್ತತ್‍ರ ಗುಟ್ಟ್‌ನ ನಂಗ ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 1:9 Iomraidhean Croise

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 4:28

ನೀಡ ಅದಿಕಾರತ್ಂಜ, ನೀಡ ಚಿತ್ತತ್‍ರನೆಕೆ ನೀನ್ ತೀರ್ಮಾನ ಮಾಡ್‍ನನೆಕೆ ಅಯಿಂಗ ಇದ್‍ನೆಲ್ಲ ಮಾಡ್‍ಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

ಗಲಾತ್ಯ 1:12

ಇದ್ ನಾಕ್ ಒರ್ ಮನುಷ್ಯಡಿಂಜ ಕ್‍ಟ್ಟ್‌ನದು ಅಲ್ಲ, ದಾರೂ ಬೋದನೆ ಮಾಡ್‌ನದು ಅಲ್ಲ. ಬದ್‍ಲಾಯಿತ್, ಯೇಸು ಕ್ರಿಸ್ತನೇ ಇದ್‍ನ ನಾಕ್ ಕಾಂಬ್‍ಚಿಟ್ಟತ್.

ಗಲಾತ್ಯ 1:15

ಅನ್ನನೆ ಇಂಜತೇಂಗಿಯು, ನಾನ್ ಪುಟ್ಟ್‌ವಕಿಂಜ ಮಿಂಞಲೇ ನನ್ನ ಬೋರೆ ಮಾಡಿತ್ ಅಂವೊಂಡ ಕೃಪೇರಗುಂಡ್ ನನ್ನ ದೇವ ಕಾಕ್‍ಚಿ.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಎಫೆಸ 1:8

ಅನ್ನನೆ ಆ ಕೃಪೇನ ಎಲ್ಲಾ ಜ್ಞಾನತ್ಂಜಲು, ಎಲ್ಲಾ ಬುದ್ದಿಯಿಂಜಲು ನಂಗಕ್ ದುಂಬ ಜಾಸ್ತಿ ತಂದಿತುಂಡ್.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.