ಎಫೆಸ 1:3 - ಕೊಡವ ಬೈಬಲ್

³ ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಎಫೆಸ 1:3 Iomraidhean Croise

ಆದ್ಯತ್‌ರ ಪುಸ್ತಕ 14:20

ನೀಡ ಶತ್‌ರುವಳ ನೀಡ ಕೈಕ್‌ ಒಪ್ಪ್‌ಚಿಟ್ಟ ಉನ್ನತವಾನ ದೇವಂಗ್‌ ಸ್ತೋತ್‌ರಾಂದ್‌ ಎಣ್ಣ್‌ಚಿ. ಅಲ್ಲಿಂಜ ಅಬ್ರಾಮ ತಾನ್‌ ಗೆದ್ದಿತ್‌ ಕೊಂಡಬಂದ ಎಲ್ಲಾ ಸಾಮಾನತ್‌ಲ್‌ ಪತ್ತ್‌ಲ್‌ ಒರ್‌ ಬಾಗತ್‌ನ ಅಂವೊಂಗ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 22:18

ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:28

ಸಿಮೆಯೋನ ಕುಂಞಿನ ತಾಂಡ ಕೈಯಿಲ್ ಎಡ್‍ತಂಡ್ ದೇವಕ್ ವಂದನೆ ಮಾಡಿತ್, ನೀನ್ ಎಣ್ಣ್‌ನ ತಕ್ಕ್ ಇಕ್ಕ ಸತ್ಯವಾಯಿತ್, ಇಕ್ಕ ನಿಂಗ ನೀಡ ಆಳ್‌ನ ಶಾಂತಿಲ್ ಪೋಪಕ್ ಬುಡ್‍ವಿರ;

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ರೋಮ್ 12:5

ಅನ್ನನೆ ದುಂಬ ಜನಳಾಯಿತುಳ್ಳ ನಂಗಳು, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒರೇ ತಡಿಯಾಯಿತುಂಡ್. ನಂಗೆಲ್ಲಾರು ಒಬ್ಬೊಬ್ಬಂಡ ಕೂಡೆ ಒಬ್ಬ ಕೂಡಿತ್ ತಡೀರ ಬೋರೆ ಬೋರೆ ಬಾಗವಾಯಿತುಂಡ್.

ರೋಮ್ 15:6

ಅನ್ನನೆ ನಿಂಗ ಒರೇ ಮನಸ್ಸ್‌ಲ್ ಒರೇ ಬಾಯಿಂಜ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ಮಹಿಮೆ ಕೊಡಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 12:12

ಒರ್ ತಡಿಕ್ ಬೋರೆ ಬೋರೆ ಬಾಗ ಉಂಡ್, ಆಚೇಂಗಿಯು ಅದ್ ಒರೇ ತಡಿಯಾಯಿತುಂಡ್. ಅನ್ನನೆ ಎಲ್ಲಾ ದೇವಡ ಮಕ್ಕಳು ಒರೇ ತಡಿರನೆಕೆ ಉಂಡ್. ಅನ್ನನೆ ನಂಗ ಒಬ್ಬೊಬ್ಬಂಗಕ್ ಬೋರೆ ಬೋರೆ ವರ ಉಂಡೇಂಗಿಯು, ನಂಗ ಎಲ್ಲಾರು ಕ್ರಿಸ್ತಂಡ ಒರೇ ತಡಿಯಾಯಿತುಂಡ್.

2 ಕೊರಿಂಥ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾಯಿತು, ಕನಿಕರತ್‍ರ ಅಪ್ಪನಾಯಿತು, ಎಲ್ಲಾ ಸಮಾದಾನವು ತಪ್ಪ ದೇವನಾಯಿತುಳ್ಳ ದೇವಕ್ ವಂದನೆ.

2 ಕೊರಿಂಥ 11:31

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದೇವನಾಯಿತು ಅಪ್ಪನಾಯಿತು ಎಕ್ಕಾಲು ತುದಿನ ಪಡ್ಂದಂವೊನಾಯಿತ್ ಉಳ್ಳ ಅಂವೊಂಗ್ ನಾನ್ ಪೊಟ್ಟ್ ಪರ್ಂದಂಡಿಲ್ಲೇಂದ್ ಗೊತ್ತುಂಡ್.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 3:9

ಅನ್ನನೆ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಪ್ಪ ಎಲ್ಲಾ ಜನಕು, ನಂಬಿಕೇರಂವೊನಾನ ಅಬ್ರಹಾಮಂಡ ಆಶೀರ್ವಾದತ್‍ರನೆಕೆ ಅಯಿಂಗಕು ಆಶೀರ್ವಾದ ಕ್‍ಟ್ಟುವ.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

ಎಫೆಸ 1:17

ಯೇಸು ಕ್ರಿಸ್ತಂಡ ಒಡೆಯನು, ಮಹಿಮೇರ ಅಪ್ಪನು ಆಯಿತುಳ್ಳ ದೇವನ, ನಿಂಗ ಚಾಯಿತೆ ಗೊತ್ತಾಪಕುಳ್ಳ ಜ್ಞಾನತ್‍ನ ಪಿಂಞ ಪ್ರಕಟನೆನ ತಪ್ಪ ಪವಿತ್ರಾತ್ಮತ್‍ನ ನಿಂಗಕ್ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಎಫೆಸ 1:20

ಪರಲೋಕತ್‍ರ ಎಲ್ಲಾ ಅದಿಕಾರಕು, ಬೋರೆ ಎಲ್ಲಾ ಅದಿಕಾರಕು, ಎಲ್ಲಾ ಶಕ್ತಿಕು, ಅದಿಕಾರಿಯಂಗಕು, ಈ ಲೋಕತ್‍ಲ್ ಮಾತ್ರ ಅಲ್ಲತೆ, ಬಪ್ಪಕುಳ್ಳ ಲೋಕತ್‍ಲ್ ಅರಿಂಜಿತುಳ್ಳ ಎಲ್ಲಾ ಪೆದಕು ಬಲ್ಯ ಪೆದವಾಯಿತ್ ಕೊಡಿಲ್ ಇಪ್ಪನೆಕೆ,

ಎಫೆಸ 2:6

ಕ್ರಿಸ್ತ ಯೇಸುರಲ್ಲಿ, ಅಂವೊ ನಂಗಡ ಮೇಲೆ ಬೆಚ್ಚಿತ್ಂಜ ದಯೇರಗುಂಡ್, ತಾಂಡ ಕೃಪೇರ ಬಲ್ಯ ಗನತ್‍ರ ಐಶ್ವರ್ಯತ್‍ನ ಬಪ್ಪ ಕಾಲತ್‍ಲ್ ಕಾಂಬ್‍ಚಿಡುವಕಾಯಿತ್, ದೇವ ನಂಗಳ ಕ್ರಿಸ್ತಂಡ ಕೂಡೆ ಚಾವ್‍ಯಿಂಜ ಎಪ್ಪಿತ್, ಪರಲೋಕತ್‍ಲ್ ಕ್ರಿಸ್ತ ಯೇಸುರಲ್ಲಿ ನಂಗಳ ಅಂವೊಂಡ ಕೂಡೆ ಅಳ್‍ಪ್‍ಚಿಟ್ಟತ್.

ಎಫೆಸ 3:10

ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 6:12

ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪೋರಾಟ ಮನುಷ್ಯಂಗಕ್ ವಿರೋದವಾಯಿತ್ ಅಲ್ಲ, ಅದಿಕಾರಕ್ ವಿರೋದವಾಯಿತ್, ಕೂಳಿಯಡ ಅದಿಕಾರಿಯಂಗಕ್ ವಿರೋದವಾಯಿತ್, ಈ ಇರ್‌ಟ್ ಲೋಕತ್‍ರ ಅದಿಪತಿಯಂಗಕ್ ವಿರೋದವಾಯಿತ್ ಪಿಂಞ ಬಾನತ್‍ಲ್ ವಾಸ ಮಾಡಿಯಂಡುಳ್ಳ ಕೂಳಿಯಡ ಸೇನೆಕ್ ವಿರೋದವಾಯಿತ್ ಉಂಡ್.

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

ಇಬ್ರಿಯ 8:5

ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.

ಇಬ್ರಿಯ 9:23

ಆನಗುಂಡ್, ಪರಲೋಕತ್‍ಲ್ ಉಳ್ಳ ವಸ್ತುರ ರೂಪತ್‌ಲ್, ಈ ಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲೀರಗುಂಡ್ ಶುದ್ದ ಮಾಡ್‌ವಕಿಂಜತ್; ಅಕ್ಕ ಪರಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲಿಕಿಂಜ ಬಲ್ಯ ಬಲಿರ ಮೂಲಕ ಶುದ್ದ ಮಾಡ್‍ವದ್ ಎಚ್ಚಕ್ ಬೋಂಡಿಯದಾಯಿತ್ ಇಂಜತ್.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.