ಅಪೊಸ್ತಲ 1:3 - ಕೊಡವ ಬೈಬಲ್

³ ಅಂವೊ ಶಿಲುಬೇಲ್ ಕಷ್ಟಪಟ್ಟಿತ್ ಚತ್ತ್‌ಪೋನ ಪಿಂಞ, ಅಂವೊ ಜೀವವಾಯಿತ್ ಉಂಡ್‍ೕಂದ್ ನಾಪದ್ ದಿವಸ, ಅಪೊಸ್ತಲಂಗಕ್ ದುಂಬ ಕುರಿ ದೃಡ ಸಾಕ್ಷಿಯಾಯಿತ್ ಅಂವೊನ ಕಾಂಬ್‌ಚಿಟ್ಟಂಡತ್. ಅನ್ನನೆ ದೇವಡ ರಾಜ್ಯತ್‍ರ ವಿಷಯತ್‍ನ ಪರ್ಂದಂಡ್, ಜೀವ ಉಳ್ಳಂವೊನಾಯಿತ್, ಕಾಂಬ್‌ಚಿಟ್ಟಂಡ್ ಇಂಜತ್.

ಅಪೊಸ್ತಲ 1:3 Iomraidhean Croise

ಮತ್ತಾಯ 21:43

ಆನಗುಂಡ್ ನಾನ್ ಎಣ್ಣ್‌ವಿ, ಪರಲೋಕ ರಾಜ್ಯತ್‍ನ ನಿಂಗಡ ಕೈಯಿಂಜ ಎಡ್‍ತಿತ್, ಆಂಗ್ ತಕ್ಕ ಫಲತ್‍ನ ಕೊಡ್‍ಪ ಮಕ್ಕಕ್ ಕೊಡ್‍ಪ.

ಮತ್ತಾಯ 28:9

ಒಮ್ಮಕೆ ಯೇಸು ಅಯಿಂಗಕ್ ಕಾಂಬ್‌ಚಿಟ್ಟಂಡ್, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಡ ಪಕ್ಕ ಬಂದಿತ್ ಅಂವೊಂಡ ಕಾಲ್‌ನ ಪುಡ್‌ಚಿತ್ ಅಂವೊನ ತುದಿಚತ್.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:2

ಯೇಸು ನಾಪದ್ ದಿವಸ ಪೋಲ್ ಬಯಿಟ್ ಒಂದು ತಿಂಗತೆ ಪಟ್ಟಣಿ ನಿಂದಂಡಿಂಜಗುಂಡ್, ಅಂವೊಂಗ್ ದುಂಬ ಕೆಲ ಪಯಿಚತ್.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಯೋಹಾನ 20:26

ಪುನಃ ಎಟ್ಟ್ ದಿವಸ ಆನ ಪಿಂಞ, ಯೇಸುರ ಶಿಷ್ಯಂಗ ಪಡಿ ಇಟ್ಟಂಡ್ ಒಳ್‍ಲ್ ಇಂಜತ್. ಅಯಿಂಗಡ ಕೂಡೆ ಇಕ್ಕ ತೋಮ ಸಹ ಇಂಜತ್. ಎಲ್ಲಾ ಪಡಿಕ್ ಬೀಗ ಇಟ್ಟಿತ್ಂಜತ್. ಅಕ್ಕ ಯೇಸು ಅಯಿಂಗಡ ಮದ್ಯತ್‍ಲ್ ಬಪ್ಪಂಜಿ, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ.

ಯೋಹಾನ 21:1

ಇಂಞು ಚೆನ್ನ ದಿವಸ ಆನ ಪಿಂಞ, ಯೇಸು ತಿಬೇರಿಯ ಕೆರೆರ ಪಕ್ಕ ಅಯಿಂಗಕ್ ಪುನಃ ಅಂವೊನ ಕಾಂಬ್‌ಚಿಟ್ಟಂಡತ್.

ಯೋಹಾನ 21:14

ಯೇಸು ಚತ್ತಿತ್ ಎದ್ದ ಪಿಂಞ ಶಿಷ್ಯಂಗಕ್ ಅಂವೊನ ಕಾಂಬ್‍ಚಿಡುವದ್ ಇದ್ ಮೂಂದನೆ ಕುರಿ.

ಅಪೊಸ್ತಲ 13:31

ಪಿಂಞ ಅಂವೊ, ಗಲಿಲಾಯಿತ್‌ಂಜ ಯೆರೂಸಲೇಮ್‌ಕ್ ಅಂವೊಂಡ ಕೂಡೆ ಬಂದಯಿಂಗಕ್ ದುಂಬ ದಿವಸ ಅಂವೊ ಜೀವವಾಯಿತ್ ಉಳ್ಳದ್‍ನ ಕಾಂಬ್‌ಚಿಟ್ಟಂಡತ್; ಇಕ್ಕ ಅಯಿಂಗ, ನಂಗಡ ಜನಾಂಗಕ್ ಅಂವೊಂಡ ಸಾಕ್ಷಿಯಳಾಯಿತ್ ಉಂಡ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 28:31

ತಾಂಡ ಪಕ್ಕ ಬಪ್ಪಯಿಂಗಕ್ ದೈರ್ಯವಾಯಿತ್, ಏದ್ ತಡೆಯು ಇಲ್ಲತೆ, ದೇವಡ ರಾಜ್ಯತ್‍ರ ವಿಷಯತ್‍ನ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 8:12

ಆಚೇಂಗಿ ಇಕ್ಕ, ಫಿಲಿಪ್ಪ ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪಿಂಞ ಯೇಸು ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‌ವಾನ ಆ ಪಟ್ಟಣತ್‍ರ ಜನ ಕ್‍ೕಪಕ, ಅಯಿಂಗ ಅದ್‍ನ ನಂಬಿತ್, ಆಣಾಳ್ ಪಿಂಞ ಪೊಣ್ಣಾಳುವ ದೀಕ್ಷಾಸ್ನಾನ ಎಡ್‍ತತ್.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ಯೋಹಾನ 1:1

ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್.