2 ತಿಮೊಥೆಯ 4:2 - ಕೊಡವ ಬೈಬಲ್

² ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

2 ತಿಮೊಥೆಯ 4:2 Iomraidhean Croise

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:2

ನೀನ್‌ ಎದ್ದಿತ್‌ ಬಲ್ಯ ಪಟ್ಟಣವಾನ ನಿನೆವೆಕ್‌ ಪೋಯಿತ್, ನಾನ್‌ ನೀಕ್‌ ಎಣ್ಣ್‌ವ ಪ್ರಕಾರ ಅಲ್ಲಿ ಉಳ್ಳಯಿಂಗಕ್‌ ಎಚ್ಚರ ಕೊಡ್‌ಕೊಂಡೂಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:23

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:4

ಅಯಿಂಗ ಬಂದಿತ್: ನೀನ್ ಕನಿಕರ ಕಾಟ್‍ವಕ್ ಈ ಮನುಷ್ಯ ಯೋಗ್ಯನಾಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:60

ಅದ್ಂಗ್ ಯೇಸು: ಚತ್ತಯಿಂಗ ಚತ್ತಯಿಂಗಳ ಪೂತಡ್; ನೀನ್ ಪೋಯಿತ್ ದೇವಡ ರಾಜ್ಯತ್‍ರ ವಿಷಯತ್‍ನ ಪ್ರಚಾರ ಮಾಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

ಅಪೊಸ್ತಲ 16:13

ಸಬ್ಬತ್ ದಿವಸತ್‍ಲ್, ಪಟ್ಟಣತ್‍ರ ಪೊರಮೆ ಪೋಯಿತ್, ಪೊಳೆರ ಕರೆಲ್, ಜನ ಎಕ್ಕಾಲು ಅಲ್ಲಿ ಪ್ರಾರ್ಥನೆ ಮಾಡ್‌ವಾಂದ್ ಗೇನ ಮಾಡಿತ್ ನಂಗ ಅಲ್ಲಿ ಅಳ್‌ತತ್. ಅಲ್ಲಿ ಕೂಡಿ ಬಂದಿತ್ಂಜ ಪೊಣ್ಣಾಳುವಕ್ ನಂಗ ಉಪದೇಶ ಮಾಡ್‍ಚಿ.

ಅಪೊಸ್ತಲ 20:7

ವಾರತ್‍ರ ಆದ್ಯ ದಿವಸತ್‍ಲ್ ನಂಗ ಒಟ್ಟಿನ ಪೊಳಿಪ ಸಮಯಕಾಯಿತ್ ಕೂಡಿ ಬಂದಿತ್ಂಜತ್. ಅಲ್ಲಿ ಕೂಡಿ ಬಂದಿತ್ಂಜ ಜನಡ ಕೂಡೆ ಪೌಲ ಪ್ರಸಂಗ ಮಾಡಿಯಂಡಿಂಜತ್. ಪಿತ್ಯಾಂದ್ ಪೌಲ ಅಲ್ಲಿಂಜ ಪೊರಟಿತ್ ಪೋಂಡೂಂದ್ ಇಂಜಗುಂಡ್, ನಡ್‍ಪಾದ್ರೆಕತ್ತನೆ ಅಯಿಂಗಡ ಕೂಡೆ ಪೌಲ ತಕ್ಕ್ ಪರ್ಂದಂಡ್ ಪ್ರಸಂಗ ಮಾಡಿಯಂಡ್ ಇಂಜತ್.

ಅಪೊಸ್ತಲ 28:16

ನಂಗ ರೋಮ್ ಪಟ್ಟಣಕ್ ಎತ್ತ್‌ವಕ, ಪೌಲ, ಅಂವೊನ ಕಾತಂಡಿಂಜ ಸಿಪಾಯಿರ ಕೂಡೆ ಬೋರೆಯಾಯಿತ್ ಇಪ್ಪಕ್ ಅನುಮತಿ ಕ್‍ಟ್ಟ್‌ಚಿ.

ರೋಮ್ 10:15

ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಳ ಅಯಿಂಗಡ ಪಕ್ಕ ಅಯಿಕತೆ ಪೋಚೇಂಗಿ ದಾರ್ ಎಣ್ಣುವ? ಅದ್ಂಗೇ, ಸಮಾದಾನತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಡ ಪಾದ ಎಚ್ಚಕ್ ಚಾಯಿ ಉಂಡ್‍ೕಂದ್ ಒಳ್‍ದಿ ಬೆಚ್ಚಿತುಂಡಲ್ಲ?

ರೋಮ್ 12:12

ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್‍ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್‌ವದ್‍ಲ್ ಸ್ತಿರವಾಯಿತ್ ಮಾಡಿಯಂಡಿರಿ.

ಗಲಾತ್ಯ 6:6

ಅದಲ್ಲತೆ, ಬೋದನೆನ ಕ್‍ೕಪಯಿಂಗ, ದೇವಡ ವಾಕ್ಯತ್‍ನ ಬೋದನೆ ಮಾಡ್‍ನಯಿಂಗಕ್ ಅಯಿಂಗಡ ಎಲ್ಲಾ ನಲ್ಲದ್ಂಜ ಪಾಲ್ ಮಾಡಂಡು.

ಕೊಲೊಸ್ಸೆ 1:25

ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ಥೆಸಲೊನೀಕ 5:20

ಪ್ರವಾದನೆನ ಬೋಂಡತದ್‍ೕಂದ್ ಗೇನ ಮಾಡತಿ.

1 ತಿಮೊಥೆಯ 4:13

ನಾನ್ ಬಪ್ಪಕತ್ತನೆ ದೇವಡ ವಾಕ್ಯತ್‍ನ ಜನಡ ಮದ್ಯತ್‍ಲ್ ಓದ್‍ವಕ್, ಬುದ್ದಿ ಎಣ್ಣ್‌ವಕ್, ಬೋದನೆ ಮಾಡ್‌ವಕ್ ಎಚ್ಚರತ್‍ಲ್ ಇರ್.

1 ತಿಮೊಥೆಯ 5:20

ಅನ್ನನೆ ಅಂವೊ ಪಾಪ ಮಾಡಿಯಂಡೇ ಇಂಜತೇಂಗಿ, ಅಲ್ಲಿ ಉಳ್ಳಯಿಂಗಕ್ ಪಾಪ ಮಾಡ್‌ವಕ್ ಪೋಡಿ ಬಪ್ಪನೆಕೆ ಎಲ್ಲಾಡ ಮಿಂಞತ್ ಅಂವೊನ ಎಚ್ಚರ ಮಾಡ್.

2 ತಿಮೊಥೆಯ 2:21

ಆನಗುಂಡ್, ಒರ್ ಮನುಷ್ಯ ಪಾಪತ್‍ರ ಕೆಲಸತ್‍ನ ಬುಟ್ಟಿತ್ ಅಂವೊನ ಪವಿತ್ರವಾಯಿತ್ ಮಾಡ್‍ಚೇಂಗಿ, ಅಂವೊಂಡ ಎಜಮಾನಂಡ ಗೌರವ ಕಾರ್ಯಕ್ ಉಪಯೋಗಿಚಿಡುವ ಪಾತ್ರವಾಯಿತ್ ಇಪ್ಪ. ಅಂವೊ ಪವಿತ್ರವಾಯಿತ್ ಪಿಂಞ ಏದ್ ನಲ್ಲ ಕೆಲಸಕೂ ಉಪಯೋಗಿಚಿಡುವಕ್ ತಯಾರಾಯಿತ್‌ಪ್ಪ.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

ಪ್ರಕಟನೆ 3:19

ನಾಕ್ ದಾಡ ಮೇಲೆ ಕುಶಿ ಉಂಡೋ, ಅಯಿಂಗಕ್ ಜೋರ್ ಮಾಡಿತ್, ಅಯಿಂಗಕ್ ಶಿಕ್ಷೆ ತಪ್ಪಿ. ಆನಗುಂಡ್ ನೀನ್ ಎಚ್ಚರತ್‍ಲ್ ಇಂಜಿತ್ ದೇವಡ ಪಕ್ಕ ತಿರಿತ್ ಪಶ್ಚಾತಾಪ ಪಡ್‌ವಿಯ.