2 ತಿಮೊಥೆಯ 4:17 - ಕೊಡವ ಬೈಬಲ್

¹⁷ ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.

2 ತಿಮೊಥೆಯ 4:17 Iomraidhean Croise

ಜ್ಞಾನತ್‌ರ ಪಡಿಮ 20:2

ರಾಜಂಡ ಚೆಡಿ ಸಿಂಹತ್‌ರ ಕೂಪಡೆಕ್‌ ಸೆರಿಸಮ. ರಾಜನ ಚೆಡಿಮಾಡ್‌ವಂವೊ ತಾಂಡ ಜೀವತ್‌ನ ಪಾಳ್‌ ಮಾಡಿಯೊವ.

ಜ್ಞಾನತ್‌ರ ಪಡಿಮ 28:15

ಗರೀಬ ಜನಳ, ಆಳುವ ದುಷ್ಟ ಅದಿಪತಿ, ಕೂತ್‌ಡ್‌ವ ಸಿಂಹತ್‌ರನೆಕೆಯು ಪುಡಿಚಿತ್‌ ಪಿಂಬ ಕರಡಿರನೆಕೆಯು ಇಪ್ಪ.

ಮತ್ತಾಯ 10:19

ಆಚೇಂಗಿ ನಿಂಗಳ ಬಂದಿಚಿಡ್‌ವಕ, ನಿಂಗ ಎಂತ ಎಣ್ಣಂಡೂಂದ್, ಎನ್ನನೆ ಎಣ್ಣಂಡೂಂದ್ ಬೇಜಾರ್ ಮಾಡಂಡ. ಏದ್ ಸಮಯತ್‍ಲ್ ಎಂತ ತಕ್ಕ್ ಪರಿಯಂಡೂಂದ್ ನಿಂಗಕ್ ಗೊತ್ತ್ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:1

ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 15:31

ಯೆಹೂದ್ಯ ಪ್ರಾಂತ್ಯತ್‍ಲ್, ಅಂವೊನ ನಂಬತಯಿಂಗಡ ಕೈಯಿಂಜ ನಾನ್ ತಪ್ಪಿಚಿಡ್‌ವಕು, ನಾನ್ ಯೆರೂಸಲೇಮ್‍ಲ್ ಉಳ್ಳ ದೇವಡ ಮಕ್ಕಕ್ ಮಾಡ್‌ವ ಪಣ ಸಹಾಯತ್‍ನ ಅಯಿಂಗ ಸ್ವೀಕಾರ ಮಾಡ್‌ವಕು ಪ್ರಾರ್ಥನೆ ಮಾಡಿ.

2 ಕೊರಿಂಥ 12:9

ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

1 ತಿಮೊಥೆಯ 1:12

ದೇವಡ ಸೇವೇನ ಮಾಡ್‌ವಕಾಯಿತ್ ನಾಕ್ ಶಕ್ತಿ ತಂದ ಒಡೆಯನಾನ ಯೇಸು ಕ್ರಿಸ್ತಂಗ್ ವಂದನೆ ಎಣ್ಣ್‌ವಿ. ಅಂವೊಂಗ್ ಸೇವೆ ಮಾಡ್‌ವಕ್ ನನ್ನ ಯೋಗ್ಯನಾಯಿತ್ ಗೇನ ಮಾಡಿತ್, ಅದ್ಂಗ್ ನನ್ನ ನೇಮಿಚಿಟ್ಟಾಂಗ್ ವಂದನೆ ಮಾಡ್‌ವಿ.

2 ತಿಮೊಥೆಯ 2:1

ಆನಗುಂಡ್ ನಾಡ ಮೋನೇ, ನೀನ್ ಯೇಸು ಕ್ರಿಸ್ತಂಡ ಕೃಪೇಲ್ ಬಲಪಡ್.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.

2 ತಿಮೊಥೆಯ 4:5

ಆಚೇಂಗಿ ನೀನ್ ಎಲ್ಲಾ ವಿಷಯತ್‍ಲು ಮನಸ್ಸ್ ತೆಳ್ಂಗ್‍ನಂವೊನಾಯಿತ್ ಇರ್, ಕಷ್ಟ ಅನುಬವಿಚಿಡ್‍ವಕ್ ಕುಶಿ ಪಡ್, ನಲ್ಲ ಸುದ್ದಿರ ಬೋದನೆಕಾರಂಡ ಕರ್ತವ್ಯತ್‍ನ ಮಾಡ್, ದೇವ ನೀಕ್ ತಂದ ಸೇವೇನ ಪೂರ್ತಿಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:3

ದೇವ ಗೊತ್ತ್ ಮಾಡ್‍ನಯಿಂಗಡ ನಂಬಿಕೇನ ಸ್ತಿರಪಡ್‌ತ್‍ವಕ್ ಪಿಂಞ ಸತ್ಯತ್‍ರ ಮೂಲಕ ಅಯಿಂಗಕ್ ದೇವಡ ಮೇಲೆ ಬಕ್ತಿನ ಬೊಳ್‍ತ್‍ವಕ್ ದೇವ ನನ್ನ ಗೊತ್ತ್ ಮಾಡ್‍ಚಿ. ಪೊಟ್ಟ್ ಪರಿಯತ ದೇವ, ಪಂಡಿಂಜೇ ನಿತ್ಯ ಜೀವತ್‍ನ ವಾಗ್ದಾನ ಮಾಡಿತ್, ಅದ್ಂಡ ಮೂಲಕ ನಿರೀಕ್ಷೆ ಬಪ್ಪನೆಕೆ ಮಾಡ್‍ಚಿ.

ಇಬ್ರಿಯ 11:33

ನಂಬಿಕೇರ ಮೂಲಕ ಅಯಿಂಗ ರಾಜ್ಯಂಗಳ ಗೆದ್ದತ್, ನೀತಿಲ್ ಆಳ್ವಿಕೆ ಮಾಡ್‍ಚಿ, ವಾಗ್ದಾನ ಪಡ್ಂದತ್, ಸಿಂಹತ್‍ರ ಬಾಯಿನ ಮುಚ್ಚತ್.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.