2 ತಿಮೊಥೆಯ 4:13 - ಕೊಡವ ಬೈಬಲ್

¹³ ನೀನ್ ಬಪ್ಪಕಾಪಕ, ತ್ರೋವತ್‍ಲ್ ಉಳ್ಳ ಕರ್ಪಂಡ ಪಕ್ಕ ಬುಟ್ಟಿತ್ ಬಂದ ಕೋಟ್‍ನ, ಪುಸ್ತಕತ್‍ನ ಪಿಂಞ ಮುಕ್ಯವಾಯಿತ್ ತೋಲ್‍ರ ಕಾಗದತ್‍ನ ಎಡ್‌ತ ಬಾ.

2 ತಿಮೊಥೆಯ 4:13 Iomraidhean Croise

ಮತ್ತಾಯ 5:40

ಒಬ್ಬ ನೀಡ ಬಟ್ಟೆ ಬೋಂಡೂಂದ್ ನಿನ್ನ ನ್ಯಾಯಾಲಯಕ್ ಅಯಿಚತೇಂಗಿ, ನೀನ್ ಅಂವೊಂಗ್ ನೀಡ ಕೋಟ್‍ನ ಸಹ ಕೊಡ್‍ತ್‍ರ್.

ಅಪೊಸ್ತಲ 16:11

ನಂಗ ತ್ರೋವತ್ಂಜ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ನೇರೆ ಸಮೊಥ್ರಾ ದ್ವೀಪಕ್ ಬಂತ್ ಪಿತ್ಯಾಂದ್ ನೆಯಾಪೊಲಿಕ್ ಕೂಡಿತ್ ಅಲ್ಲಿಂಜ ಫಿಲಿಪ್ಪಿ ಪಟ್ಟಣಕ್ ಎತ್ತ್‌ಚಿ.

ಅಪೊಸ್ತಲ 16:8

ಆನಗುಂಡ್ ಅಯಿಂಗ ಮೂಸ್ಯತ್‍ನ ದಾಟಿತ್ ತ್ರೋವಕ್ ಬಾತ್.

ಅಪೊಸ್ತಲ 20:38

ನಿಂಗ ಇಂಞು ಮಿಂಞಕ್, ನಾಡ ಮೂಡ್‍ನ ಕಾಂಬ್‍ಲೇಂದ್ ಪೌಲ ಎಣ್ಣ್‌ನ ತಕ್ಕ್ ಮಾತ್ರ ಅಯಿಂಗಳ ದುಂಬ ಬೇಜಾರ್ ಮಾಡ್‍ಚಿ. ಪಿಂಞ ಅಯಿಂಗ ಎಲ್ಲಾರು ಅಂವೊನ ಅಯಿಪಕ್ ಅಂವೊಂಡ ಕೂಡೆ ಹಡಗ್‍ಕತ್ತನೆ ಪೋಚಿ.

1 ಕೊರಿಂಥ 4:11

ಇಕ್ಕಲು ನಂಗ ಕೆಲ ಪಯಿಚಂಡುಳ್ಳಯಿಂಗಳಾಯಿತು, ಬಾಯಾರಿಕೆ ಆನಯಿಂಗಳಾಯಿತು, ನಂಗಡ ತಡಿಕ್ ಇಡ್‌ವಕ್ ಸರಿಯಾನ ಬಟ್ಟೆ ಇಲ್ಲತಯಿಂಗಳಾಯಿತು, ನಂಗಳ ಜನ ಪೊಯ್ಯುವಯಿಂಗಳಾಯಿತು, ವಾಸ ಮಾಡ್‌ವಕ್ ಒರ್ ಮನೆ ಇಲ್ಲತಯಿಂಗಳಾಯಿತು ಬದ್‍ಕಿಯಂಡುಂಡ್.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.