2 ತಿಮೊಥೆಯ 3:6 - ಕೊಡವ ಬೈಬಲ್

^6-7 ಈ ಜನ, ಪಾಪತ್‍ಲ್ ದುಂಬಿತ್ ಬೋರೆ ಬೋರೆ ಇಚ್ಛೆಲ್ ಚಿಕ್ಕಿತ್, ಎಕ್ಕಾಲು ಓದಿಯಂಡ್ ಉಂಡೇಂಗಿಯು ಸತ್ಯತ್‍ನ ಅರ್ಥ ಮಾಡ್‍ವಕಯ್ಯತ ಗಟ್ಟಿಯಿಲ್ಲತ ಮನಸ್ಸ್ ಉಳ್ಳ ಪೊಣ್ಣಾಳ್‍ರ ಮನೆಕ್ ನುಗ್ಗಿತ್, ಅಯಿಂಗಳ ಅಯಿಂಗಡ ಪುಡ್‍ತತ್‍ಲ್ ಬೆಚ್ಚಿತ್‌ಪ್ಪ.

2 ತಿಮೊಥೆಯ 3:6 Iomraidhean Croise

ಮತ್ತಾಯ 11:28

ಅರಾಮಿಲ್ಲತೆ ಕಷ್ಟಪಟ್ಟಂಡ್ ಬಾರತ್‍ನ ಪೊರ್‍ತಂಡ್ ಉಳ್ಳಯಿಂಗಳೇ, ನಾಡ ಪಕ್ಕ ಬಾರಿ, ನಾನ್ ನಿಂಗಕ್ ಆರಾಮ್ ತಪ್ಪಿ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 23:14

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ಬೋರೆಯಿಂಗ ಕಾಂಗಂಡೂಂದ್ ಉದ್ದವಾಯಿತ್ ಪ್ರಾರ್ಥನೆ ಮಾಡಿಯಂಡ್, ವಿದವೆರ ಮನೆಕ್ ನುಗ್ಗಿತ್ ಅಯಿಂಗಕ್ ವಂಚನೆ ಮಾಡಿಯಂಡ್ ಉಳ್ಳಯಿಂಗಳೇ, ನಿಂಗಕ್ ದುಂಬ ಶಿಕ್ಷೆ ಉಂಡ್.

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

1 ಕೊರಿಂಥ 12:2

ನಿಂಗ ಕ್ರಿಸ್ತಂಡ ಪಕ್ಕ ಬಪ್ಪಕ್ ಮಿಂಞ, ತಕ್ಕ್‌ಪರಿವಕ್ ಕಯ್ಯತ ವಿಗ್ರಹಕ್ ನಿಂಗಡ ಮನಸ್ಸ್‌ನ ಕೊಡ್‍ತೀರಾಂದ್ ನಿಂಗಕ್ ಗೊತ್ತುಂಡ್.

1 ತಿಮೊಥೆಯ 5:6

ಆಚೇಂಗಿ ಸುಕ ಬೋಗತ್‍ಲ್ ಬದ್‍ಕ್‍ವಕ್ ಕುಶಿ ಪಡುವ ಒರ್ ವಿದವೆ ಜೀವವಾಯಿತ್ ಉಂಡೇಂಗಿಯು, ಆತ್ಮೀಯ ಬದ್‍ಕ್‍ಲ್, ಅವ ಚತ್ತನೆಕೆ.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.

ಯೂದ ಒಳ್‍ದ್‍ನ ಕಾಗದ 1:18

ಕಡೆ ಕಾಲತ್‍ಲ್ ಬಕ್ತಿಯಿಲ್ಲತ ತಂಗಡ ಸ್ವಂತ ಆಸೇನ ಪೂರೈಚಿಡುವ ಏಜುವಯಿಂಗ ಬಪ್ಪಾಂದ್ ಅಯಿಂಗ ನಿಂಗಕ್ ಎಣ್ಣಿತ್ಂಜತಲ್ಲ.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.