2 ತಿಮೊಥೆಯ 3:15 - ಕೊಡವ ಬೈಬಲ್

¹⁵ ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.

2 ತಿಮೊಥೆಯ 3:15 Iomraidhean Croise

ಜ್ಞಾನತ್‌ರ ಪಡಿಮ 22:6

ಕುಂಞಿನ ನಲ್ಲ ಬಟ್ಟೆಲ್‌ ನಡ್‌ತ್. ಅಂವೊ ವಯಸ್ಸಾನ ಪಿಂಞ ಸಹ ಅದ್‌ನ ಬುಟ್ಟಿತ್‌ ದೂರ ಪೋಪುಲೆ.

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಮತ್ತಾಯ 22:29

ಯೇಸು ಅಯಿಂಗಕ್: ದೇವಡ ವಾಕ್ಯ ಪಿಂಞ ದೇವಡ ಶಕ್ತಿ ನಿಂಗಕ್ ಗೊತ್ತಿಲ್ಲತಗುಂಡ್ ನಿಂಗ ತಪ್ಪ್ ತಪ್ಪಾಯಿತ್ ಗೇನ ಮಾಡ್‌ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:15

ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:40

ಆ ಕುಂಞಿ ಬಲ್ಯಂವೊನಾಯಿತ್ ಬೊಳ್ಂದಿತ್, ಪವಿತ್ರಾತ್ಮನಗುಂಡ್ ಜ್ಞಾನತ್‍ಲ್ ದುಂಬಿತ್, ದೇವಡ ಕೃಪೆ ಅಂವೊಂಡ ಮೇಲೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:27

ಪಿಂಞ ಯೇಸು ಅಂವೊಂಡ ವಿಷಯತ್‍ನ ಮೋಶೇರ ನ್ಯಾಯಪ್ರಮಾಣತ್ಂಜ ಪ್ರವಾದಿಯಂಗ ಒಳ್‍ದ್‍ನ ಪುಸ್ತಕಕತ್ತನೆ ದೇವಡ ವಾಕ್ಯತ್‍ಲ್ ಎಂತದೆಲ್ಲ ಒಳ್‍ದಿತುಂಡೋ ಅದ್‍ನೆಲ್ಲ ಅಯಿಂಗಕ್ ವಿವರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:32

ಅಕ್ಕ ಅಯಿಂಗ ದಂಡಾಳು: ನಂಗಡ ಕೂಡೆ ಯೇಸು ಬಟ್ಟೇಲ್ ತಕ್ಕ್ ಪರಿವಕ, ದೇವಡ ವಾಕ್ಯತ್‍ನ ವಿವರಿಚಿಡುವಕ ನಂಗಡ ಹೃದಯ ತಿತ್ತ್ ಕತ್ತಿಯಂಡಿಂಜನೆಕೆ ಇಂಜತಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:45

ಪಿಂಞ ದೇವಡ ವಾಕ್ಯ ಅಯಿಂಗಕ್ ಅರ್ಥ ಆಪನೆಕೆ ಅಂವೊ ಅಯಿಂಗಡ ಮನಸ್ಸ್‌ನ ತೊರ್ಂದತ್.

ಯೋಹಾನ 5:47

ಅಂವೊ ಒಳ್‌ದ್‍ನದ್‍ನ ನಿಂಗ ನಂಬತೆ ಪೋನಕ, ನಾನ್ ಎಣ್ಣುವಾನ ನಿಂಗ ಎನ್ನನೆ ನಂಬುವಿರಾಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 13:29

ಅಂವೊಂಡ ವಿಷಯತ್, ಒಳ್‍ದಿತುಳ್ಳಾನೆಲ್ಲ ನೆರವೇರಿಚಿಟ್ಟ ಪಿಂಞ ಅಂವೊನ ಶಿಲುಬೆಯಿಂಜ ಇಳ್‌ಪಿತ್ ಗೋರಿಕ್ ಇಟ್ಟತ್.

ಅಪೊಸ್ತಲ 16:1

ಅಲ್ಲಿಂಜ ಪೌಲ ದೆರ್ಬೆ ಪಿಂಞ ಲುಸ್ತ್ರ ಎಣ್ಣ್‌ವ ಜಾಗಕ್ ಬಾತ್. ಅಲ್ಲಿ ತಿಮೊಥೆಯ ಎಣ್ಣುವ ಯೇಸುನ ನಂಬ್‍ನ ಒಬ್ಬ ಇಂಜತ್; ಅಂವೊಂಡ ಅವ್ವ ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಒರ್ ಯೆಹೂದ್ಯ ಪೊಣ್ಣಾಳಾಯಿತ್ಂಜತ್, ಆಚೇಂಗಿ ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೊನಾಯಿತ್ಂಜತ್.

ಅಪೊಸ್ತಲ 17:2

ಪೌಲ, ತಾನ್ ಎಲ್ಲಾ ಜಾಗತ್‍ಲ್ ಮಾಡ್‌ವ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಮೂಂದ್ ಸಬ್ಬತ್ ದಿವಸತ್‍ಲ್, ದೇವಡ ವಾಕ್ಯತ್ಂಜ ಅಯಿಂಗಡ ಕೂಡೆ ಕ್ರಿಸ್ತಂಡ ವಿಷಯತ್ ವಾದ ಮಾಡ್‍ಚಿ.

ಅಪೊಸ್ತಲ 26:24

ಇನ್ನನೆ ಪೌಲ ಅಂವೊಂಗಾಯಿತ್ ವಾದಮಾಡಿಯಂಡಿಪ್ಪಕಲೆ, ಫೆಸ್ತ ಬಲ್ಯ ಸ್ವರತ್‍ಲ್: ಪೌಲನೇ, ನೀಕ್ ಪುಚ್ಚ್ ಪುಡ್‌ಚಿರ್‌ತ್. ನೀನ್ ದುಂಬ ಓದಿತುಳ್ಳಿಯ, ಅದೇ ನಿನ್ನ ಪುಚ್ಚ್ ಪುಡ್‌ಚನೆಕೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.

ರೋಮ್ 1:2

ದೇವಡ ಈ ನಲ್ಲ ಸುದ್ದಿ ದೇವಡ ಪ್ರವಾದಿಯಂಗಡ ಮೂಲಕ ಪಂಡೇ ವಾಗ್ದಾನ ಮಾಡಿತ್, ಪವಿತ್ರ ವಾಕ್ಯತ್‍ಲ್ ಒಳ್‍ದಿ ಬೆಚ್ಚಿತ್ಂಜತ್.

ರೋಮ್ 16:26

ಆಚೇಂಗಿ ಇಕ್ಕ ಪ್ರವಾದಿಯಂಗ ಒಳ್‍ದಿ ಬೆಚ್ಚಿತುಳ್ಳ ಮೂಲಕವು, ನಿತ್ಯವಾನ ದೇವ ಹುಕುಮ್ ಕೊಡ್‍ತನೆಕೆ, ಎಲ್ಲಾ ಯೆಹೂದ್ಯರಲ್ಲತಯಿಂಗಳು ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ, ಈ ಸುದ್ದಿ ಯೆಹೂದ್ಯ ಅಲ್ಲತ ಎಲ್ಲಾ ಜನತ್‍ರ ಗುಂಪ್‌ಕು ಗೊತ್ತ್ ಮಾಡ್‍ಚಿ.

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

ಎಫೆಸ 6:4

ಅಪ್ಪಂಗಳೇ, ನಿಂಗ ನಿಂಗಡ ಮಕ್ಕಕ್ ಚೆಡಿ ಬಪ್ಪನೆಕೆ ಮಾಡತಿ, ಒಡೆಯಂಗ್ ಒತ್ತ ಶಿಸ್ತ್‌ಲ್ ಪಿಂಞ ಉಪದೇಶತ್‍ಲ್ ಅಯಿಂಗಳ ಬೊಳ್‍ತಿ.

1 ತಿಮೊಥೆಯ 4:13

ನಾನ್ ಬಪ್ಪಕತ್ತನೆ ದೇವಡ ವಾಕ್ಯತ್‍ನ ಜನಡ ಮದ್ಯತ್‍ಲ್ ಓದ್‍ವಕ್, ಬುದ್ದಿ ಎಣ್ಣ್‌ವಕ್, ಬೋದನೆ ಮಾಡ್‌ವಕ್ ಎಚ್ಚರತ್‍ಲ್ ಇರ್.

2 ತಿಮೊಥೆಯ 1:1

ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್, ವಾಗ್ದಾನ ಮಾಡಿತುಳ್ಳ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಜೀವತ್‍ರ ವಿಷಯತ್‍ನ ಬೋರೆಯಿಂಗಕ್ ಎಣ್ಣ್‌ವಕ್, ಯೇಸು ಕ್ರಿಸ್ತಂಡ ಚಿತ್ತತ್‍ರನೆಕೆ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ಪೇತ್ರ 3:16

ಅಂವೊ ತಾಂಡ ಎಲ್ಲಾ ಕಾಗದ‍ತ್‍ಲು ಈ ವಿಷಯತ್‍ನ ಒಳ್‍ದಿತುಂಡ್; ಅಂವೊ ಎಣ್ಣ್‌ನ ಚೆನ್ನ ವಿಷಯತ್‍ನ ಅರ್ಥ ಮಾಡ್‌ವಕ್ ಕಯಿಂಜಂಡಿಲ್ಲೆ. ಗೊತ್ತಿಲ್ಲತಯಿಂಗಳು, ಸ್ತಿರ ಇಲ್ಲತಯಿಂಗಳು ಅಯಿಂಗಕ್ ನಾಶ ಬಪ್ಪನೆಕೆ, ಬೋರೆ ವಾಕ್ಯತ್‍ನ ಮಾಡ್‌ವನೆಕೆ ಇದ್‍ನ ಸಹ ತಿರಿಕಿಯಂಡುಂಡ್.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.