2 ತಿಮೊಥೆಯ 3:12 - ಕೊಡವ ಬೈಬಲ್

¹² ಎನ್ನನಾಚೇಂಗಿಯು, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಟ್ಟಿತ್ ದೇವಡ ಬಕ್ತಿಲ್ ಬದ್‍ಕಂಡೂಂದ್ ಆಸೆ ಪಡ್‌ವಯಿಂಗ ಹಿಂಸೆನ ಅನುಬವಿಚಿಡುವ.

2 ತಿಮೊಥೆಯ 3:12 Iomraidhean Croise

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಮಾರ್ಕ 10:30

ಈ ಬದ್‌ಕ್‌ಲೇ, ದೇವಡ ವಿಷಯಕಾಯಿತ್ ಕಷ್ಟತ್‍ರ ಕೂಡೆ ಅಂವೊಂಗ್ ನೂರ್‌ರಚ್ಚಕ್ ಜಾಸ್ತಿ ಮನೆಮಠ, ಅಣ್ಣತಮ್ಮಣಂಗ, ಅಕ್ಕತಂಗೆಯ, ಅಪ್ಪವ್ವ, ಮಕ್ಕ, ತೋಟ ಬೇಲ್ ಎಲ್ಲಾ ಕ್‍ಟ್ಟುವ ಪಿಂಞ ಮಿಂಞತ್‍ರ ಲೋಕತ್‍ಲ್ ನಿತ್ಯ ಜೀವವು ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 17:14

ನಾನ್ ನೀಡ ವಾಕ್ಯತ್‍ನ ಅಯಿಂಗಕ್ ಕೊಡ್‌ತಿಯೆ; ನಾನ್ ಈ ಲೋಕಕ್ ಕೂಡ್‍ನಂವೊ ಅಲ್ಲತನೆಕೆ, ಈಂಗಳು ಈ ಲೋಕಕ್ ಕೂಡ್‍ನಯಿಂಗ ಅಲ್ಲ. ಅದ್ಂಗಾಯಿತ್ ಈ ಲೋಕ ಈಂಗಳ ದ್ವೇಶ ಮಾಡಿಯಂಡ್ ಉಂಡ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

1 ಕೊರಿಂಥ 15:19

ನಂಗ ಯೇಸುರ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಈ ಲೋಕತ್‍ರ ಬದ್‍ಕ್‍ಕಾಯಿತ್ ಮಾತ್ರ ಇಪ್ಪದಾಚೇಂಗಿ, ದೇವಡ ನಲ್ಲ ಸುದ್ದಿರ ಮೇಲೆ ನಂಬಿಕೆ ಇಲ್ಲತ ಜನಕಿಂಜ ನಂಗಡ ಸ್ತಿತಿ ಮೋಸವಾನದಾಯಿತ್‌ಪ್ಪ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 4:9

ಹಿಂಸೆ ಪಟ್ಟಂಡುಂಡೇಂಗಿಯು, ಕೈ ಬುಟ್ಟ ಜನಾಂಗ ಅಲ್ಲ; ಅಡಿಕ್ ತಳ್ಳ್‌ಚೇಂಗಿಯು, ನಾಶ ಆಯಂಡಿಲ್ಲೆ.

1 ತಿಮೊಥೆಯ 2:2

ನಂಗೆಲ್ಲಾ ಬಕ್ತಿಲ್, ಮರ್ಯಾದೆಲ್, ಏದ್ ತೊಂದರೆ ಇಲ್ಲತೆ, ಸುಕ ಸಮಾದಾನತ್‍ಲ್ ಬದ್‍ಕ್‍ವಕಾಯಿತ್ ನಂಗಡ ರಾಜಂಗಕು ಅದಿಕಾರಿಯಂಗಕು ಪ್ರಾರ್ಥನೆ ಮಾಡಂಡು.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ತಿಮೊಥೆಯ 6:3

ದಾರಾಚೇಂಗಿ ಕಳ್ಳ ಬೋದನೆ ಮಾಡಿಯಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಆರೋಗ್ಯವಾನ ಬೋದನೆನ ಪಿಂಞ ದೇವ ಬಕ್ತಿರ ಬೋದನೆನ ಒತ್ತತೆ ಪೋಚೇಂಗಿ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:12

ಆನಗುಂಡ್ ಈ ಕೃಪೆ ದೇವಡ ಮೇಲೆ ಬಕ್ತಿಲ್ ಬದ್‍ಕ್‍ವಕ್ ಪಿಂಞ ಈ ಲೋಕತ್‍ರ ಮೇಲೆ ಉಳ್ಳ ಆಸೇನ ಬುಟ್ಟಿತ್ ಬದ್‍ಕ್‍ವಕ್ ನಂಗಕ್ ಎಣ್ಣಿ ಕೊಡ್‍ಪ. ಪಾಪ ದುಂಬ್‍ನ ಈ ಲೋಕತ್‍ಲ್, ನಂಗ ಜ್ಞಾನ ಉಳ್ಳಯಿಂಗಳಾಯಿತ್, ನೀತಿ ಉಳ್ಳಯಿಂಗಳಾಯಿತ್ ದೇವಡ ಮೇಲೆ ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕ್‍ವಕ್ ಸಹಾಯ ಮಾಡ್‌ವ.

1 ಪೇತ್ರ 3:14

ಆಚೇಂಗಿ, ನೀತಿವಂತ ಕಾರ್ಯ ಮಾಡಿತ್ ಅದ್ಂಗಾಯಿತ್ ತೊಂದರೆ ಬಾತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ. ಅಯಿಂಗ ಜೋರ್ ಮಾಡ್‌ವದ್‍ನ ನೋಟಿತ್ ನಿಂಗ ಬೊತ್ತತೆ, ಪೋಡಿ ಇಲ್ಲತೆ ಇಕ್ಕಂಡು.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

ಪ್ರಕಟನೆ 12:4

ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.