2 ತಿಮೊಥೆಯ 2:26 - ಕೊಡವ ಬೈಬಲ್

²⁶ ಅಕ್ಕ ಅಯಿಂಗಕ್ ಬುದ್ದಿ ಬಂದಿತ್, ಸೈತಾನಂಡ ಕೆಣಿಯಿಂಜ ಬಚಾವ್ ಆಪ. ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಅಯಿಂಗಳ ಪುಡ್‌ಚಿತ್, ಅಂವೊಂಡ ಇಚ್ಛೆಕ್ ಬಗ್ಗ್‌ಚಿಡ್‍ವನೆಕೆ ಮಾಡಿತುಂಡ್.

2 ತಿಮೊಥೆಯ 2:26 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:21

ಒರ್ ಗಟ್ಟಿಮುಟ್ಟಾನ ಮನುಷ್ಯ, ಅಂವೊಂಗ್ ಬೋಂಡಿಯಾನ ಎಲ್ಲಾ ಆಯುದತ್‍ನ ಇಟ್ಟಂಡ್ ತಾಂಡ ಮನೆನ ಕಾಪಕ, ಅಂವೊಂಡ ಎಲ್ಲಾ ವಸ್ತು ಬದ್ರವಾಯಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:17

ಅಕ್ಕ ಅಂವೊಂಗ್ ಬುದ್ದಿ ಬಾತ್, ನಾಡ ಅಪ್ಪಂಡ ಮನೆಲ್ ಎಚ್ಚಕೋ ಆಳ್‍ವಕ್ ಚಾಯಿತೆ ತಿಂಬಕ್ ಉಂಡ್, ನಾಡ ಕೆಲಕ್ ಒಂದು ಕ್‌ಟ್ಟಿಯಂಡಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:10

ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:27

ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ. ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

2 ಕೊರಿಂಥ 2:11

ಸೈತಾನಗುಂಡ್ ನಂಗ ಮೋಸ ಪೋಕತನೆಕೆ ನಾನ್ ಅನ್ನನೆ ಮಾಡಿಯೆ; ಸೈತಾನಂಡ ತಂತ್ರ ಎಂತ್‍ೕಂದ್ ನಂಗಕ್ ಚಾಯಿತೆ ಗೊತ್ತುಂಡಲ್ಲ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಕೊಲೊಸ್ಸೆ 1:13

ಪಿಂಞ ಇರ್‌ಟ್‌ರ ಅದಿಕಾರತ್ಂಜ ನಂಗಳ ಬುಡುಗಡೆ ಮಾಡಿತ್, ತಾಂಡ ಪ್ರೀತಿರ ಮೋಂವೊಂಡ ರಾಜ್ಯಕ್ ಕೊಂಡ್ ಬಂದ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ತಿಮೊಥೆಯ 1:20

ಹುಮೆನಾಯ ಪಿಂಞ ಅಲೆಕ್ಸಾಂದ್ರ ಅನ್ನನೆ ಉಳ್ಳಯಿಂಗಳೇ. ಅಯಿಂಗ ದೇವ ದೂಷಣೆ ಮಾಡತೆ ಇರಂಡೂಂದ್ ಅಯಿಂಗಕ್ ಶಿಕ್ಷೆ ಕ್‍ಟ್ಟ್‌ವಕಾಯಿತ್ ನಾನ್ ಅಯಿಂಗಳ ಸೈತಾನಂಗ್ ಒಪ್ಪ್‌ಚಿಟ್ಟಿಯೆ.

1 ತಿಮೊಥೆಯ 3:7

ಸಬೆರ ಪೊರಮೆ ಉಳ್ಳಯಿಂಗಳು ಅಂವೊನ ನಲ್ಲಂವೋಂದ್ ಎಣ್ಣ್‌ವನೆಕೆ ಇರಂಡು. ಅಕ್ಕ ಅಂವೊ ಅವಮಾನತ್‍ಲ್, ಸೈತಾನಂಡ ಬಲೇಕ್ ಬೂವತನೆಕೆ ಇಪ್ಪ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.