2 ತಿಮೊಥೆಯ 2:15 - ಕೊಡವ ಬೈಬಲ್

¹⁵ ನೀ ಞಾಣಪಡುವಕ್ ಅವಸ್ಯ ಇಲ್ಲತ ಸೇವಕನಾಯಿತ್, ದೇವಡ ಸತ್ಯ ವಾಕ್ಯತ್‍ನ ಏದ್ ತಪ್ಪಿಲ್ಲತೆ, ನೇರಾಯಿತ್ ಬೋದನೆ ಮಾಡ್‌ವಂವೊನಾಯಿತ್, ದೇವಡ ಮಿಂಞತ್ ನೀನ್ ಯೋಗ್ಯನಾಯಿತ್ ನಿಪ್ಪಕ್ ಜಾಗ್ರತೆಲ್ ಇರ್.

2 ತಿಮೊಥೆಯ 2:15 Iomraidhean Croise

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

ಮಾರ್ಕ 4:33

ಯೇಸು ಇನ್ನತ ಬೋದನೆನ ಜನಕ್ ಎಣ್ಣಿಯಂಡ್ ಇಂಜತ್. ಜನಕ್ ಅರ್ಥ ಆಪನೆಕೆ ಕಥೇರ ರೂಪತ್‌ಲ್ ಎಣ್ಣಿತ್ ಬೋದನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 20:27

ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ರೋಮ್ 14:18

ಈ ವಿಷಯತ್‍ಲ್ ಎಚ್ಚರ ಎಡ್‍ತಂಡ್ ಕ್ರಿಸ್ತನ ಸೇವೆ ಮಾಡ್‌ವಂವೊಂಡ ಮೇಲೆ ದೇವನು ಕುಶಿ ಪಡುವ, ಮನುಷ್ಯಂಗಡಿಂಜ ಅಂಗಿಕಾರವು ಕ್‍ಟ್ಟುವ.

ರೋಮ್ 16:10

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಬಿಕಸ್ತಾಂದ್ ಪೆದ ಕ್‍ಟ್ಟ್‌ನ ಉತ್ತಮ ಮನುಷ್ಯನಾನ ಅಪೆಲ್ಲ ಎಣ್ಣ್‌ವಂವೊಂಗ್ ವಂದನೆ ಎಣ್ಣಿ; ಅರಿಸ್ತೊಬೂಲಂಡ ಮನೆಕಾರಂಗಕ್ ವಂದನೆ ಎಣ್ಣಿ.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

1 ಕೊರಿಂಥ 2:6

ಅನ್ನನೆ ಇಂಜತೇಂಗಿಯು, ಆತ್ಮತ್‍ರ ಬದ್‍ಕ್‍ಲ್ ಬೊಳ್ಂದಿತುಳ್ಳಯಿಂಗಡ ಪಕ್ಕ ಜ್ಞಾನತ್‍ರ ವಿಷಯತ್‍ನ ನಂಗ ಪರಿವ. ಈ ಲೋಕತ್‍ರ ಜ್ಞಾನತ್‍ನ ಅಲ್ಲ, ಪಾಳಾಯಿ ಪೋಪ ಈ ಲೋಕತ್‍ರ ರಾಜಂಗಡ ಜ್ಞಾನವು ಅಲ್ಲ,

2 ಕೊರಿಂಥ 10:18

ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 5:9

ಆನಗುಂಡ್, ನಂಗ ತಡೀಲ್ ವಾಸಮಾಡಿಯಂಡಿಂಜತೇಂಗಿಯು ಸರಿ, ವಾಸ ಮಾಡತೆ ಇಂಜತೇಂಗಿಯು ಸರಿ, ಒಡೆಯನ ಕುಶಿಪಡ್‍ತ್‍ವಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಟ್ಟಂಡುಂಡ್.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

ಎಫೆಸ 1:13

ನಿಂಗಕ್ ರಕ್ಷಣೆ ತಪ್ಪ ಕ್ರಿಸ್ತಂಡ ನೇರಾನ ನಲ್ಲ ಸುದ್ದಿ ನಿಂಗಡ ಪಕ್ಕ ಬಪ್ಪಕ, ಅದ್‍ನ ಕ್‍ೕಟಿತ್ ನಿಂಗಳು ಸಹ ನಂಬಿತುಳ್ಳಿರ. ಅದ್‍ನ ನಿಂಗ ನಂಬ್‌ವಕ, ಅಂವೊ ವಾಗ್ದಾನ ಮಾಡ್‍ನ ಪವಿತ್ರಾತ್ಮತ್‍ರಗುಂಡ್, ಅಂವೊಂಡಲ್ಲಿ ನಿಂಗ ಅಂವೊಂಗ್ ಸ್ವಂತವಾನಯಿಂಗಾಂದ್ ಉಳ್ಳ ಮುದ್ರೆನ ಪಡ್ಂದಿತುಳ್ಳಿರ.

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

ಇಬ್ರಿಯ 4:11

ಆನಗುಂಡ್, ನಂಗಡಲ್ಲಿ ಒಬ್ಬನು ಅಯಿಂಗಡನೆಕೆ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋಕತನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು. ಆನಗುಂಡ್, ಅಯಿಂಗ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋನನೆಕೆ, ನಂಗಡಲ್ಲಿ ಒಬ್ಬನು ಬುದ್ದ್‌ ಪೋಕತನೆಕೆ ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

2 ಪೇತ್ರ 1:15

ಆನಗುಂಡ್, ನಾನ್ ಈ ಲೋಕತ್ಂಜ ಪೋನ ಪಿಂಞ ನಿಂಗ ಇದ್‍ನೆಲ್ಲಾ ಗೇನತ್‍ಲ್ ಬೆಚ್ಚಂಡಿಪ್ಪಕಾಯಿತ್ ಪ್ರಯತ್ನಪಟ್ಟಂಡುಂಡ್.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.