2 ತಿಮೊಥೆಯ 2:11 - ಕೊಡವ ಬೈಬಲ್

¹¹ ಇದ್ ಒರ್ ಸತ್ಯವಾನ ತಕ್ಕ್. ಯೇಸುರ ಕೂಡೆ ನಂಗ ಚತ್ತಿತುಂಡೇಂಗಿ ನಂಗ ಸಹ ಅಂವೊಂಡ ಕೂಡೆ ಬದ್‍ಕ್‍ವ.

2 ತಿಮೊಥೆಯ 2:11 Iomraidhean Croise

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ರೋಮ್ 6:5

ಆನಗುಂಡ್, ಅಂವೊ ಚತ್ತಿತ್ ಅಂವೊಂಡ ಚಾವ್‍ರ ಮೂಲಕ ನಂಗ ಅಂವೊಂಡ ಕೂಡೆ ಒಂದಾಯಿತ್ಂಜತೇಂಗಿ, ಅಂವೊ ಎನ್ನನೆ ಎದ್ದಿತೋ ಅನ್ನನೆ ನಂಗಳು ಚಾವ್‍ಯಿಂಜ ಎದ್ದಿತ್ ಜೀವತ್‍ಲ್ ಒಂದಾಯಿತ್‌ಪ್ಪ.

ರೋಮ್ 6:8

ಆನಗುಂಡ್, ನಂಗ ಕ್ರಿಸ್ತಂಡ ಕೂಡೆ ಚತ್ತತೇಂಗಿ, ಅಂವೊಂಡ ಕೂಡೆ ನಂಗ ಸಹ ಬದ್‍ಕಾವಾಂದ್ ನಂಬಿಯಂಡುಂಡ್.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

2 ಕೊರಿಂಥ 4:10

ಯೇಸುರ ಜೀವ ನಂಗಡ ತಡೀಲ್ ಉಂಡ್‍ೕಂದ್ ಕಾಂಬ್‍ಚಿಡುವನೆಕೆ, ಯೇಸುರ ಚಾವ್‍ನ ಎಕ್ಕಾಲು ನಂಗ ನಂಗಡ ತಡೀಲ್ ಪೊರ್‍ತಂಡುಂಡ್.

1 ಥೆಸಲೊನೀಕ 4:17

ಅದಾನ ಪಿಂಞ ಬದ್‍ಕಿಯಂಡ್ ಉಳ್ಳ ನಂಗಳು, ಅಯಿಂಗಡ ಕೂಡೆ ಒಟ್ಟ್ ಕೂಡಿತ್, ಗಾಳಿಲ್ ಮೋಡತ್‍ಲ್ ಉಳ್ಳ ಒಡೆಯನ ಕಾಂಬಕಾಯಿತ್ ಕೊಡಿಕ್ ಪೋಪ. ಇನ್ನನೆ ನಂಗ ಒಡೆಯಂಡ ಕೂಡೆ ಎಕ್ಕಾಲು ಇಪ್ಪಕಾಪ.

1 ಥೆಸಲೊನೀಕ 5:10

ಯೇಸು ನಂಗಕಾಯಿತ್ ಚತ್ತತ್. ಆನಗುಂಡ್, ಅಂವೊ ಬಪ್ಪಕ ನಂಗ ತಡೀಲ್ ಚತ್ತ್ ಪೋಯಿತ್ಂಜತೇಂಗಿಯು, ಬದ್‍ಕಿಯಂಡಿಂಜತೇಂಗಿಯು ಅಂವೊ ಎಕ್ಕಾಲು ಬದ್‍ಕ್‍ವನೆಕೆ, ನಂಗಳು ಅಂವೊಂಡ ಕೂಡೆ ಎಕ್ಕಾಲು ಬದ್‍ಕ್‌ವಕಾಪ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 3:1

ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.