2 ತಿಮೊಥೆಯ 1:4 - ಕೊಡವ ಬೈಬಲ್

⁴ ನೀನ್ ಕಣ್ಣೀರ್ ಇಟ್ಟದ್ ನಾಕ್ ಇಂಞು ಗೇನ ಉಳ್ಳಗುಂಡ್, ನಿನ್ನ ಕಾಂಗಂಡೂಂದ್ ನಾನ್ ದುಂಬ ಆಸೇಲ್ ಉಳ್ಳ. ಅನ್ನನೆ, ನಿನ್ನ ಕಂಡತೇಂಗಿ ನಾಕ್ ದುಂಬ ಕುಶಿ ಆಪ.

2 ತಿಮೊಥೆಯ 1:4 Iomraidhean Croise

ಯೋಹಾನ 16:22

ಅನ್ನನೆ, ನಿಂಗ ಇಕ್ಕ ಬೇಜಾರತ್‍ಲ್ ಉಳ್ಳಿರ, ಚೆನ್ನ ಕಾಲ ಆನ ಪಿಂಞ ನಾನ್ ಪುನಃ ನಿಂಗಳ ಕಾಂಬಿ. ಅಕ್ಕ ನಿಂಗಡ ಹೃದಯ ಸಂತೋಷತ್‌ಲ್ ದುಂಬುವ, ಆ ಸಂತೋಷತ್‌ನ ನಿಂಗಡಯಿಂಜ ದಾರ್‌ಕು ಎಡ್‍ಪಕ್ ಕಯ್ಯುಲೆ.

ಯೋಹಾನ 16:24

ಇಲ್ಲಿಕತ್ತನೆ ನಾಡ ಪೆದತ್‍ಲ್ ನಿಂಗ ಒಂದು ಕ್‍ೕಟಿತ್‌ಲ್ಲೆ. ನಿಂಗ ಕ್‍ೕಳಿ! ಅಕ್ಕ ನಿಂಗಕ್ ಕ್‍ಟ್ಟುವ; ನಿಂಗಡ ಕುಶಿ ಪೂರ್ತಿ ಆಪನೆಕೆ ನಿಂಗಕ್ ಕ್‍ಟ್ಟುವ.

ಅಪೊಸ್ತಲ 20:19

ನಾನ್ ದುಂಬ ತಾಳ್ಮೆಲ್, ದುಂಬ ಕನಿಕರತ್‌ಲ್ ಒಡೆಯಂಗಾಯಿತ್ ಸೇವೆ ಮಾಡಿಯೆ. ಇದ್‍ಲ್ಲತೆ ಯೆಹೂದ್ಯಂಗಡ ಮೂಲಕ ನಾಕ್ ಬಂದ ಎಲ್ಲಾ ಮೋಸವಾನ ಯೋಚನೆರ ಬಲ್ಯ ಸೋದನೆ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 20:31

ಆನಗುಂಡ್, ನಾನ್ ಮೂಂದ್ ಕಾಲ ಪೊಲಾಕ ಬಯಿಟ್ ಕಣ್ಣೀರ್ ಇಟ್ಟಂಡ್ ಎಡೆಬುಡತೆ ಪ್ರತಿಯೊಬ್ಬಂಗ್ ಬುದ್ದಿ ಎಣ್ಣಿಯಂಡ್ ಇಂಜದ್‍ನ ನಿಂಗ ಗೇನ ಬೆಚ್ಚಂಡ್ ಎಚ್ಚಾರವಾಯಿತಿರಿ.

ರೋಮ್ 1:11

ನಿಂಗಕ್ ಆತ್ಮೀಯ ವರತ್‍ನ ಪಾಲ್ ಮಾಡಿತ್, ನಿಂಗಳ ದೇವಡ ವಿಷಯತ್‍ಲ್ ಸ್ತಿರಪಡ್‌ತ್‍ವಕಾಯಿತ್, ನಿಂಗಳೆಲ್ಲ ಕಾಂಬಕ್ ನಾನ್ ದುಂಬ ಕುಶೀಲ್ ಉಳ್ಳ.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುರ ಪಕ್ಕ ಉಳ್ಳ ಕನಿಕರತ್ಂಜ ನಿಂಗಡ ಮೇಲೆ ನಾಕ್ ಎಚ್ಚಕ್ ಪ್ರೀತಿ ಉಂಡ್‍ೕಂದ್ ದೇವನೇ ನಾಕ್ ಸಾಕ್ಷಿ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

1 ಥೆಸಲೊನೀಕ 2:17

ಪ್ರೀತಿರ ಅಣ್ಣತಮ್ಮಣಂಗಳೇ, ನಿಂಗಳ ಬುಟ್ಟಿತ್ ಚೆನ್ನ ಸಮಯ ದೂರ ಪೋಪನೆಕೆ ಆಯಿಪೋಚೇಂಗಿಯು, ನಂಗಡ ಮನಸ್ಸ್‌ಂಜ ನಿಂಗ ದೂರ ಪೋಯಿತ್‌ಲ್ಲೆ. ನಿಂಗಳ ಪುನಃ ಕಾಂಗಂಡೂಂದ್ ದುಂಬ ಆಸೇಲ್ ಎಚ್ಚಕೋ ಪೇಚಾಡಿಯತ್.

2 ತಿಮೊಥೆಯ 4:21

ಕುಳ್‌ರ್ ಕಾಲ ಬಪ್ಪಾಂಗ್ ಮಿಂಞ ಇಲ್ಲಿ ಬಪ್ಪಕ್ ಪ್ರಯತ್ನಪಡ್. ಯುಬೂಲ, ಪೊದೆಯ, ಲೀನ ಎಣ್ಣ್‌ವಂವೊನು, ಕ್ಲೌದ್ಯ ಪಿಂಞ ಎಲ್ಲಾ ಅಣ್ಣತಮ್ಮಣಂಗ ನಿನ್ನ ಕ್‍ೕಟತ್.

2 ತಿಮೊಥೆಯ 4:9

ತಿಮೊಥೆಯ, ಆಪಚ್ಚಕ್ ನಾಡ ಪಕ್ಕ ಬೆರಿಯ ಬಪ್ಪಕ್ ಪ್ರಯತ್ನಪಡ್.

1 ಯೋಹಾನ 1:4

ನಂಗಡ ಈ ಸಂತೋಷ ಪೂರ್ತಿ ಆಂಡೂಂದ್ ನಿಂಗಕ್ ಒಳ್‍ದ್‍ವ.

ಪ್ರಕಟನೆ 21:4

ದೇವ ಅಯಿಂಗಡ ಕಣ್ಣೀರ್‌ನೆಲ್ಲಾ ತ್‍ೕ‍ಟ್‍ವ. ಇಂಞು ಮಿಂಞಕ್ ಚಾವ್ ಎಣ್ಣುವದ್ ಇಪ್ಪುಲೆ. ಇಂಞು ದುಃಖ, ಗೋಳಾಟ, ಕಷ್ಟ ಎಣ್ಣುವದ್ ಇಪ್ಪುಲೆ; ಮಿಂಞ ಇಂಜದೆಲ್ಲಾ ಇಲ್ಲತೆ ಆಯಿಪೋಚೀಂದ್ ಎಣ್ಣ್‌ಚಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.