2 ತಿಮೊಥೆಯ 1:3 - ಕೊಡವ ಬೈಬಲ್

³ ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.

2 ತಿಮೊಥೆಯ 1:3 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37

ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 22:3

ನಾನ್ ಕಿಲಿಕ್ಯ ದೇಶತ್‍ರ ತಾರ್ಸ ಪಟ್ಟಣತ್‍ಲ್, ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೊ. ಆಚೇಂಗಿ ಈ ಪಟ್ಟಣತ್‍ಲ್ ಬೊಳ್ಂದಿಯೆ. ಗಮಲಿಯೇಲಂಡ ಅಡಿಲ್ ನಂಗಡ ಅಜ್ಜಂಗಡ ನ್ಯಾಯಪ್ರಮಾಣತ್‍ರನೆಕೆ ಕ್ರಮವಾಯಿತ್ ಪಡಿಚಿಯೆ. ನಿಂಗೆಲ್ಲಾರು ಈ ದಿವಸ ದೇವಡ ವಿಷಯತ್‍ಲ್ ಎಚ್ಚಕ್ ವೈರಾಗ್ಯತ್‍ಲ್ ಉಳ್ಳಿರೋ, ಅನ್ನನೆ ನಾನ್ ಸಹ ವೈರಾಗ್ಯತ್‍ಲ್ ಇಂಜ.

ಅಪೊಸ್ತಲ 23:1

ಅಕ್ಕ ಪೌಲ: ಯೆಹೂದ್ಯಂಗಡ ಆಲೋಚನೆ ಸಬೆರ ಪೆರಿಯಯಿಂಗಡ ಮೂಡ್‍ಕ್ ನೋಟ್‌ವಂಜಿ: ನಾಡ ಅಣ್ಣತಮ್ಮಣಂಗಳೇ, ನಾನ್ ಈ ದಿವಸಕತ್ತನೆ ನಲ್ಲ ಮನಸಾಕ್ಷಿಯಿಂಜ ದೇವಡ ಮಿಂಞತ್‍ಲ್ ಬದ್‍ಕಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 24:14

ಒರ್ ವಿಷಯತ್‍ನ ಮಾತ್ರ ನಾನ್ ನಿಂಗಡ ಮಿಂಞತ್‍ಲ್ ಒತ್ತೊವಿ. ಅದ್ ಎಂತ ಎಣ್ಣ್‌ಚೇಂಗಿ: ಈಂಗ ಕಳ್ಳ ಬೋದನೇಂದ್ ಎಣ್ಣ್‌ವ ಈ ಮಾರ್ಗತ್‍ರನೆಕೆ, ನಾನ್ ನಂಗಡ ಅಜ್ಜಂಗಡ ದೇವನ ಆರಾದನೆ ಮಾಡಿಯಂಡ್, ಮೋಶೇರ ನ್ಯಾಯಪ್ರಮಾಣತ್‍ಲ್ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‍ದಿತುಳ್ಳ ವಿಷಯನೆಲ್ಲ ನಂಬಿಯಂಡುಂಡ್.

ಅಪೊಸ್ತಲ 24:16

ಇದ್‍ನಗುಂಡ್, ದೇವಡ ವಿಷಯತ್‍ಲು ಮನುಷ್ಯಂಗಡ ವಿಷಯತ್‍ಲು ನಾನ್ ಕುತ್ತ ಇಲ್ಲತ ಮನಸಾಕ್ಷಿಲ್ ಇಪ್ಪಕ್ ಪ್ರಯತ್ನಪಟ್ಟಂಡುಳ್ಳ.

ಅಪೊಸ್ತಲ 26:4

ನಾನ್ ಚೆರಿಯಂವೊನಾಯಿತಿಪ್ಪಕಲೇ ನಾಡ ಜನಡ ಮದ್ಯತ್ ಪಿಂಞ ಯೆರೂಸಲೇಮ್‍ಲ್ ನಾನ್ ಎನ್ನನೆ ಪಂಡಿಂಜೇ ಇಂಜಿಯೇಂದ್ ಎಲ್ಲಾ ಯೆಹೂದ್ಯಂಗಕೂ ಗೊತ್ತುಂಡ್.

ಅಪೊಸ್ತಲ 27:23

ನಾಡ ಬದ್‍ಕ್‍ರ ಒಡೆಯನು, ನಾನ್ ಸೇವೆ ಮಾಡ್‍ವಂವೊನಾಯಿತುಳ್ಳ ದೇವದೂತ ನಿನ್ನಾಂದ್ ಬಯಿಟ್ ನಾಡ ಪಕ್ಕ ಬಂದಿತ್:

ರೋಮ್ 9:1

ನಾನ್ ಕ್ರಿಸ್ತಂಡಲ್ಲಿ ಸತ್ಯ ಎಣ್ಣಿಯಂಡುಂಡ್. ನಾನ್ ಪೊಟ್ಟ್‌ಪರ್ಂದಂಡಿಲ್ಲೆ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಎಫೆಸ 1:16

ನಿಂಗಕಾಯಿತ್ ಎಡೆಬುಡತೆ ದೇವಕ್ ವಂದನೆ ಮಾಡಿಯಂಡುಳ್ಳ. ನಾಡ ಪ್ರಾರ್ಥನೆಲ್ ನಿಂಗಳ ಗೇನ ಮಾಡಿತ್,

1 ಥೆಸಲೊನೀಕ 3:10

ನಿಂಗಳ ಇಂಞೊಮ್ಮ ಕಾಂಬಕಾಯಿತ್ ಪಿಂಞ ನಿಂಗ ದೇವಡ ಪಕ್ಕ ಬೆಚ್ಚಿತುಳ್ಳ ನಂಬಿಕೇಲ್ ಕಮ್ಮಿಯಾಯಿತ್ ಉಳ್ಳಾನ ಪೂರ್ತಿ ಮಾಡ್‌ವಕಾಯಿತ್ ದೇವಡ ಪಕ್ಕ ನಂಗ ನಿಂಗಕಾಯಿತ್ ಬಯಿಟ್ ಪೋಲು ಪ್ರಾರ್ಥನೆ ಮಾಡಿಯಂಡ್ ಉಂಡ್.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ತಿಮೊಥೆಯ 3:15

ಯೇಸು ಕ್ರಿಸ್ತನ ನಂಬುವ ಮೂಲಕ ಕ್‍ಟ್ಟ್‌ವ ರಕ್ಷಣೆನ ನೀನ್ ಪಡೆಯುವಕ್, ನೀನ್ ಬಾಲ್ಯ ವಯಸಿಂಜ ಪಡಿಚ ಪವಿತ್ರವಾನ ದೇವಡ ವಾಕ್ಯ ನೀಕ್ ಜ್ಞಾನ ತಂದಿತುಂಡ್‍ೕಂದ್ ನೀಕ್ ಗೊತ್ತುಂಡ್.

ಇಬ್ರಿಯ 13:8

ಯೇಸು ಕ್ರಿಸ್ತ ನಿನ್ನಾಂದ್, ಇಂದ್ ಪಿಂಞ ಎಕ್ಕಾಲು ಬದ್‍ಲಾಕತಂವೊನಾಯಿತುಂಡ್.