2 ತಿಮೊಥೆಯ 1:18 - ಕೊಡವ ಬೈಬಲ್

¹⁸ ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

2 ತಿಮೊಥೆಯ 1:18 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:72

ಪವಿತ್ರ ಪ್ರವಾದಿಯಂಗಡ ಮೂಲಕ ವಾಗ್ದಾನ ಮಾಡ್‍ಚಿ. ಅಂವೊ ನಂಗಡ ಪೆರಿಯಯಿಂಗಕ್ ವಾಗ್ದಾನ ಮಾಡ್‍ನ ಒಪ್ಪಂದತ್‍ರನೆಕೆ, ತಾಂಡ ಕರುಣೆನ ಕಾಟ್‍ವಕ್ ಗೇನ ಮಾಡಿತ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:78

ನಂಗಡ ದೇವಡ ಹೃದಯ ಕರುಣೇಲ್ ದುಂಬಿತುಳ್ಳಗುಂಡ್, ಪೊಲಾಕತ್‍ರ ಸೂರ್ಯನ ಪರಲೋಕತ್ಂಜ ನಂಗಡ ಮೇಲೆ ಇಳಿಂಜಿತ್ ಬಪ್ಪನೆಕೆ ಅಂವೊ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:3

ಹೆರೋದ ರಾಜಂಡಲ್ಲಿ ಒರ್ ಮುಕ್ಯ ಅದಿಕಾರಿಯಾಯಿತ್ ಕೆಲಸ ಮಾಡಿಯಂಡಿಂಜ ಕೂಜ ಎಣ್ಣ್‌ವಂವೊಂಡ ಪೊಣ್ಣ್ ಯೊಹನ್ನ ಎಣ್ಣುವಯಿಂಗಳೇ. ಬೋರೆ ದುಂಬ ಪೊಣ್ಣಾಳುವಳು ಯೇಸುರ ಕೂಡೆ ಇಂಜತ್. ಈ ಪೊಮ್ಮಕ ಅಯಿಂಗಡ ಸ್ವಂತ ಆಸ್ತಿಯಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗಕ್ ಸೇವೆ ಮಾಡಿಯಂಡಿಂಜತ್.

ಅಪೊಸ್ತಲ 18:19

ಪೌಲ ಎಫೆಸ ಪಟ್ಟಣಕ್ ಬಪ್ಪಕ, ಅಯಿಂಗಳ ಅಲ್ಲೇ ಬುಟ್ಟತ್. ತಾನ್ ಮಾತ್ರ ಸಬಾಮಂದಿರತ್‍ರ ಒಳ್‍ಕ್ ಪೋಯಿತ್ ಯೆಹೂದ್ಯಂಗಡ ಕೂಡೆ ವಾದ ಮಾಡ್‍ಚಿ.

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

ಅಪೊಸ್ತಲ 19:1

ಅಪೊಲ್ಲೋಸ ಕೊರಿಂಥ ಪಟ್ಟಣತ್‍ಲ್ ಇಪ್ಪಕ, ಪೌಲ ಅಲ್ಲಿಂಜ ಮುಕ್ಯ ಬಟ್ಟೇಲ್ ಪ್ರಯಾಣ ಮಾಡತೆ, ಊರ್‌ರ ಬಟ್ಟೇಲ್ ಪ್ರಯಾಣ ಮಾಡಿತ್ ಎಫೆಸ ಪಟ್ಟಣಕ್ ಎತ್ತ್‌ಚಿ. ಅಲ್ಲಿ, ಯೇಸುನ ನಂಬ್‍ನ ಚೆನ್ನ ಜನಳ ಕಂಡತ್.

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 16:8

ಆಚೇಂಗಿಯು ಪಂಚಾಶತ್ತಮ ನಮ್ಮೆಕತ್ತನೆ ಎಫೆಸ ಪಟ್ಟಣತ್‍ಲ್ ಇಪ್ಪಿ.

1 ಕೊರಿಂಥ 3:13

ಆಚೇಂಗಿ ಕ್ರಿಸ್ತಂಡ ದಿವಸತ್‍ಲ್ ತಿತ್ತ್‌ರ ಮೂಲಕ ಒಬ್ಬೊಬ್ಬನು ಎಚ್ಚಕ್ ಚಾಯಿ ಕೆಟ್ಟ್‌ಚೀಂದ್ ಗೊತ್ತಾಪ. ಎನ್ನಂಗೆಣ್ಣ್‌ಚೇಂಗಿ ತಿತ್ತ್ ಅದ್‍ನ ಕಾಂಬ್‌ಚಿಡುವ. ಒಬ್ಬೊಬ್ಬಂಡ ಕಾರ್ಯತ್‍ನ ತಿತ್ತ್ ಪರೀಕ್ಷ ಮಾಡ್‌ವ.

2 ಕೊರಿಂಥ 9:1

ದೇವಡ ಮಕ್ಕಕ್ ಮಾಡ್‌ವಕುಳ್ಳ ಪಣ ಸಹಾಯತ್‍ರ ವಿಷಯತ್ ನಿಂಗಕ್ ನಾನ್ ದುಂಬ ಒಳ್‍ದಂಡೂಂದ್ ಇಲ್ಲೆ.

ಎಫೆಸ 2:4

ಆಚೇಂಗಿ, ಕರುಣೆ ದುಂಬ್‍ನ ದೇವನಾನ ಅಂವೊ ನಂಗಡ ಮೇಲೆ ಬೆಚ್ಚ ಬಲ್ಯ ಪ್ರೀತಿರಗುಂಡ್,

1 ಥೆಸಲೊನೀಕ 2:19

ಆಚೇಂಗಿ ಎಂತ? ನಂಗಕ್ ನಿರೀಕ್ಷೆಯಾಯಿತ್, ಕುಶಿಯಾಯಿತ್, ಕಿರೀಟವಾಯಿತ್ ಇಪ್ಪಯಿಂಗ ದಾರ್? ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕ, ಅಂವೊಂಡ ಮಿಂಞ ನಿಂಗಳೇ ನಂಗಕ್ ಅನ್ನನೆ ಇಪ್ಪಿರ.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 1:16

ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

2 ತಿಮೊಥೆಯ 1:17

ಆಂಡ ಬದ್‍ಲ್ ಅಂವೊ ರೋಮ್ ಪಟ್ಟಣಕ್ ಬಪ್ಪಕ, ದುಂಬ ಕಷ್ಟಪಟ್ಟಿತ್ ನನ್ನ ತ್‍ೕಡಿ ಕಂಡ್‌ಪುಡ್‌ಚತ್.

2 ತಿಮೊಥೆಯ 4:12

ನಾನ್ ತುಖಿಕನ ಎಫೆಸಕ್ ಅಯಿಚಿಯೆ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 1:10

ರಕ್ಷಣೆರ ವಿಷಯತ್, ನಿಂಗಕ್ ಕ್‍ಟ್ಟ್‌ವಾಂದ್ ಉಳ್ಳ ಈ ಕೃಪೇನ, ಪ್ರವಾದನೆಯಾಯಿತ್ ಎಣ್ಣ್‌ನ ಪ್ರವಾದಿಯಂಗ ಇದ್ಂಡ ಆಳತ್‍ನ ಗೊತ್ತ್‌ಮಾಡ್‍ವಕ್, ದುಂಬ ಶ್ರಮತ್‍ಲ್ ಪ್ರಯತ್ನಪಟ್ಟತ್.

ಪ್ರಕಟನೆ 2:1

ಎಫೆಸ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಏಳ್ ನಕ್ಷತ್ರತ್‍ನ ತಾಂಡ ಬಲ್‌ತೆ ಕೈಯಿಲ್ ಪುಡ್‍ಚಂಡ್, ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಸುತ್ತಿಯಂಡ್ ಉಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ.