2 ತಿಮೊಥೆಯ 1:16 - ಕೊಡವ ಬೈಬಲ್

¹⁶ ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

2 ತಿಮೊಥೆಯ 1:16 Iomraidhean Croise

ಮತ್ತಾಯ 25:17

ಅನ್ನನೆ ದಂಡ್ ಬಾಗ ಕ್‍ಟ್ಟ್‌ನಂವೊ, ವ್ಯಾಪಾರ ಮಾಡಿತ್ ಇಂಞು ದಂಡ್ ಬಾಗತ್‍ನ ಸಂಪಾದನೆ ಮಾಡ್‍ಚಿ.

ಮತ್ತಾಯ 5:7

ಕನಿಕರ ಕಾಟ್‍ವಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗಕ್ ಕನಿಕರ ಕ್‍ಟ್ಟುವ.

ಅಪೊಸ್ತಲ 21:33

ಅಕ್ಕ ಸೇನೆರ ಅದಿಪತಿ ಪೌಲಂಡ ಪಕ್ಕ ಬಂದಿತ್ ಅಂವೊನ ಪುಡ್‌ಚಿತ್, ಅಂವೊನ ದಂಡ್ ಸರ್ಪಣಿಲ್ ಕೆಟ್ಟ್‌ವಕ್ ಆಜ್ಞೆ ಕೊಡ್‍ತತ್. ಪಿಂಞ ಸೇನೆರ ಅದಿಪತಿ, ಇಂವೊ ದಾರ್? ಇಂವೊ ಎಂತ ಮಾಡ್‍ಚೀಂದ್ ಕ್‍ೕಟತ್.

ಅಪೊಸ್ತಲ 28:20

ಈ ಕಾರಣಕಾಯಿತೇ ನಾನ್ ನಿಂಗಳ ಕಂಡಿತ್ ತಕ್ಕ್ ಪರಿಯಂಡೂಂದ್ ಕಾಕ್‍ಚಿಟ್ಟಿಯೇ. ಇಸ್ರಾಯೇಲ್ ಜನಡ ನಂಬಿಕೇರ ನಿರೀಕ್ಷೆಕಾಯಿತ್ ಮಾತ್ರ ನಾನ್ ಇನ್ನನೆ ಸರ್ಪಣಿಲ್ ಕೈದಿಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

1 ಕೊರಿಂಥ 16:18

ಅಯಿಂಗ ನಾಕ್ ಪಿಂಞ ನಿಂಗಕ್ ಚಾಯಿ ಒತ್ತಾಸೆ ಮಾಡ್‍ಚಿ, ಅನ್ನನೆ ದೇವಡ ಸೇವೇನ ಚಾಯಿ ಮಾಡ್‌ವಯಿಂಗಳ ನಿಂಗ ದುಂಬ ಗನಪಡ್‌ತಂಡು.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 1:17

ಆಂಡ ಬದ್‍ಲ್ ಅಂವೊ ರೋಮ್ ಪಟ್ಟಣಕ್ ಬಪ್ಪಕ, ದುಂಬ ಕಷ್ಟಪಟ್ಟಿತ್ ನನ್ನ ತ್‍ೕಡಿ ಕಂಡ್‌ಪುಡ್‌ಚತ್.

2 ತಿಮೊಥೆಯ 1:18

ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

2 ತಿಮೊಥೆಯ 4:19

ಪ್ರಿಸ್ಕಿಲ್ಲಂಗೂ, ಅಕ್ವಿಲ್ಲಂಗೂ ಪಿಂಞ ಒನೇಸಿಫೊನಂಡ ಮನೆಕಾರಂಗೂ ನಾಡ ವಂದನೆನ ಎಣ್ಣ್.

ಫಿಲೆಮೋನ 1:20

ಅಕ್ಕು, ಪ್ರೀತಿರ ಫಿಲೆಮೋನನೇ, ಕ್ರಿಸ್ತಂಡಗುಂಡ್ ನೀಡಲ್ಲಿ ನಾಕ್ ಸಮಾದಾನ ಆಡ್. ಕ್ರಿಸ್ತಂಗಾಯಿತ್ ನಾಡ ಹೃದಯತ್‍ನ ನೀನ್ ಕುಶಿಪಡ್‍ತ್.

ಫಿಲೆಮೋನ 1:7

ನಾಡ ಪ್ರೀತಿರ ಫಿಲೆಮೋನನೇ, ನೀಡಗುಂಡ್ ದೇವಡ ಮಕ್ಕಡ ಹೃದಯಕ್ ದುಂಬ ಒತ್ತಾಸೆ ಆನಗುಂಡ್, ನೀಡ ಪ್ರೀತಿಯಿಂಜ ನಂಗಕ್ ದುಂಬ ಕುಶಿಯು ಸಮಾದಾನವು ಆಚಿ.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.