2 ತಿಮೊಥೆಯ 1:14 - ಕೊಡವ ಬೈಬಲ್

¹⁴ ನೀಡ ಪಕ್ಕ ಒಪ್ಪ್‌ಚಿಟ್ಟಿತುಳ್ಳ, ಆ ನಲ್ಲ ಸತ್ಯತ್‍ನ, ನಂಗಡ ಒಳ್‍ಲ್ ವಾಸ ಮಾಡ್‌ವ ಪವಿತ್ರಾತ್ಮನಗುಂಡ್ ಅದ್‍ನ ಕಾಪಾಡ್.

2 ತಿಮೊಥೆಯ 1:14 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:11

ಇನ್ನನೆ ಇಪ್ಪಕಾಪಕ, ಈ ಲೋಕತ್‍ರ ಆಸ್ತಿಲ್ ನಂಬಿಕಸ್ತನಾಯಿತ್ ಇರತೆಪೋನಕ ನೇರಾನ ಆಸ್ತಿರ ವಿಷಯತ್‍ಲ್ ನಿಂಗಳ ದಾರ್ ನಂಬುವ?

ಯೋಹಾನ 14:17

ಅಂವೊ ಸತ್ಯತ್‍ರ ಆತ್ಮ. ಈ ಲೋಕತ್‍ರ ಜನಕ್ ಅಂವೊ ಕ್‍ಟ್ಟುಲೆ, ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಅಂವೊನ ಕಂಡಿತು ಇಲ್ಲೆ, ಗೊತ್ತಾಯಿತು ಇಲ್ಲೆ. ಆಚೇಂಗಿ ನಿಂಗಕ್ ಅಂವೊ ದಾರ್‍ೕಂದ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಿಂಗಡ ಕೂಡೆ ವಾಸ ಮಾಡಿಯಂಡ್ ನಿಂಗಡಲ್ಲಿ ಉಂಡ್.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

2 ಕೊರಿಂಥ 5:16

ಆನಗುಂಡ್, ಇಂಞು ಮಿಂಞಕ್, ಒಬ್ಬನ ಸಹ ಮನುಷ್ಯಂಡ ರೀತಿಲ್ ನೋಟಿಯಂಡಿಲ್ಲೆ. ಒರ್ ಸಮಯತ್‍ಲ್ ಕ್ರಿಸ್ತನ ನಂಗ ಮನುಷ್ಯಂಗಡನೆಕೆ ಗೇನ ಮಾಡಿತ್ಂಜತೇಂಗಿಯು, ಇಂಞು ಮಿಂಞಕ್ ಅನ್ನನೆ ಗೇನ ಮಾಡುಲೆ.

ಗಲಾತ್ಯ 2:7

ಅದ್ಂಡ ಬದ್‍ಲ್, ದೇವ ಪೇತ್ರನ ಯೆಹೂದ್ಯಂಗಕ್ ಯೇಸುರ ನಲ್ಲ ಸುದ್ದಿನ ಎಣ್ಣ್‌ವಕ್ ಕಾಕ್‍ನನೆಕೆ, ಯಹೂದ್ಯರಲ್ಲತ ಜನಕ್ ಯೇಸುರ ನಲ್ಲ ಸುದ್ದಿನ ಎಣ್ಣ್‌ವಕ್ ನನ್ನ ಕಾಕ್‍ಚೀಂದ್ ಅಯಿಂಗಕ್ ಗೊತ್ತಾಚಿ.

ಎಫೆಸ 2:22

ಅಂವೊಂಡ ಮೇಲೆ ನಿಂಗಳು, ಆತ್ಮತ್‍ರಗುಂಡ್ ದೇವ ವಾಸ ಮಾಡ್‌ವ ಜಾಗವಾಯಿತ್ ಕೂಟಾಯಿತ್ ಕೆಟ್ಟಿಯಂಡ್ ಬಂದಂಡುಳ್ಳಿರ.

ಎಫೆಸ 5:18

ನಿಂಗಳ ಪಾಳ್ ಮಾಡ್‌ವ ಕಳ್ಳ್‌ನ ಕುಡಿಚಿತ್ ಕುಡ್‍ಕಂಗಳಾಯಿತ್ ಇರತಿ. ಅದ್ಂಡ ಬದ್‍ಲ್ ಪವಿತ್ರಾತ್ಮತ್‍ಲ್ ದುಂಬಿತ್,

ಕೊಲೊಸ್ಸೆ 4:11

ಯೇಸೂಂದ್ ಪೆದ ಉಳ್ಳ ಯೂಸ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಯೆಹೂದ್ಯಂಗಡಡೆ‍ಲ್ ಈಂಗ ಮಾತ್ರ ನಾಡ ಕೂಡೆ ದೇವಡ ರಾಜ್ಯತ್‍ರ ಸೇವೇನ ಮಾಡಿಯಂಡ್, ನಾಕ್ ದುಂಬ ಒತ್ತಾಸೆ ತಂದಂಡುಂಡ್.

1 ಥೆಸಲೊನೀಕ 5:19

ಪವಿತ್ರಾತ್ಮತ್‍ರ ಕ್ರಿಯೇನ ಪುಡ್‌ಚಿತ್ ಬೆಪ್ಪಕ್ಕಾಗ.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

1 ತಿಮೊಥೆಯ 6:20

ಓ ತಿಮೊಥೆಯನೇ, ನೀಡ ಪಕ್ಕ ಒಪ್ಪ್‌ಚಿಟ್ಟಾನೆಲ್ಲ ಬದ್ರವಾಯಿತ್ ಕಾಪಾಡ್. ದೇವಬಕ್ತಿಕ್ ಆಕತ ಒರ್ ಪ್ರಯೋಜನವಿಲ್ಲತ ಹರಟೆ ತಕ್ಕ್‌ಕ್ ಪಿಂಞ ಜ್ಞಾನಾಂದ್ ಜನ ನಂಬಿತುಳ್ಳ ಪೊಟ್ಟ್ ತಕ್ಕ್‌ರ ಬೋದನೆಕ್ ನೀನ್ ದೂರ ಇರ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.