2 ತಿಮೊಥೆಯ 1:10 - ಕೊಡವ ಬೈಬಲ್

¹⁰ ಇಕ್ಕ ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಪ್ರತ್ಯಕ್ಷ ಆನಗುಂಡ್ ಆ ಕೃಪೇನ ಕಾಂಬಕಾಚಿ. ಅಂವೊ ಚಾವ್‍ನ ಗೆದ್ದಿತ್, ಜೀವತ್‍ನ ಪಿಂಞ ನಾಶ ಆಕತ ಬದ್‍ಕ್‍ನ ನಲ್ಲ ಸುದ್ದಿಯಿಂಜ ಬೊಳಿಕ್ ಕೊಂಡ್ ಬಾತ್.

2 ತಿಮೊಥೆಯ 1:10 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:36

ನಿಂಗಡ ತಡೀಲ್ ಏದ್ ಬಾಗವು ಇರ್‌ಟ್‌ಲ್ ಇಲ್ಲತೆ, ಎಲ್ಲಾ ಬಾಗವು ಬೊಳಿಯಾಯಿತ್ಂಜತೇಂಗಿ, ಅಕ್ಕ ನೀನ್ ಪೂರ್ತಿಯಾಯಿತ್ ಬೊಳಿಲ್ ಇಪ್ಪಿಯ ಪಿಂಞ ಬೊಳ್‍ಚತ್‍ರ ಬೊಳಿ ನೀಡ ಮೇಲೆ ಪ್ರಕಾಶಿಚಿಡುವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:7

ಒರ್ ದಿವಸ, ತೋಟಕಾರ ಅಂವೊಂಡ ತೋಟ ನೋಟುವ ಆಳ್‌ನ ನೋಟಿತ್: ಮೂಂದ್ ಕಾಲತ್ಂಜ ನಾನ್ ಈ ಮರತ್‍ಲ್ ಪಣ್ಣ್ ಉಂಡಾಂದ್ ನೋಟಿಯಂಡ್ ಉಳ್ಳ, ಆಚೇಂಗಿ ಒರ್ ಪಣ್ಣ್ ಸಹ ಇಲ್ಲೆ. ಆನಗುಂಡ್ ಆ ಮರತ್‍ನ ಕೆತ್ತಿರ್, ಆ ಮರ ಮಣ್ಣ್ ತಿಂದಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಯೋಹಾನ 1:9

ಈ ಲೋಕತ್‍ಲ್ ಬಪ್ಪ ಪ್ರತಿಯೊರ್ ಮನುಷ್ಯಂಗಕು ಬೊಳಿ ಕೊಡ್‍ಪ ಬೊಳಿಯೇ ಆ ನೇರಾನ ಬೊಳಿ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 5:40

ಅನ್ನನೆ ಇಂಜತೇಂಗಿಯು, ನಿಂಗಕ್ ನಿತ್ಯ ಜೀವ ಉಂಟಾಪಕ್ ನಾಡ ಪಕ್ಕ ಬಪ್ಪಕ್ ನಿಂಗಕ್ ಮನಸ್ಸಿಲ್ಲೆ.

ಅಪೊಸ್ತಲ 13:23

ಇನ್ನನೆ ದಾವೀದಂಡ ಸಂತಾನತ್ಂಜ ದೇವ ತಾಂಡ ವಾಗ್ದಾನತ್‍ರನೆಕೆ ಇಸ್ರಾಯೇಲ್ ಜನತ್‍ರ ರಕ್ಷಣೆಕಾಯಿತ್ ಯೇಸು ಎಣ್ಣ್‌ವ ರಕ್ಷಕನ ಅಯಿಚತ್.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ರೋಮ್ 16:26

ಆಚೇಂಗಿ ಇಕ್ಕ ಪ್ರವಾದಿಯಂಗ ಒಳ್‍ದಿ ಬೆಚ್ಚಿತುಳ್ಳ ಮೂಲಕವು, ನಿತ್ಯವಾನ ದೇವ ಹುಕುಮ್ ಕೊಡ್‍ತನೆಕೆ, ಎಲ್ಲಾ ಯೆಹೂದ್ಯರಲ್ಲತಯಿಂಗಳು ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ, ಈ ಸುದ್ದಿ ಯೆಹೂದ್ಯ ಅಲ್ಲತ ಎಲ್ಲಾ ಜನತ್‍ರ ಗುಂಪ್‌ಕು ಗೊತ್ತ್ ಮಾಡ್‍ಚಿ.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

1 ಕೊರಿಂಥ 15:26

ಪಾಳಾಪಕುಳ್ಳ ಆಕೀರ್ ಶತ್ರು ಚಾವ್.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 5:4

ಈ ಗುಡಾರತ್‍ಲ್ ವಾಸ ಮಾಡಿಯಂಡುಳ್ಳ ನಂಗ ನೆರ್ಂಗಿಯಂಡ್ ಬಾರತ್‍ನ ಪೊರ್‍ತಂಡುಂಡ್; ಚಾವ್ ಜೀವತ್‍ರಗುಂಡ್ ಬದ್‍ಲಾಪಕಾಯಿತ್, ಈ ಬಟ್ಟೇನ ಕಳೆಯುವಕ್ ನಂಗ ಕುಶಿ ಪಡತೆ, ಪರಲೋಕತ್‍ರ ಬಟ್ಟೇನ ಇಡ್‌ವಕ್ ಕುಶಿಪಟ್ಟಂಡುಂಡ್.

ಗಲಾತ್ಯ 5:4

ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರಗುಂಡ್ ನೀತಿವಂತಯಿಂಗಳಾಯಿತ್ ಆಪಕ್ ಕುಶಿಯುಳ್ಳ ನಿಂಗೆಲ್ಲಾರು ಯೇಸು ಕ್ರಿಸ್ತಂಡಿಂಜ ದೂರ ಆಯಿತುಳ್ಳಿರ ಪಿಂಞ ದೇವಡ ಕೃಪೆಯಿಂಜ ಬುದ್ದ್‌ಪೋಯಿತುಳ್ಲಿರ.

ಎಫೆಸ 1:18

ಅಂವೊ ನಿಂಗಳ ಕಾಕ್‍ನಗುಂಡ್ ನಿಂಗಕುಳ್ಳ ನಿರೀಕ್ಷೆ ಎಂತದ್‍ೕಂದು, ದೇವಡ ಮಕ್ಕಡ ಪಕ್ಕ ನಂಗಕುಳ್ಳ ಬಾದ್ಯತೆರ ಮಹಿಮೇರ ಐಶ್ವರ್ಯ ಎಂತದ್‍ೕಂದ್ ಗೊತ್ತಾಪಕು,

ಎಫೆಸ 1:9

ದೇವ ಕ್ರಿಸ್ತಂಡ ಮೂಲಕ ಮಾಡಂಡೂಂದ್ ತೀರ್ಮಾನ ಮಾಡಿತ್ಂಜ, ಅಂವೊಂಡ ಕುಶೀರ ಚಿತ್ತತ್‍ರ ಗುಟ್ಟ್‌ನ ನಂಗ ಗೊತ್ತಾಪನೆಕೆ ಮಾಡ್‍ಚಿ.

2 ಥೆಸಲೊನೀಕ 2:8

ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕ, ದುಷ್ಟ ಮನುಷ್ಯ ಪೊರಮೆ ಬಪ್ಪ; ಆಚೇಂಗಿ, ಒಡೆಯನಾನ ಯೇಸು ಬಂದಿತ್ ಅಂವೊನ ತಾಂಡ ಬಾಯಿರ ಉಸ್‍ರ್‌ರ ಮೂಲಕ ಕೊಂದಿತ್, ತಾನ್ ಬಪ್ಪ ಮಹಿಮೇರ ಬೊಳಿರಗುಂಡ್ ನಾಶ ಮಾಡ್‌ವ.

2 ತಿಮೊಥೆಯ 1:1

ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್, ವಾಗ್ದಾನ ಮಾಡಿತುಳ್ಳ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಜೀವತ್‍ರ ವಿಷಯತ್‍ನ ಬೋರೆಯಿಂಗಕ್ ಎಣ್ಣ್‌ವಕ್, ಯೇಸು ಕ್ರಿಸ್ತಂಡ ಚಿತ್ತತ್‍ರನೆಕೆ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:11

ಇಕ್ಕ, ಎಲ್ಲಾ ಜನಕ್ ರಕ್ಷಣೆ ಕ್‍ಟ್ಟ್‌ವಕುಳ್ಳ ಕೃಪೇನ ದೇವ ಕಾಂಬ್‍ಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:4

ಆಚೇಂಗಿ, ನಂಗಡ ರಕ್ಷಕನಾನ ದೇವಡ ದಯೆ ಪಿಂಞ ಅಂವೊಂಗ್ ಜನಡಮೇಲೆ ಉಳ್ಳ ಪ್ರೀತಿ ಪೊರಮೆ ಕಾಂಬನೆಕೆ ಪ್ರತ್ಯಕ್ಷ ಆಪಕ,

ಇಬ್ರಿಯ 10:32

ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

2 ಪೇತ್ರ 1:3

ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

1 ಯೋಹಾನ 1:2

ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಪ್ರಕಟನೆ 18:1

ಇದಾನ ಪಿಂಞ, ಇಂಞೊರ್ ದೇವದೂತ ದುಂಬ ಬಲ್ಯ ಅದಿಕಾರ ಉಳ್ಳಂವೊನಾಯಿತ್ ಪರಲೋಕತ್ಂಜ ಇಳ್ಂಜಿತ್ ಬಪ್ಪದ್‍ನ ಕಂಡಿಯೆ; ಅಂವೊಂಡ ಮಹಿಮೇರಗುಂಡ್ ಬೂಲೋಕ ಪ್ರಕಾಶತ್‍ಲ್ ಮಿನ್ನ್‌ಚಿ.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 20:14

ಅಕ್ಕ, ಚಾವ್ ಪಿಂಞ ಪಾತಾಳತ್‍ನ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್. ಇದ್ ದಂಡೆನೆ ಚಾವ್.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 22:17

ಪವಿತ್ರಾತ್ಮನು ಮಂಗಲಕರ್ತಿಯು ಬಾರೀಂದ್ ಎಣ್ಣುವ; ಕ್‍ೕಪಯಿಂಗಳು ಬಾರೀಂದ್ ಎಣ್ಣಡ್; ಬಾಯಾರಿಕೆ ಉಳ್ಳಯಿಂಗ ಬರಡ್; ಕುಶಿಯುಳ್ಳಯಿಂಗ ಜೀವತ್‍ರ ನೀರ್‌ನ ಇನಾಮಾಯಿತ್ ಎಡ್‍ತಂಡ್ ಪೋಡ್.