2 ಥೆಸಲೊನೀಕ 3:6 - ಕೊಡವ ಬೈಬಲ್

⁶ ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

2 ಥೆಸಲೊನೀಕ 3:6 Iomraidhean Croise

ಮತ್ತಾಯ 18:17

ಅಯಿಂಗಕ್ ಸಹ ಅಂವೊ ಒತ್ತತೆ ಪೋನಕ, ಅಂವೊಂಡ ವಿಷಯತ್‍ನ ಸಬೇಕ್ ಎಣ್ಣ್. ಆ ಸಬೇಕ್ ಒತ್ತತೆ ಪೋನಕ, ಅಂವೊನ ದೇವನ ನಂಬತಂವೊಂಡನೆಕೆ ಕಾಂಗಂಡು, ಅಥವ ಒರ್ ಪಾಪಿರನೆಕೆ ನೋಟಂಡು.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

1 ಕೊರಿಂಥ 11:2

ನಿಂಗ ನನ್ನ, ನಿಂಗಡ ಗೇನತ್‍ಲ್ ಬೆಚ್ಚಿತ್, ನಿಂಗಡ ಎಲ್ಲಾ ವಿಷಯತ್‍ಲ್, ನಾನ್ ನಿಂಗಕ್ ಬೋದನೆ ಮಾಡ್‍ನದ್‍ನ ಗೇನ ಮಾಡಿಯಂಡ್, ನಾನ್ ನಿಂಗಕ್ ಒಪ್ಪ್‌ಚಿಟ್ಟದ್‍ನ ಮಾಡಿಯಂಡ್ ಉಳ್ಳಗುಂಡ್ ನಿಂಗಳ ನಾನ್ ಕೊಂಡಾಡುವಿ.

1 ಕೊರಿಂಥ 5:4

ನಿಂಗ ಒಡೆಯನಾನ ಯೇಸುರ ಪೆದತ್‍ಲ್ ಕೂಡಿ ಬಪ್ಪಕ, ನಾನು ಆತ್ಮತ್‍ಲ್ ನಂಗಡ ಒಡೆಯನಾನ ಯೇಸುರ ಶಕ್ತಿಲ್ ನಿಂಗಡ ಕೂಡೆ ಇಪ್ಪಿ.

1 ಕೊರಿಂಥ 5:9

ನಾನ್ ನಿಂಗಕ್ ಒಳ್‍ದ್‍ನ ಕಾಗದತ್‍ಲ್ ವ್ಯಬಿಚಾರ ಮಾಡ್‌ವಯಿಂಗಡ ಕೂಡೆ ಕೂಟ್ ಕೂಡತೀಂದ್ ಒಳ್‍ದಿಯೆ.

2 ಕೊರಿಂಥ 2:10

ನಿಂಗ ದಾರ್‌ಕ್, ಏದ್‍ನ ಮನ್ನಿಚಿಡ್‌ವಿರೋ, ನಾನು ಸಹ ಅಯಿಂಗಳ ಮನ್ನಿಚಿಡುವಿ. ನಾನ್ ಏದ್‍ನ ಮನ್ನಿಚಿಟ್ಟಿತುಂಡೋ, ಅದ್‍ನ ನಿಂಗಕಾಯಿತ್ ಕ್ರಿಸ್ತಂಡ ಸನ್ನಿದಾನತ್‍ಲ್ ಮನ್ನಿಚಿಟ್ಟಿಯೆ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

2 ಥೆಸಲೊನೀಕ 2:15

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗ ಸ್ತಿರವಾಯಿತ್ ನಿಂದಂಡ್, ನಂಗ ನಿಂಗಡ ಕೂಡೆ ಇಪ್ಪಕ ಮಾಡ್‍ನ ಬೋದನೆನ ಮಾತ್ರ ಅಲ್ಲ ನಂಗ ನಿಂಗಕ್ ಒಳ್‍ದ್‍ನ ಕಾಗದತ್‍ರ ಮೂಲಕ ಕ್‍ಟ್ಟ್‌ನ ಬೋದನೆನ ಸಹ ಗಟ್ಟಿಯಾಯಿತ್ ಪುಡ್‍ಚೊಳಿ.

2 ಥೆಸಲೊನೀಕ 3:7

ನಂಗಳ ಉದಾರಣೆಯಾಯಿತ್ ಬೆಚ್ಚಂಡ್ ನಿಂಗ ಎನ್ನನೆ ನಡ್‍ಕಂಡೂಂದ್ ನಿಂಗಕ್ ಗೊತ್ತುಂಡಲ್ಲ! ನಂಗ ನಿಂಗಡ ಪಕ್ಕ ಇಪ್ಪಕ, ಸೋಮಾರಿಯಾಯಿತ್ ಇಂಜಿತ್‌ಲ್ಲೆ.

1 ತಿಮೊಥೆಯ 5:21

ನೀನ್ ದಾರ್‌ನು ಮೂಡ್ ನೋಟಿತ್ ನ್ಯಾಯಮಾಡತ, ಪಕ್ಷಪಾತ ಮಾಡತೆ, ನೀನ್ ಇದ್‍ನೆಲ್ಲಾ ಮಾಡಿಯಂಡಿರ್‍ೕಂದ್ ದೇವಡ ಮಿಂಞತ್, ಯೇಸು ಕ್ರಿಸ್ತಂಡ ಪ್ರಸನ್ನತ್‌ಲ್ ಪಿಂಞ ಗೊತ್ತ್ ಮಾಡಿತುಳ್ಳ ದೂತಂಗಡ ಮಿಂಞತ್ ಆಜ್ಞೆ ಮಾಡ್‌ವಿ.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

2 ತಿಮೊಥೆಯ 3:5

ದೇವಡ ಮೇಲೆ ಬಕ್ತಿ ಉಳ್ಳಯಿಂಗಡನೆಕೆ ವೇಷ ಇಡ್‌ವ, ಆಚೇಂಗಿ, ದೇವಡ ಶಕ್ತಿನ ಅಯಿಂಗಡ ಒಳ್‍ಲ್ ಕ್ರಿಯೆ ಮಾಡ್‌ವಕ್ ಬುಡುಲೆ. ಈಂಗಳ ಬುಟ್ಟಿತ್ ನೀನ್ ದೂರ ಇರ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

2 ಯೋಹಾನ 1:10

ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.