2 ಥೆಸಲೊನೀಕ 3:2 - ಕೊಡವ ಬೈಬಲ್

² ಇಲ್ಲಿ ನಂಗಕ್ ವಿರೋದವಾಯಿತ್ ತೊಂದರೆ ಮಾಡ್‌ವ ಮೋಸವಾನ ಕೆಟ್ಟ ಮನುಷ್ಯಂಗಡ ಕೈಯಿಂಜ ದೇವ ನಂಗಳ ಕಾಪಾಡ್‌ವಕಾಯಿತ್ ಪ್ರಾರ್ಥನೆ ಮಾಡಿ. ಎಲ್ಲಾರು ಸತ್ಯತ್‍ನ ನಂಬಿಯಂಡಿಲ್ಲೆ.

2 ಥೆಸಲೊನೀಕ 3:2 Iomraidhean Croise

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 23:23

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ, ನಿಂಗಕ್ ಅಯ್ಯೋ, ನಿಂಗ ಪುದಿನ ತೊಪ್ಪು, ತೊಳ್‌ಸಿ ಪಿಂಞ ಜೀರಿಗೆನ ಪತ್ತ್‌ಲ್ ಒರ್ ಪಾಲ್ ಕೊಡ್‍ಪಿರ, ಆಚೇಂಗಿ ದರ್ಮಶಾಸ್ತ್ರ ಪುಸ್ತಕತ್‍ಲ್ ದುಂಬ ಮುಕ್ಯವಾನ ನೀತಿನ, ಕನಿಕರತ್‍ನ, ನಂಬಿಕೇನ ಬುಟ್ಟಿತುಳ್ಳಿರ. ಇದ್‍ನೆಲ್ಲಾ ನಿಂಗ ಮಾಡಂಡು, ಅದ್‍ನೂ ಬುಡ್‌ವಕ್ಕಾಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:8

ಅಯಿಂಗಕ್, ಅಯಿಂಗ ಕ್‍ೕಟ ನ್ಯಾಯತ್‍ನ ಬೆರಿಯ ಕೊಡ್‍ಪಾಂದ್ ನಿಂಗಕ್ ಎಣ್ಣ್‌ವಿ. ಇನ್ನನಾಚೇಂಗಿಯು ಮನುಷ್ಯಕುಮಾರ ಬೂಮಿಕ್ ಬಪ್ಪಕ, ನಂಬಿಕೇನ ಕಾಂಬಕ್ ಕಯ್ಯುವಾಂದ್ ಎಣ್ಣ್‌ಚಿ.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 25:27

ಒರ್ ಜೈಲ್ ಕೈದಿನ ಚಕ್ರವರ್ತಿರ ನ್ಯಾಯಸಬೇಕ್ ಅಯಿಪಕ, ದೃಡವಾನ ವಿಷಯ ಒಂದು ಇಲ್ಲತೆ ಅಯಿಪದ್ ಸರಿಯಲ್ಲಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 28:24

ಅಂವೊ ಎಣ್ಣ್‌ನ ತಕ್ಕ್‌ನ ಚೆನ್ನ ಜನ ನಂಬ್‍ಚಿ; ಇಂಞು ಚೆನ್ನ ಜನ ನಂಬಿತ್‌ಲ್ಲೆ.

ರೋಮ್ 10:16

ಆಚೇಂಗಿಯು ಎಲ್ಲಾರು ದೇವಡ ನಲ್ಲ ಸುದ್ದಿಕ್ ಬಗ್ಗಿಚಿಟ್ಟಿತ್‌ಲ್ಲೆ. ಅದ್ಂಡ ವಿಷಯತ್ ಯೆಶಾಯ ಪ್ರವಾದಿ: ಒಡೆಯನೇ, ನಂಗಡ ಮೂಲಕ ಕ್‍ೕಟದ್‍ನ ನಂಬ್‍ನಯಿಂಗ ದಾರ್‍ೕಂದ್ ಎಣ್ಣಿಯಂಡುಂಡ್.

ರೋಮ್ 15:31

ಯೆಹೂದ್ಯ ಪ್ರಾಂತ್ಯತ್‍ಲ್, ಅಂವೊನ ನಂಬತಯಿಂಗಡ ಕೈಯಿಂಜ ನಾನ್ ತಪ್ಪಿಚಿಡ್‌ವಕು, ನಾನ್ ಯೆರೂಸಲೇಮ್‍ಲ್ ಉಳ್ಳ ದೇವಡ ಮಕ್ಕಕ್ ಮಾಡ್‌ವ ಪಣ ಸಹಾಯತ್‍ನ ಅಯಿಂಗ ಸ್ವೀಕಾರ ಮಾಡ್‌ವಕು ಪ್ರಾರ್ಥನೆ ಮಾಡಿ.

1 ಕೊರಿಂಥ 15:32

ನಾನ್ ಎಫೆಸ ಪಟ್ಟಣತ್‍ಲ್ ಇಪ್ಪಕ, ಅಲ್ಲಿಯತ್‍ರ ಜನ ನಾಡ ಕೂಡೆ ಕಾಡ್ ಪ್ರಾಣಿಯರನೆಕೆ ಜಗಳ ಮಾಡ್‍ಚೀಂದ್ ಒರ್ ಸಾದಾರಣ ಮನುಷ್ಯಂಡನೆಕೆ ಎಣ್ಣ್‌ವಿ. ಇದ್‍ನಗುಂಡ್ ನಾಕ್ ಎಂತ ಲಾಬ? ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬರತ ಪೋಚೇಂಗಿ, ಬಾರಿ! ನಂಗ ಉಂಡಿತ್, ಕುಡಿಚಿತ್ ನಾಳೆ ಚತ್ತ್ ಪೋಕನಾಂದ್ ಎಣ್ಣ್‌ವಕ್ ಕಯ್ಯು ಅಲ್ಲ?

1 ಥೆಸಲೊನೀಕ 2:18

ನಿಂಗಡ ಪಕ್ಕ ಇಂಞೊಮ್ಮ ಬರಂಡೂಂದ್ ಇಂಜತ್. ಪೌಲನಾನ ನಾನೇ ನಿಂಗಡ ಪಕ್ಕ ಪುನಃ ಪುನಃ ಬರಂಡೂಂದ್ ಇಂಜಿಯೆ, ಆಚೇಂಗಿ ಸೈತಾನ ನಂಗಳ ತಡೆ ಮಾಡಿರ್‌ತ್.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.