2 ಥೆಸಲೊನೀಕ 3:12 - ಕೊಡವ ಬೈಬಲ್

¹² ಇನ್ನನೆ ಉಳ್ಳಯಿಂಗ, ಎಂತಾಚು ಕೆಲಸ ಮಾಡಿತ್, ಅಯಿಂಗಡ ಸಂಪಾದೆನೆಲ್ ಬದ್‍ಕಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಹುಕುಮ್ ಕೊಡ್‌ತಿತ್ ಬೋಡಿಯಂಡುಂಡ್.

2 ಥೆಸಲೊನೀಕ 3:12 Iomraidhean Croise

ಜ್ಞಾನತ್‌ರ ಪಡಿಮ 17:1

ಜಗಳ ದುಂಬ್‌ನ ಮನೆಲ್ ಬಲ್ಯ ಊಟ ಉಂಬಕಿಂಜಿ ಸಮಾದಾನತ್‌ ತಿಂಬ ಚೆರಿಯ ತುಂಡ್‌ ಒಟ್ಟಿಯೇ ಮೇಲ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:3

ದಿನಾಲು ಬೋಂಡಿಯಾನ ಕೂಳ್‌ನ ನಂಗಕ್ ತಾ;

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

2 ಥೆಸಲೊನೀಕ 3:8

ನಂಗ ಒಬ್ಬಂಡಿಂಜ ಸಹ ದುಡ್ಡ್ ಕೊಡ್‍ಕತೆ ಉಂಡಿತ್‌ಲ್ಲೆ. ಆಂಡ ಬದ್‍ಲ್ ನಂಗ ಬಯಿಟ್ ಪೋಲ್ ಕಷ್ಟಪಟ್ಟಿತ್, ಕೆಲಸ ಮಾಡಿತ್, ನಂಗ ದಾರ್‌ಕು ಬಾರವಾಯಿತ್ ಇಕ್ಕತನೆಕೆ ಇಂಜತ್.

1 ತಿಮೊಥೆಯ 2:2

ನಂಗೆಲ್ಲಾ ಬಕ್ತಿಲ್, ಮರ್ಯಾದೆಲ್, ಏದ್ ತೊಂದರೆ ಇಲ್ಲತೆ, ಸುಕ ಸಮಾದಾನತ್‍ಲ್ ಬದ್‍ಕ್‍ವಕಾಯಿತ್ ನಂಗಡ ರಾಜಂಗಕು ಅದಿಕಾರಿಯಂಗಕು ಪ್ರಾರ್ಥನೆ ಮಾಡಂಡು.