2 ಥೆಸಲೊನೀಕ 3:11 - ಕೊಡವ ಬೈಬಲ್

¹¹ ನಿಂಗಡಲ್ಲಿ, ಯೇಸುನ ನಂಬ್‍ನ ಚೆನ್ನ ಜನ, ಒರ್ ಕೆಲಸವು ಮಾಡತೆ, ಕಾಲ ಕಳಂದಂಡ್, ಬೋರೆಯಿಂಗಡ ಕೆಲಸತ್‍ಲ್ ನುಗ್ಗಿಯಂಡ್ ಉಂಡ್‍ೕಂದ್ ನಂಗಡ ಕೆಮಿಕ್ ಸುದ್ದಿ ಬಾತ್.

2 ಥೆಸಲೊನೀಕ 3:11 Iomraidhean Croise

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

1 ಥೆಸಲೊನೀಕ 4:11

ಇದ್ ನಿಂಗಡ ನೋಕವಾಯಿತ್ ಇರಂಡು. ನಿಂಗ ಸಮಾದಾನತ್‍ರ ಬದ್‍ಕ್ ಬದ್‍ಕ್‍ವಕ್, ಪೊರಮೆ ಉಳ್ಳಯಿಂಗಡ ಬದ್‍ಕ್‍ರ ವಿಷಯತ್ ನುಗ್ಗ್‌ವಕ್ಕಾಗ. ನಿಂಗ ನಿಂಗಡ ಸ್ವಂತ ಕೆಲಸ ಮಾಡಂಡೂಂದ್ ನಿಂಗಕ್ ನಂಗ ಮಿಂಞಲೇ ಎಣ್ಣಿತುಂಡ್.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

1 ಪೇತ್ರ 4:15

ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.