2 ಥೆಸಲೊನೀಕ 3:1 - ಕೊಡವ ಬೈಬಲ್

¹ ನಂಗಡ ಅಣ್ಣತಮ್ಮಣಂಗಳೇ, ಕಡೇಕ್ ನಾನ್ ಎಣ್ಣುವ ವಿಷಯ ಎಂತ ಎಣ್ಣ್‌ಚೇಂಗಿ: ನಿಂಗಡ ಪಕ್ಕ ನಂಗ ಬಂದಿತ್ ದೇವಡ ನಲ್ಲ ಸುದ್ದಿನ ಎಣ್ಣ್‌ವಕ, ಎನ್ನನೆ ಅದ್‍ನ ಎಲ್ಲಾರು ಬೆರಿಯ ನಂಬಿತ್, ಒಡೆಯಂಡ ವಾಕ್ಯ ಪಬ್ಬಿತ್ ಗನಪಡ್‌ವನೆಕೆ, ಬೋರೆ ಜಾಗತ್‍ಲ್ ಸಹ ಪಬ್ಬಿತ್ ಗನಪಡುವಕಾಯಿತ್ ನಿಂಗ ಪ್ರಾರ್ಥನೆ ಮಾಡಿ.

2 ಥೆಸಲೊನೀಕ 3:1 Iomraidhean Croise

ಮತ್ತಾಯ 9:38

ಆನಗುಂಡ್, ಬೊಳೆಕ್ ಕಾರಣವಾಯಿತುಳ್ಳ ಎಜಮಾನಂಡ ಪಕ್ಕ, ಆಳ್‍ವಳ ಅಯಿಪಕ್ ಅಂವೊನ ಬೋಡ್‌ವಿರಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:2

ಅಯಿಂಗಳ ನೋಟಿತ್: ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ; ಆನಗುಂಡ್, ಬೊಳೆಕ್ ಕಾರಣವಾಯಿತುಳ್ಳ ಎಜಮಾನಂಡ ಪಕ್ಕ, ಆಳ್‍ವಳ ಅಯಿಪಕ್ ಅಂವೊನ ಬೋಡ್‍ವಿರ.

ಅಪೊಸ್ತಲ 12:24

ಆಚೇಂಗಿ ದೇವಡ ವಾಕ್ಯ ದುಂಬ ಪಬ್ಬಿಯಂಡೇ ಇಂಜತ್.

ಅಪೊಸ್ತಲ 19:20

ಇನ್ನನೆ ಒಡೆಯನಾನ ಯೇಸುರ ಸುದ್ದಿ ಎಲ್ಲೆಲ್ಲಿಕೋ ಪಬ್ಬಿತ್, ಆ ಸುದ್ದಿ ದುಂಬ ಜನತ್‍ನ ದೇವಡ ಪಕ್ಕ ಕೊಂಡ್ ಬಪ್ಪನೆಕೆ ಶಕ್ತಿ ಉಳ್ಳದಾಯಿತ್ಂಜತ್.

ಅಪೊಸ್ತಲ 6:7

ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.

ರೋಮ್ 15:30

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ನಾಕಾಯಿತ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆರ ಮೂಲಕ, ನಾಡ ಪೋರಾಟತ್‍ಲ್ ನಿಂಗಳು ಕೂಡೆ ಇರಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಪಿಂಞ ಪವಿತ್ರಾತ್ಮತ್‍ರ ಪ್ರೀತಿರಗುಂಡ್ ನಿಂಗಳ ನಾನ್ ಬೋಡುವಿ.

1 ಕೊರಿಂಥ 16:9

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಬಲ್ಯ ಪಡಿ ತೊರ್‌ಂದಿತುಂಡ್. ನಾನ್ ಮಾಡ್‌ವಾನ ವಿರೋದಿಚಿಡುವಯಿಂಗಳು ಇಲ್ಲಿ ದುಂಬ ಉಂಡ್.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?

1 ಥೆಸಲೊನೀಕ 1:8

ನಿಂಗಡಿಂಜ ದೇವಡ ಸುದ್ದಿ ಮಕೆದೋನ್ಯ ಪಟ್ಟಣಕ್ ಮಾತ್ರ ಅಲ್ಲತೆ ಅಖಾಯ ಪ್ರಾಂತ್ಯಕ್ ಸಹ ಪಬ್ಬ್‌ಚಿ. ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಎಲ್ಲಾ ಜಾಗಕ್ ಗೊತ್ತಾಚಿ. ಆನಗುಂಡ್, ನಂಗ ನಿಂಗಡ ನಂಬಿಕೇರ ವಿಷಯತ್ ಒಂದು ಎಣ್ಣುವಕ್ ಒರ್ ಅವಸ್ಯವು ಇಲ್ಲತೆ ಪೋಚಿ.

1 ಥೆಸಲೊನೀಕ 2:1

ನಂಗಡ ಅಣ್ಣತಮ್ಮಣಂಗಳೇ, ನಂಗ ನಿಂಗಡ ಪಕ್ಕ ಬಂದದ್ ನಲ್ಲದಾಚೀಂದ್ ನಿಂಗಕೇ ಗೊತ್ತುಂಡ್.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 5:17

ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇರಿ.

1 ಥೆಸಲೊನೀಕ 5:25

ನಂಗಡ ಅಣ್ಣತಮ್ಮಣಂಗಳೇ, ನಂಗಕಾಯಿತ್ ಪ್ರಾರ್ಥನೆ ಮಾಡಿ.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.