2 ಥೆಸಲೊನೀಕ 2:8 - ಕೊಡವ ಬೈಬಲ್

⁸ ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕ, ದುಷ್ಟ ಮನುಷ್ಯ ಪೊರಮೆ ಬಪ್ಪ; ಆಚೇಂಗಿ, ಒಡೆಯನಾನ ಯೇಸು ಬಂದಿತ್ ಅಂವೊನ ತಾಂಡ ಬಾಯಿರ ಉಸ್‍ರ್‌ರ ಮೂಲಕ ಕೊಂದಿತ್, ತಾನ್ ಬಪ್ಪ ಮಹಿಮೇರ ಬೊಳಿರಗುಂಡ್ ನಾಶ ಮಾಡ್‌ವ.

2 ಥೆಸಲೊನೀಕ 2:8 Iomraidhean Croise

ಮತ್ತಾಯ 13:19

ದೇವಡ ರಾಜ್ಯತ್‍ರ ವಿಷಯತ್‍ನ ಕ್‍ೕಟಿತ್, ಅರ್ಥ ಆಕತೆ ಇಪ್ಪಕ, ಸೈತಾನ ಬಂದಿತ್ ಅಂವೊಂಡ ಹೃದಯತ್‍ಲ್ ಬುದ್ದ ಕುರುನ ಎಡ್‍ತಂಡ್ ಪೋಯಿರುವ. ಅಂವೊ ನಡ್‍ಪ ಬಟ್ಟೇಲ್ ಬುದ್ದ ಕುರುರನೆಕೆ.

ಮತ್ತಾಯ 13:38

ಬಯಲ್ ಎಣ್ಣ್‌ವದ್ ಈ ಲೋಕ; ನಲ್ಲ ಕುರು, ದೇವಡ ರಾಜ್ಯತ್‍ರ ಮಕ್ಕ; ಕಚಡ ಕುರು ಸೈತಾನಂಡ ಜನ;

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

1 ಕೊರಿಂಥ 1:28

ಈ ಲೋಕ ಏದ್ ದುಂಬ ಮುಕ್ಯಾಂದ್ ಎಣ್ಣುವ, ಅದ್‍ನ ತಿರಸ್ಕಾರ ಮಾಡ್‌ವಕಾಯಿತ್, ಕಮ್ಮಿತರತ್‍ನ, ಪ್ರಯೋಜನ ಇಲ್ಲತದ್‍ನ ಪಿಂಞ ಲೋಕತ್‍ರ ಜನ ಕೀಳಾಯಿತ್ ನೋಟ್‍ವಾನ ದೇವ ಗೊತ್ತ್ ಮಾಡಿಯಂಡತ್.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

1 ತಿಮೊಥೆಯ 6:14

ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ನೀನ್ ಈ ಆಜ್ಞೆನ ಏದ್ ಕಳಂಗ ಇಲ್ಲತೆ, ಏದ್ ಕುತ್ತವು ಇಲ್ಲತೆ ಮಾಡಿಯಂಡಿರ್.

2 ತಿಮೊಥೆಯ 1:10

ಇಕ್ಕ ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಪ್ರತ್ಯಕ್ಷ ಆನಗುಂಡ್ ಆ ಕೃಪೇನ ಕಾಂಬಕಾಚಿ. ಅಂವೊ ಚಾವ್‍ನ ಗೆದ್ದಿತ್, ಜೀವತ್‍ನ ಪಿಂಞ ನಾಶ ಆಕತ ಬದ್‍ಕ್‍ನ ನಲ್ಲ ಸುದ್ದಿಯಿಂಜ ಬೊಳಿಕ್ ಕೊಂಡ್ ಬಾತ್.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 10:27

ಆನಗುಂಡ್, ದೇವಡ ನ್ಯಾಯತೀರ್ಪ್ ಬಪ್ಪಾಂದ್ ಪೋಡಿಲ್ ನೋಟಿಯಂಡ್ ಮಾತ್ರ ಬದ್‍ಕಂಡು. ಅಯಿಂಗಕ್, ವಿರೋದಿಯಳ ಕತ್ತ್‌ಚಿಡುವ ದೇವಡ ಚೆಡಿರ ತಿತ್ತ್ ಉಂಡ್‍ೕಂದ್ ಗೊತ್ತಿರಡ್.

1 ಯೋಹಾನ 2:13

ಅಪ್ಪಂಗಳೇ, ಆದಿಯಿಂಜಲೆ ಕ್ರಿಸ್ತ ಯೇಸುನ ನಿಂಗಕ್ ಗೊತ್ತಾನಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ. ಬಾಲೆಕಾರಳೇ ನಿಂಗ ಕೆಟ್ಟಂವೊನಾನ ಸೈತಾನನ ಗೆದ್ದಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

ಪ್ರಕಟನೆ 1:16

ತಾಂಡ ಬಲ್‌ತೆ ಕೈಯಿಲ್ ಏಳ್ ನಕ್ಷತ್ರತ್‍ನ ಪೊರ್‍ತಂಡ್ ಇಂಜತ್, ಅಂವೊಂಡ ಬಾಯಿಂಜ ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿ ಪೊರಟಿತ್ ಬಾತ್; ಅಂವೊಂಡ ಮೂಡ್ ಮಜ್ಜಣತ್‍ರ ಸೂರ್ಯನೆಕೆ ಮಿನ್ನಿಯಂಡಿಂಜತ್.

ಪ್ರಕಟನೆ 13:5

ಆ ಮೃಗಕ್ ಬಡಾಯಿ ತಕ್ಕ್ ಪರಿಯುವ ಪಿಂಞ ದೂಷಣೆ ಎಣ್ಣುವ ಬಾಯಿನ ಕೊಡ್‌ತಿತ್ಂಜತ್; ಅದಲ್ಲತೆ, ನಾಪತ ದಂಡ್ ತಿಂಗಕತ್ತನೆ ಬೋಂಡಿಯನೆಕೆ ಮಾಡ್‌ವಕ್ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.

ಪ್ರಕಟನೆ 2:16

ಆನಗುಂಡ್, ಇಕ್ಕ ನೀನ್ ಪಶ್ಚಾತಾಪ ಪಡ್, ಇಲ್ಲತೆಪೋಚೇಂಗಿ ನಾನ್ ನೀಡ ಪಕ್ಕ ಬೆರಿಯ ಬಂದಿತ್, ನಾಡ ಬಾಯಿಂಜ ಬಪ್ಪ ಬಾಳ್‍ರಗುಂಡ್ ಅಯಿಂಗಡ ಕೂಡೆ ಯುದ್ದ ಮಾಡ್‌ವಿ.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.