2 ಥೆಸಲೊನೀಕ 2:7 - ಕೊಡವ ಬೈಬಲ್

⁷ ದಾರ್‌ಕು ಗೊತ್ತಿಲ್ಲತೆ, ಇಕ್ಕಲೆ ಅದ್ಂಡ ಬಲ್ಯ ದುಷ್ಟ ಶಕ್ತಿ ಲೋಕತ್‍ಲ್ ಕ್ರಿಯೆ ಮಾಡಿಯಂಡುಂಡ್. ಆಚೇಂಗಿಯು, ಅಂವೊ ಪೂರ್ಣವಾಯಿತ್ ಪೊರಮೆ ಬಪ್ಪಕ್ ಅಂವೊನ ತಡೆ ಮಾಡ್‌ವಂವೊ ಇಲ್ಲಿಂಜ ಪೋಪಕತ್ತನೆ ಅಂವೊನ ಅಂವೊಂಗ್ ಪೊರಮೆ ಕಾಂಬ್‍ಚಿಡುವಕ್ ಕಯ್ಯುಲೆ.

2 ಥೆಸಲೊನೀಕ 2:7 Iomraidhean Croise

ಅಪೊಸ್ತಲ 20:29

ನಾನ್ ಇಲ್ಲಿಂಜ ಪೋನ ಪಿಂಞ ಗೋರವಾನ ತೋಳಂಗಡನೆಕೆ ಕಳ್ಳ ಬೋದನೆಕಾರಂಗ ನಿಂಗಡ ಪಕ್ಕ ಬಪ್ಪಾಂದ್ ನಾಕ್ ಗೊತ್ತುಂಡ್; ಅಯಿಂಗ ಸಬೆರ ಜನತ್‍ನ ಪಾಳ್ ಮಾಡತೆ ಬುಡುಲೆ.

2 ಥೆಸಲೊನೀಕ 2:6

ಆಚೇಂಗಿಯು, ಅಂವೊ ಪೊರಮೆ ಬಪ್ಪಕ್ ಕಯ್ಯತನೆಕೆ, ಇಕ್ಕ ಅಂವೊನ ತಡೆ ಮಾಡ್‍ವದ್ ಎಂತದ್‍ೕಂದ್ ನಿಂಗಕ್ ಗೊತ್ತುಂಡಲ್ಲ. ಆಚೇಂಗಿ, ಅಂವೊ ಕಂಡಿತವಾಯಿತ್ ತಕ್ಕ ಸಮಯತ್‍ಲ್ ಪೊರಮೆ ಬಪ್ಪ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.

1 ಯೋಹಾನ 4:3

ಆಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತತ ಏದು ಆತ್ಮವು ದೇವಡಯಿಂಜ ಬಂದದಲ್ಲ. ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳ ಕಳ್ಳ ಕ್ರಿಸ್ತಂಡ ಆತ್ಮವೇ ಅದ್. ಅದ್ ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳಿರಲ್ಲ. ಅದ್ ಇಕ್ಕಲೆ ಈ ಲೋಕತ್‍ಲ್ ಉಂಡ್.

ಪ್ರಕಟನೆ 17:5

ಅವಡ ನೆತ್ತಿರ ಮೇಲೆ, ಮರ್ಮ, ಮಹಾ ಬಾಬೇಲ್, ವೇಶಿಯಂಗಕ್ ಬೂಮಿಲ್ ಉಳ್ಳ ಅಶುದ್ದಕೆಲ್ಲ ಅವ್ವ ಎಣ್ಣುವ ಪೆದ ಒಳ್‍ದಿತ್ಂಜತ್.

ಪ್ರಕಟನೆ 17:7

ಅಕ್ಕ ದೇವದೂತ: ನೀನ್ ಎನ್ನಂಗ್ ಆಶ್ಚರ್ಯ ಪಡ್‌ವಿಯಾ? ಈ ಪೊಣ್ಣಾಳ್‍ರ ಮರ್ಮತ್‍ನ, ಅವಡ ವಾಹನವಾಯಿತುಳ್ಳ ಏಳ್ ಮಂಡೆ, ಪತ್ತ್ ಕೊಂಬ್ ಉಳ್ಳ ಮೃಗತ್‍ರ ಮರ್ಮತ್‍ನ ನಾನ್ ನೀಕ್ ಎಣ್ಣಿ ತಪ್ಪೀಂದ್ ಎಣ್ಣ್‌ಚಿ.