2 ಥೆಸಲೊನೀಕ 2:10 - ಕೊಡವ ಬೈಬಲ್

¹⁰ ಅಂವೊ ಇನ್ನನೆಯೆಲ್ಲಾ ಮೋಸ ಮಾಡಿತ್, ದುಂಬ ಜನಳ ವಂಚನೆ ಮಾಡ್‌ವ. ಈ ಜನ ನೇರಾಯಿತ್ ಪಾಳಾಯಿ ನರಕಕ್ ಪೋಪಕಾಯಿತ್ ಉಳ್ಳಯಿಂಗ, ಎನ್ನಂಗಾಯಿತ್ ಅಯಿಂಗ ಪಾಳಾಪ ಎಣ್ಣ್‌ಚೇಂಗಿ, ಈ ಜನ ಅಯಿಂಗಕ್ ರಕ್ಷಣೆ ತಪ್ಪ ಸತ್ಯತ್‍ನ ಸ್ವೀಕಾರ ಮಾಡತೆ ಪ್ರೀತಿ ಮಾಡತೆ ಪೋಚಿ.

2 ಥೆಸಲೊನೀಕ 2:10 Iomraidhean Croise

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಮತ್ತಾಯ 13:11

ಅಯಿಂಗಕ್ ಅಂವೊ: ಪರಲೋಕ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪೊರಮೆ ಉಳ್ಳಯಿಂಗಕ್ ಈ ಬಾಗ್ಯ ಕ್‍ಟ್ಟಿತ್‌ಲ್ಲೆ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:34

ನಾಕ್ ಮನುಷ್ಯಂಗಡಿಂಜ ಸಾಕ್ಷಿ ಬೋಂಡ. ಆಚೇಂಗಿ, ನಿಂಗಕ್ ರಕ್ಷಣೆ ಕ್‍ಟ್ಟುವಕಾಯಿತೇ ನಾನ್ ಈ ತಕ್ಕ್ ಪರ್ಂದಂಡುಂಡ್.

ರೋಮ್ 10:1

ನಾಡ ಅಣ್ಣತಮ್ಮಣಂಗಳೇ, ನಾಡ ಜನಕ್ ರಕ್ಷಣೆ ಕ್‍ಟ್ಟಂಡೂಂದ್ ಉಳ್ಳದೇ ನಾಡ ಹೃದಯತ್‍ರ ಆಸೆಯು, ನಾನ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆಯುವಾಯಿತ್ ಉಂಡ್.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ರೋಮ್ 6:17

ಮಿಂಞ ನಿಂಗ ಪಾಪತ್‍ರ ಅಡಿಯಾಳಾಯಿತ್ಂಜಿರ, ಇಕ್ಕ ನಿಂಗ, ನಿಂಗಕ್ ಒಪ್ಪ್‌ಚಿಟ್ಟ ಬೋದನೆನ ಪೂರ್ತಿ ಮನಸ್ಸ್‌ಲ್ ಸ್ವೀಕಾರ ಮಾಡ್‍ನಗುಂಡ್ ದೇವಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 1:18

ಯೇಸು ಶಿಲುಬೇಲ್ ಚತ್ತತ್‍ೕಂದ್ ಎಣ್ಣುವ ಸುದ್ದಿ, ನಾಶವಾಯಿತ್ ಪೋಯಂಡುಳ್ಳ ಜನಕ್ ಪುಚ್ಚಿ ತಕ್ಕ್‌ರನೆಕೆ ಉಂಡ್, ಆಚೇಂಗಿ ರಕ್ಷಣೆ ಕ್‍ಟ್ಟಿತುಳ್ಳ ನಂಗಕ್ ಆ ಸುದ್ದಿ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

2 ಕೊರಿಂಥ 11:13

ಅನ್ನನೆ ಉಳ್ಳಯಿಂಗ ಕಳ್ಳ ಅಪೊಸ್ತಲಂಗ, ಕಪಟಿಯಾನ ಸೇವಕಂಗ, ಕ್ರಿಸ್ತಂಡ ಅಪೊಸ್ತಲಂಗಡ ವೇಷತ್‍ನ ಇಟ್ಟಂಡುಂಡ್.

2 ಕೊರಿಂಥ 11:15

ಆನಗುಂಡ್, ಅಂವೊಂಡ ಸೇವಕಂಗಳು ಸಹ, ನೀತಿರ ಸೇವಕಂಗಡ ವೇಷತ್‍ನ ಇಟ್ಟತೇಂಗಿ ಅದ್ ಆಶ್ಚರ್ಯ ಅಲ್ಲ; ಅಯಿಂಗಡ ಅಂತ್ಯ ಅಯಿಂಗಡ ಕ್ರಿಯೇಕ್ ತಕ್ಕಂತದಾಯಿತ್‌ಪ್ಪ.

2 ಕೊರಿಂಥ 2:15

ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲು, ಪಾಳಾಯಿ ಪೋಪಯಿಂಗಡ ಮದ್ಯತ್‍ಲು, ನಂಗ ದೇವಕ್ ಕ್ರಿಸ್ತಂಡ ಸುಗಂದ ವಾಸನೆಯಾಯಿತುಂಡ್.

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.

2 ಥೆಸಲೊನೀಕ 2:12

ಅದ್ಂಗಾಯಿತ್, ಸತ್ಯತ್‍ನ ನಂಬತೆ, ಪಾಪತ್‍ಲ್ ಕುಶಿಪಟ್ಟಂಡ್ ಇಂಜಯಿಂಗಕ್ ತೀರ್ಪ್ ತಪ್ಪನೆಕೆ ದೇವ ಮಾಡ್‍ಚಿ.

2 ಥೆಸಲೊನೀಕ 2:13

ಒಡೆಯಂಡ ಪ್ರೀತಿರ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ಬೋರೆ ಮಾಡಿತ್, ಶುದ್ದ ಮಾಡ್‍ನಗುಂಡ್ ಪಿಂಞ ನಿಂಗ ಸತ್ಯತ್‍ನ ನಂಬ್‍ನಗುಂಡ್ ನಿಂಗಕ್ ರಕ್ಷಣೆ ಕ್‍ಟ್ಟುವನೆಕೆ ಅಂವೊ ಮಾಡ್‍ಚಿ. ಅನ್ನನೆ ಅಂವೊ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನಿಂಗಳ ಗೊತ್ತ್ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಕ್ ನಂಗ ಎಕ್ಕಾಲು ವಂದನೆ ಮಾಡ್‌ವಕ್ ನಂಗ ಜವಾಬ್ದಾರಂಗಳಾಯಿತ್ ಉಂಡ್.

1 ತಿಮೊಥೆಯ 2:4

ಎಲ್ಲಾ ಜನಕು ರಕ್ಷಣೆ ಕ್‍ಟ್ಟಂಡೂಂದು, ಎಲ್ಲಾರ್‌ಕು ಸತ್ಯ ಗೊತ್ತಾಂಡೂಂದು ಉಳ್ಳದೇ ಅಂವೊಂಡ ಚಿತ್ತವಾಯಿತುಂಡ್.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

2 ಪೇತ್ರ 2:12

ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.