2 ಥೆಸಲೊನೀಕ 1:7 - ಕೊಡವ ಬೈಬಲ್

^7-8 ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

2 ಥೆಸಲೊನೀಕ 1:7 Iomraidhean Croise

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮಾರ್ಕ 14:62

ಅದ್ಂಗ್ ಯೇಸು: ಅಕ್ಕು, ನಾನ್ ಅಂವೊನೇ; ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:30

ಮನುಷ್ಯಕುಮಾರ ಪ್ರತ್ಯಕ್ಷ ಆಪ ದಿವಸತ್‍ಲ್ ಸಹ ಜನ ಇದೇ ತರತ್‍ಲ್ ಬದ್‍ಕಿಯಂಡಿಪ್ಪ.

ಯೋಹಾನ 1:3

ಈ ತಕ್ಕ್‌ರ ಮೂಲಕವೇ ಎಲ್ಲಾ ಸೃಷ್ಟಿ ಆಚಿ. ಸೃಷ್ಟಿ ಆನದೆಲ್ಲಾ, ಈ ತಕ್ಕ್ ಇಲ್ಲತೆ ಆಪಕಿಂಜಿತ್‌ಲ್ಲೆ.

ಯೋಹಾನ 1:51

ಪರಲೋಕ ತೊರಂದಿತ್ ದೇವದೂತಂಗ ಮನುಷ್ಯಕುಮಾರಂಡಿಂಜ ಪೋಪದ್‌ನ ಪಿಂಞ ಇಳಿಂಜ್ ಬಪ್ಪದ್‍ನ ಇಕ್ಕಯಿಂಜ ನಿಂಗ ಎಲ್ಲಾರು ಕಾಂಬಿರಾಂದ್ ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 1:11

ಅಯಿಂಗ ಅಲ್ಲಿ ಇಂಜಯಿಂಗಳ ನೋಟಿತ್: ಗಲಿಲಾಯತ್‍ರ ಜನಳೇ, ಎನ್ನಂಗ್ ನಿಂಗ ಬಾನತ್‍ನ ನೋಟಿಯಂಡ್ ಉಳ್ಳಿರ? ನಿಂಗಡ ಕಣ್ಣ್‌ರ ಮಿಂಞ ಎನ್ನನೆ ಯೇಸು ಪರಲೋಕಕ್ ಪೋಚೋ, ಅನ್ನನೆ ಯೇಸು ಪರಲೋಕತ್ಂಜ ಬಯ್ಯ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

1 ಕೊರಿಂಥ 3:13

ಆಚೇಂಗಿ ಕ್ರಿಸ್ತಂಡ ದಿವಸತ್‍ಲ್ ತಿತ್ತ್‌ರ ಮೂಲಕ ಒಬ್ಬೊಬ್ಬನು ಎಚ್ಚಕ್ ಚಾಯಿ ಕೆಟ್ಟ್‌ಚೀಂದ್ ಗೊತ್ತಾಪ. ಎನ್ನಂಗೆಣ್ಣ್‌ಚೇಂಗಿ ತಿತ್ತ್ ಅದ್‍ನ ಕಾಂಬ್‌ಚಿಡುವ. ಒಬ್ಬೊಬ್ಬಂಡ ಕಾರ್ಯತ್‍ನ ತಿತ್ತ್ ಪರೀಕ್ಷ ಮಾಡ್‌ವ.

2 ಕೊರಿಂಥ 4:17

ಇಂಞು, ಒರ್ ಗಳಿಗೆಲ್ ಕಾಂಗತ ಆಪ ತೂವೆಯಾಯಿತುಳ್ಳ ನಂಗಡ ಈ ಕಷ್ಟ, ನಂಗಕ್ ದುಂಬ ಬಲ್ಯ ನಿತ್ಯ ಗನಪಟ್ಟ ಮಹಿಮೆನ ಉಂಟ್ ಮಾಡ್‌ವ.

ಎಫೆಸ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

ಕೊಲೊಸ್ಸೆ 1:16

ಎನ್ನಂಗೆಣ್ಣ್‌ಚೇಂಗಿ, ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳದು, ಬೂಲೋಕತ್‍ಲ್ ಉಳ್ಳದು, ಕಾಂಬಕುಳ್ಳದು, ಕಾಂಬಕಯ್ಯತದು, ರಾಜಂಗಳು, ರಾಜ್ಯಂಗಳು, ಏದ್ ಅದಿಕಾರವು, ಅದಿಕಾರಿಯಂಗಳು, ಇದೆಲ್ಲಾ ಅಂವೊಂಡ ಮೂಲಕ, ಅಂವೊಂಗಾಯಿತ್ ಸೃಷ್ಟಿ ಮಾಡ್‍ಚಿ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 10:27

ಆನಗುಂಡ್, ದೇವಡ ನ್ಯಾಯತೀರ್ಪ್ ಬಪ್ಪಾಂದ್ ಪೋಡಿಲ್ ನೋಟಿಯಂಡ್ ಮಾತ್ರ ಬದ್‍ಕಂಡು. ಅಯಿಂಗಕ್, ವಿರೋದಿಯಳ ಕತ್ತ್‌ಚಿಡುವ ದೇವಡ ಚೆಡಿರ ತಿತ್ತ್ ಉಂಡ್‍ೕಂದ್ ಗೊತ್ತಿರಡ್.

ಇಬ್ರಿಯ 12:29

ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.

ಇಬ್ರಿಯ 4:1

ದೇವ ತಪ್ಪ ಆರಾಮ್‍ರ ಜಾಗಕ್ ಪೋಪಕುಳ್ಳ ವಾಗ್ದಾನ ನಂಗಕ್ ಇಂಞು ಉಳ್ಳಗುಂಡ್, ನಿಂಗಡಲ್ಲಿ ಒಬ್ಬ ಸಹ ಅಲ್ಲಿಕ್ ಎತ್ತ್‌ವಕ್ ಆಪುಲೇಂದ್ ಗೊತ್ತಾಕತನೆಕೆ ಪೋಡಿಲ್ ಬದ್‍ಕಂಡು.

ಇಬ್ರಿಯ 4:11

ಆನಗುಂಡ್, ನಂಗಡಲ್ಲಿ ಒಬ್ಬನು ಅಯಿಂಗಡನೆಕೆ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋಕತನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು. ಆನಗುಂಡ್, ಅಯಿಂಗ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋನನೆಕೆ, ನಂಗಡಲ್ಲಿ ಒಬ್ಬನು ಬುದ್ದ್‌ ಪೋಕತನೆಕೆ ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು.

ಇಬ್ರಿಯ 4:9

ಆನಗುಂಡ್, ದೇವಡ ಮಕ್ಕಕ್ ಆರಾಮ್‍ರ ಕಾಲ ಇಂಞು ಮಿಂಞಕ್ ಬಪ್ಪಕ್ ಉಂಡ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:7

ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 21:4

ದೇವ ಅಯಿಂಗಡ ಕಣ್ಣೀರ್‌ನೆಲ್ಲಾ ತ್‍ೕ‍ಟ್‍ವ. ಇಂಞು ಮಿಂಞಕ್ ಚಾವ್ ಎಣ್ಣುವದ್ ಇಪ್ಪುಲೆ. ಇಂಞು ದುಃಖ, ಗೋಳಾಟ, ಕಷ್ಟ ಎಣ್ಣುವದ್ ಇಪ್ಪುಲೆ; ಮಿಂಞ ಇಂಜದೆಲ್ಲಾ ಇಲ್ಲತೆ ಆಯಿಪೋಚೀಂದ್ ಎಣ್ಣ್‌ಚಿ.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 6:11

ಅಕ್ಕ, ಅಯಿಂಗ ಒಬ್ಬೊಬ್ಬಂಗಕು ಬೊಳ್‍ತ ಉದ್ದವಾನ ಬಟ್ಟೇನ ಕೊಡ್‍ತತ್. ಅದಲ್ಲತೆ, ಅಯಿಂಗಡನೆಕೆ, ಕೊಲೆ ಆಪಕುಳ್ಳ ತಂಗಡ ಕೂಟ್ ಸೇವಕಂಗಳಾನ ಅಯಿಂಗಡ ಅಣ್ಣತಮ್ಮಣಂಗಡ ಲೆಕ್ಕ ಪೂರ್ತಿ ಆಪಕತ್ತನೆ, ಇಂಞು ಚೆನ್ನ ಕಾಲ ಆರಾಮ್‍ಲ್ ಇಕ್ಕಂಡೂಂದ್ ಅಯಿಂಗಕ್ ಎಣ್ಣಿಯತ್.